కాస్త ఊరట.. అంతలోనే ఆందోళన.. దేశంలో వేగంగా పెరుగుతున్న కరోనా కేసులు

భారత్‌లో కరోనా వైరస్‌ మహమ్మారి వేగంగా విస్తరిస్తున్నప్పటికీ కోలుకుంటున్న వారి సంఖ్య కూడా పెరుగుతుంది. కొన్ని రోజులుగా దేశంలో ప్రతి రోజు 300లకు పైగా కొవిడ్‌-19 మరణాలు సంభవించగా.. నిన్న ఒక్కరోజే దేశవ్యాప్తంగా 380మంది కరోనా కారణంగా చనిపోయారు. దీంతో దేశంలో కరోనాతో చనిపోయినవారి సంఖ్య 9900కి చేరింది.

గడచిన 24గంటల్లో దేశవ్యాప్తంగా కొత్తగా 10,667 కేసులు నమోదవగా.. దేశంలో కరోనా వైరస్‌ బారినపడినవారి సంఖ్య 3,43,091కి చేరింది. మొత్తం బాధితుల్లో ఇప్పటివరకు 1,80,013మంది కోలుకోగా మరో 1,53,178మంది చికిత్స పొందుతున్నారు. దేశంలో వైరస్‌ బారినపడి కోలుకుంటున్న వారి సంఖ్య ప్రతిరోజు పెరుగుతుంది. ప్రస్తుతం దేశంలో కరోనా బాధితుల రికవరీ రేటు 52.5శాతంగా ఉంది.

ప్రపంచంలోని మరణాల సంఖ్యలో మాత్రం బెల్జియంను దాటి భారత్‌ ఎనిమిదో స్థానానికి చేరింది. పాజిటివ్‌ కేసుల సంఖ్యలో మాత్రం భారత్‌ నాలుగో స్థానంలో ఉంది. ఇక దేశంలో మహారాష్ట్ర, ఢిల్లీ, తమిళనాడు, గుజరాత్, రాజస్థాన్, మరియు మధ్యప్రదేశ్ రాష్ట్రాలు ఎక్కువగా ప్రభావితమై ఉన్నాయి. మరో ఆందోళన కలిగించే సంకేతం ఏమిటంటే, ఈశాన్య రాష్ట్రాలు రోజువారీ COVID-19 కేసులను నమోదు చేయడం ప్రారంభించాయి.

రాష్ట్రాలవారీగా కేసులు: