JP Nadda : పార్లమెంట్ లో వాజ్‌పాయి రూమ్ బీజేపీ చీఫ్ నడ్డాకి!
బీజేపీ జాతీయ అధ్యక్షుడు జేపీ నడ్డాకు పార్లమెంట్ బిల్డింగ్ లోని గ్రౌండ్ ఫ్లోర్‌లో నాలుగో నెంబరు గదిని కేటాయించబోతున్నట్లు సమాచారం.
- Published By: 10TV Digital Team ,Published On : July 20, 2021 / 03:46 PM IST
JP Nadda బీజేపీ జాతీయ అధ్యక్షుడు జేపీ నడ్డాకు పార్లమెంట్ బిల్డింగ్ లోని గ్రౌండ్ ఫ్లోర్‌లో నాలుగో నెంబరు గదిని కేటాయించబోతున్నట్లు సమాచారం. కాగా, ఈ గదిని 2004లో మాజీ ప్రధానమంత్రి వాజ్‌పాయికి కేటాయించారు. మొదట్లో ఈ రూమ్ బీజేపీ మిత్రపక్షమైన జేడీయూకి కేటాయించబడి ఉంది. అయితే 2004లో జరిగిన సార్వత్రిక ఎన్నికల్లో బీజేపీ ఓటమి తర్వాత ప్రధాని పదవి నుంచి వాజ్ పేయి తప్పుకున్న తర్వాత ఆయనకు ఈ గదిని కేటాయించారు. కానీ దీనిని ఆయన ఉపయోగించలేదు.
ఆ తర్వాత ఎన్డీయే చైర్ పర్శన్ హోదాలో ఎల్ కే అద్వాణీ ఈ గదిని ఉపయోగించారు. అయితే మంగళవారం(జులై-20,2021)ఈ గది బయట ఉన్న వాజ్ పేయి మరియు అద్వాణీ నేమ్ ప్లేట్లను తొలగించారు. బీజేపీ చీఫ్ నడ్డాకు ఈ గదిని కేటాయించబోతున్నట్లు విశ్వసనీయ వర్గాలు తెలిపాయి.
