Ram Charan: నాటు నాటు కాదు.. అంతకు మించి..?

Ram Charan: మెగా పవర్ స్టార్ రామ్ చరణ్ ఇటీవల ‘ఆర్ఆర్ఆర్’ చిత్రంత అదిరిపోయే బ్లాక్‌బస్టర్ అందుకున్నాడు. పాన్ ఇండియా స్థాయిలో ఈ మూవీ వసూళ్ల వర్షం కురిపించిన సంగతి తెలిసిందే. దర్శకధీరుడు రాజమౌళి ఈ సినిమాను తెరకెక్కించగా, యంగ్ టైగర్ ఎన్టీఆర్ ఈ సినిమాలో మరో హీరోగా నటించాడు. ఇక తారక్, చరణ్ కలిసి చేసిన పర్ఫార్మెన్స్ ఈ సినిమాకే హైలైట్‌గా నిలిచింది. అంతేగాక ఈ సినిమాలో ‘నాటు నాటు’ అనే పాటలో తారక్, చరణ్‌ల డ్యాన్స్ ప్రేక్షకులను ఓ ఊపు ఊపేసింది.

Ram Charan: చరణ్ కోసం దిల్ రాజు భారీగా ఖర్చు పెడుతున్నాడుగా!

ఇద్దరు బెస్ట్ డ్యాన్సర్స్ పోటీపడి మరీ డ్యాన్స్ చేయడంతో ఈ పాట సినిమాకు బాగా కలిసొచ్చింది. ఇక ఇప్పుడు ‘నాటు నాటు’ పాటకు మించిన డ్యాన్స్ చేసేందుకు చరణ్ రెడీ అవుతున్నట్లు తెలుస్తోంది. ప్రస్తుతం చరణ్ దర్శకుడు శంకర్ డైరెక్షన్‌లో తన నెక్ట్స్ మూవీని తెరకెక్కిస్తున్న సంగతి తెలిసిందే. ఈ సినిమాకు సంబంధించిన షూటింగ్ ప్రస్తుతం శరవేగంగా జరుగుతోంది. ఇప్పటికే వైజాగ్ షెడ్యూల్‌లో చరణ్‌పై కొన్ని ఆసక్తికరమైన సీన్స్‌ను చిత్రీకరిస్తున్నారు. ఈ షెడ్యూల్‌లో హీరోయిన్ కియారా అద్వానీ కూడా పాల్గొంటుంది. ఇక ఈ షెడ్యూల్ తరువాత ఓ సాంగ్‌ను షూట్ చేసేందుకు శంకర్ అండ్ టీమ్ రెడీ అవుతున్నారట. అయితే ఈ పాట చాలా స్పెషల్‌గా ఉండబోతున్నట్లు తెలుస్తోంది.

Ram Charan: శంకర్ సినిమాలో చరణ్ అలా కనిపిస్తాడా..?

ఈ సాంగ్‌ను జానీ మాస్టర్ కొరియోగ్రఫీ చేయనున్నాడట. అయితే ఈ పాటలో చరణ్ కోసం అద్భుతమైన డ్యాన్స్ స్టెప్స్ కంపోజ్ చేయబోతున్నారట. ఇది నాటు నాటు పాటలో చరణ్ చేసిన డ్యాన్స్‌కు రెండింతలుగా ఉండబోతున్నట్లు చిత్ర యూనిట్ అంటోంది. అంటే.. ఈ పాటలో చరణ్ డ్యాన్స్‌లో తన అసలు రూపం చూపించబోతున్నట్లు చిత్ర వర్గాలు అంటున్నాయి. ఇక ఈ పాట ఈ చిత్రానికే హైలైట్ కావడం ఖాయమని చిత్ర యూనిట్ ధీమా వ్యక్తం చేస్తోంది. మరి నిజంగానే నాటు నాటు పాటలో చరణ్ చేసిన డ్యాన్స్‌కు రెండింతలుగా ఈ సినిమాలో సాంగ్ ఉండబోతుందా అనేది తెలియాలంటే ఈ సినిమా రిలీజ్ అయ్యే వరకు వెయిట్ చేయాల్సిందే. ఈ సినిమాను శంకర్ హిందీ, తెలుగు, తమిళ భాషల్లో రూపొందిస్తున్నాడు. ఇక ఈ సినిమాను స్టార్ ప్రొడ్యూసర్ దిల్ రాజు అత్యంత భారీ బడ్జెట్‌తో ప్రొడ్యూస్ చేస్తున్నారు.