Rahul Gandhi: ‘కేజీఎఫ్-2’ పాట వాడుకున్నందుకు రాహుల్ గాంధీపై కేసు నమోదు… ఫిర్యాదు చేసిన ఆడియో సంస్థ
కాంగ్రెస్ నేత రాహుల్ గాంధీపై ఒక ఆడియో సంస్థ ఫిర్యాదు చేసింది. తమ అనుమతి లేకుండా ‘కేజీఎఫ్-2’ చిత్రంలోని పాట వాడుకోవడంపై అభ్యంతరం వ్యక్తం చేసింది. ‘భారత్ జోడో యాత్ర’ ప్రచార వీడియోకు ‘కేజీఎఫ్-2’ సాంగ్ వాడుకోవడంపై సంస్థ ఫిర్యాదు చేసింది.
Rahul Gandhi: కాంగ్రెస్ నేత రాహుల్ గాంధీపై ఒక ఆడియో సంస్థ కేసు నమోదు చేసింది. రాహుల్ చేపట్టిన ‘భారత్ జోడో యాత్ర’లో భాగంగా రూపొందించిన ఒక వీడియోకు ‘కేజీఎఫ్-2’ సినిమాలోని పాట వాడుకోవడమే దీనికి కారణం.
Kerala: ఎంత అహంకారం.. కారుకు ఒరిగినందుకు బాలుడిని తన్నిన యజమాని.. వీడియో వైరల్
రాహుల్ గాంధీ ప్రస్తుతం ‘భారత్ జోడో యాత్ర’ నిర్వహిస్తున్న సంగతి తెలిసిందే. ఈ యాత్ర ప్రచారానికి కాంగ్రెస్ పార్టీ అనేక వీడియోలు రూపొందిస్తోంది. దీనిలో భాగంగా ఒక వీడియోకు ‘కేజీఎఫ్-2’ చిత్రంలోని పాటను వాడింది. రాహుల్ వీడియోకు బ్యాగ్రౌండ్లో ‘కేజీఎఫ్-2’ పాటను యాడ్ చేశారు. అయితే, దీనిపై కర్ణాటకకు చెందిన ‘ఎమ్ఆర్టీ మ్యూజిక్’ అనే ఆడియో సంస్థ అభ్యంతరం వ్యక్తం చేసింది. తమ అనుమతి లేకుండా ఈ పాట వాడుకున్నందుకు కాంగ్రెస్ పార్టీతోపాటు, రాహుల్ గాంధీ, జైరామ్ రమేశ్, సుప్రియా శ్రీనాతెపై కేసు నమోదు చేసింది.
కాపీ రైట్ చట్టాన్ని ఉల్లంఘించి, తమ పాట వాడుకున్నారని ఫిర్యాదులో పేర్కొంది. ‘ఎమ్ఆర్టీ మ్యూజిక్’ సంస్థ దక్షిణాదికి సంబంధించి ‘కేజీఎఫ్-2’ ఆడియో హక్కుల్ని పొందింది. తాము చాలా డబ్బులు వెచ్చించి, ఈ చిత్ర హక్కుల్ని సొంతం చేసుకున్నామని, అలాంటిది తమ అనుమతి లేకుండా పాట వాడుకున్నారని ‘ఎమ్ఆర్టీ మ్యూజిక్’ సంస్థ ఫిర్యాదు చేసింది. దీంతో పలు సెక్షన్ల కింద ఎఫ్ఐఆర్ దాఖలు చేశారు.
आओ, तुम्हें 'सपनों के भारत' की ओर लेकर चलें…#BharatJodoYatra pic.twitter.com/4sZinLl8sS
— Congress (@INCIndia) October 11, 2022