Major: సెన్సార్ పనులు పూర్తి చేసుకున్న మేజర్ | Major Movie Completes Censor Formalities

Major: సెన్సార్ పనులు పూర్తి చేసుకున్న మేజర్

టాలీవుడ్‌లో విలక్షణ చిత్రాలను తెరకెక్కిస్తూ తనకంటూ ప్రత్యేక ఇమేజ్‌ను క్రియేట్ చేసుకున్నాడు హీరో అడివి శేష్. ఈ హీరో నటిస్తున్న తాజా చిత్రం ‘మేజర్’ ఇప్పటికే ప్రేక్షకుల్లో మంచి....

Major: సెన్సార్ పనులు పూర్తి చేసుకున్న మేజర్

Major: టాలీవుడ్‌లో విలక్షణ చిత్రాలను తెరకెక్కిస్తూ తనకంటూ ప్రత్యేక ఇమేజ్‌ను క్రియేట్ చేసుకున్నాడు హీరో అడివి శేష్. ఈ హీరో నటిస్తున్న తాజా చిత్రం ‘మేజర్’ ఇప్పటికే ప్రేక్షకుల్లో మంచి అంచనాలు క్రియేట్ చేయడంలో సక్సెస్ అయ్యింది. మేజర్ సందీప్ ఉన్నికృష్ణన్ బయోపిక్‌గా రాబోతున్న ఈ సినిమాను దర్శకుడు శశికిరణ్ తిక్క తెరకెక్కిస్తుండగా, మహేష్ బాబు జీఎంబీ ఎంటర్‌టైన్‌మెంట్స్, సోనీ పిక్చర్స్, ఏ+ఎస్ మూవీస్ బ్యానర్లు ఈ సినిమాను ప్రొడ్యూస్ చేస్తున్నాయి. ఇప్పటికే రిలీజ్ అయిన ఈ సినిమా పోస్టర్స్, టీజర్, ట్రైలర్స్ ఈ సినిమాపై మంచి బజ్‌ను క్రియేట్ చేశాయి.

Major : రిలీజ్‌కి 10 రోజుల ముందే మేజర్ స్పెషల్ షోలు.. సరికొత్త ప్రయోగం చేస్తున్న అడవి శేష్..

తాజాగా ఈ సినిమా సెన్సార్ పనులు కూడా పూర్తి చేసుకున్నట్లు తెలుస్తోంది. ఈ సినిమాకు సెన్సార్ బోర్డ్ U/A సర్టిఫికెట్ జారీ చేసినట్లు చిత్ర వర్గాలు అంటున్నాయి. మేజర్ సందీప్ ఉన్నికృష్ణన్ జీవితాన్ని ప్రేక్షకులు చెప్పిన విధానం అద్భుతంగా ఉందని చిత్ర యూనిట్‌ను సెన్సార్ బోర్డ్ ప్రశంసిచినట్లుగా తెలుస్తోంది. ఇక ఈ సినిమాలో అడివి శేష్ యాక్టింగ్‌కు ప్రత్యేక అభినందనులు తెలిపారట సెన్సార్ బోర్డ్ సభ్యులు. ఈ సినిమా అన్ని వర్గాల ప్రేక్షకులను ఆకట్టుకుంటుందని వారు కితాబిచ్చినట్లుగా చిత్ర యూనిట్ తెలిపింది.

Major: మేజర్ నుండి రొమాంటిక్ మెలోడీ.. ఓహ్ ఇషా సాంగ్ రిలీజ్!

సెన్సార్ బోర్డ్ సభ్యులు మేజర్ చిత్రానికి మంచి ఫీడ్‌బ్యాక్ ఇవ్వడంతో చిత్ర యూనిట్ సంతోషంలో మునిగితేలుతోంది. ఇక ఈ సినిమాను రిలీజ్ కంటే ముందుగా తొలిసారి పలు నగరాల్లో ప్రీమియర్ షోలు వేయనుండటం విశేషం. ఈ సినిమాలో అడివి శేష్ పర్ఫార్మెన్స్ మరో లెవెల్‌లో ఉంటుందని చిత్ర యూనిట్ ధీమా వ్యక్తం చేస్తోంది. ఇక ఈ సినిమాలో సాయీ మంజ్రేకర్, శోభితా ధూలిపాల, ప్రకాశ్ రాజ్, రేవతి, మురళి శర్మ ఇతర కీలక పాత్రల్లో నటిస్తున్నారు.

×