Yash Dayal: సోష‌ల్ మీడియాలో య‌శ్ ద‌యాల్ వివాదాస్ప‌ద పోస్ట్‌.. ఆ వెంట‌నే డిలీట్‌.. సారీ చెప్పినా..

గుజ‌రాత్ టైటాన్స్ పేస‌ర్ య‌శ్ ద‌యాల్ ఓ వివాదంలో చిక్కుకున్నాడు. సోమ‌వారం నాడు త‌న సోష‌ల్ మీడియా ఖాతాలో ఓ వివాదాస్ప‌ద క‌థనాన్ని పోస్ట్ చేశాడు. దీంతో నెటింట్ట అత‌డిపై విమ‌ర్శ‌ల జ‌డివాన మొద‌లైంది. మతపరమైన మనోభావాలను దెబ్బ‌తీసే విధంగా ఆ పోస్ట్ ఉండ‌డంతో కొద్దిసేప‌టికే త‌న త‌ప్పును గ్ర‌హించిన య‌శ్ ద‌యాల్ ఆ పోస్ట్‌ను డిలీట్ చేశాడు.

Dayal: గుజ‌రాత్ టైటాన్స్ పేస‌ర్ య‌శ్ ద‌యాల్ ఓ వివాదంలో చిక్కుకున్నాడు. సోమ‌వారం నాడు త‌న సోష‌ల్ మీడియా ఖాతాలో ఓ వివాదాస్ప‌ద క‌థనాన్ని పోస్ట్ చేశాడు. దీంతో నెటింట్ట అత‌డిపై విమ‌ర్శ‌ల జ‌డివాన మొద‌లైంది. మతపరమైన మనోభావాలను దెబ్బ‌తీసే విధంగా ఆ పోస్ట్ ఉండ‌డంతో కొద్దిసేప‌టికే త‌న త‌ప్పును గ్ర‌హించిన య‌శ్ ద‌యాల్ ఆ పోస్ట్‌ను డిలీట్ చేశాడు. అయిన‌ప్ప‌టికీ ఆ పోస్ట్‌కు సంబంధించిన స్క్రీన్ షాట్లు వైర‌ల్ అవుతున్నాయి. తాను కావాల‌ని ఆ పోస్ట్ ను చేయ‌లేద‌ని, పొర‌బాటు జ‌రిగిన‌ట్లు ఒప్పుకుంటూ, త‌న త‌ప్పును క్ష‌మించాల‌ని మ‌రో పోస్ట్‌ను చేశాడు య‌శ్ ద‌యాల్‌.

ఏం పోస్ట్ చేశాడంటే..?

ల‌వ్ జిహాద్‌కు సంబంధించిన ఓ కార్టూన్ చిత్రాన్ని య‌శ్ ద‌యాల్ త‌న ఇన్‌స్టాగ్రామ్‌లో పోస్ట్ చేశాడు. యువ‌తి క‌ళ్ల‌కు గంత‌లు క‌ట్టుకుని ఉండ‌గా ఓ వ్య‌క్తి త‌న వీపు వెనుక చాకును దాచి పెట్టుకుని ఆమెకు ప్ర‌పొజ్ చేస్తున్న‌ట్లుగా ఉంది. ఆ ప‌క్క‌నే స‌మాధులు ఉండ‌గా మ‌రో మ‌హిళ మృత‌దేహం ఉంది. ఆ మృత‌దేహం పై సాక్షి అని వ్రాసి ఉంది.

WTC Final 2023: డ‌బ్ల్యూటీసీ ఫైన‌ల్ మ్యాచ్‌లో కీప‌ర్ ఎవ‌రు..? ఇషాన్‌, భ‌ర‌త్‌ల‌లో మాజీ వికెట్ కీప‌ర్ మ‌ద్ద‌తు ఎవ‌రికంటే..?

King Yash Dayal 👑 pic.twitter.com/zVrH2nlxDt

— izna / इज्ना (@iz_naaah) June 5, 2023

అయితే ఈ పోస్ట్‌ను క్రికెట‌ర్ వెంట‌నే తొల‌గించాడు. అయితే అప్ప‌టికే న‌ష్టం జ‌రిగిపోయింది. ప‌లువురు దీన్ని స్క్రీన్ షాట్లు తీసి సోష‌ల్ మీడియాలో పోస్ట్ చేస్తూ అత‌డిని విమ‌ర్శిస్తున్నారు. ఆ వెంట‌నే య‌శ్ ద‌యాల్ మ‌రో పోస్ట్ చేశాడు. ‘పొర‌బాటున ఆ క‌థ‌నాన్ని పోస్ట్ చేశాను ద‌య‌చేసి క్ష‌మించండి ద్వేషాన్ని వ్యాప్తి చేయొద్దు.’ అంటూ నెటిజన్లను కోరాడు. ‘థ్యాంక్యూ.. సొసైటీలోని ప్ర‌తి సంఘం, క‌మ్యూనిటీ ప‌ట్ల నాకు గౌర‌వం ఉంది.’ అంటూ రాసుకొచ్చాడు.

WTC Final 2023: గ‌త డ‌బ్ల్యూటీసీ ఫైన‌ల్ మ్యాచ్‌లో టీమ్ఇండియా చేసిన త‌ప్పులు ఇవే..? వీటిని స‌రిదిద్దుకోకుంటే..

ఇటీవ‌ల ముగిసిన ఐపీఎల్‌లో య‌శ్ ద‌యాల్ పేల‌వ ప్ర‌ద‌ర్శ‌న చేశాడు. ఓ మ్యాచ్‌లో కోల్‌క‌తా నైట్ రైడ‌ర్స్ బ్యాట‌ర్ రింకూ సింగ్ ఆఖ‌రి ఓవ‌ర్‌లో య‌శ్ ద‌యాల్ బౌలింగ్‌లో వ‌రుస‌గా ఐదు సిక్స‌ర్లు బాది త‌న జ‌ట్టుకు అద్భుతం విజ‌యాన్ని అందించాడు. ఆ స‌మ‌యంలో అంద‌రూ య‌శ్‌కు మ‌ద్ద‌తుగా నిలిచారు. ప్ర‌తి క్రికెట‌ర్ జీవితంలో ఇలాంటి ఓ రోజు వ‌స్తుంద‌ని, దీన్ని నుంచి పాఠాలు నేర్చుకుని బ‌లంగా తిరిగి రావాలి త‌ప్పిస్తే నిరాశ ప‌డ‌కూడంటూ ప్ర‌తి ఒక్క‌రు అత‌డి ధైర్యాన్ని చెబుతూ పోస్టులు పెట్టారు. ఈ మ్యాచ్ తరువాత గుజ‌రాత్ ఆడిన మ‌రో తొమ్మిది మ్యాచుల వ‌ర‌కు అత‌డికి జ‌ట్టులో స్థానం ద‌క్క‌లేదు. ఇప్పుడు ఓ పోస్ట్‌తో అత‌డిపై ఉన్న సానుభూతిని కోల్పోయాడు.