Badwel By-Election : బద్వేల్ ఉప ఎన్నికలో 9 నామినేషన్లు తిరస్కరణ
బద్వేల్ ఉప ఎన్నికలో 9 నామినేషన్లను తిరస్కరించారు. వైసీపీ, కాంగ్రెస్, బీజేపీతో పాటు 18 మంది అభ్యర్థుల నామినేషన్లు చెల్లుబాటు అయ్యాయి. ఉపసంహరణకు ఈ నెల 13వ తేదీ వరకు గుడువు ఇచ్చారు.
- Published By: 10TV Digital Team ,Published On : October 11, 2021 / 01:31 PM IST
Badwel (1)
9 nominations rejected in Badwel : ఏపీలోని కడప జిల్లా బద్వేల్ ఉప ఎన్నికకు దాఖలైన నామినేషన్లను అధికారులు పరిశీలించారు. బద్వేల్ ఉప ఎన్నికకు మొత్తం 27 మంది అభ్యర్థులు…35 సెట్ల నామినేషన్లు దాఖలు చేశారు. రిటర్నింగ్ అధికారి కేతన్ గార్గ్ నామినేషన్లను పరిశీలించారు. ఉప ఎన్నికకు దాఖలైన నామినేషన్లలో 9 నామినేషన్లను తిరస్కరించారు. వైసీపీ, కాంగ్రెస్, బీజేపీతో పాటు 18 మంది అభ్యర్థుల నామినేషన్లు చెల్లుబాటు అయ్యాయి. నామినేషన్ల ఉపసంహరణకు 13వ తేదీ వరకు గుడువు ఇచ్చారు.
బద్వేల్ ఉప ఎన్నికకు 35 మంది అభ్యర్థులు నామినేషన్‌ దాఖలు చేశారు. వైసీపీ, బీజేపీ అభ్యర్థులతోపాటు పలువురు స్వతంత్రులు నామినేషన్‌ వేశారు. వైసీపీ నుంచి డాక్టర్‌ దాసరి సుధ పోటీ చేస్తుండగా.. బీజేపీ తరపున వనతల సురేష్‌ను పోటీలో నిలిచారు. వైసీపీ, బీజేపీ మధ్యే ప్రధాన పోరు జరుగనుంది. అక్టోబర్ 30న బద్వేల్ ఉప ఎన్నిక జరుగనుంది.
Cyclone Alert : మరో తుపాన్ ముప్పు..బీ అలర్ట్
మరోవైపు తెలంగాణలోని హుజూరాబాద్‌ ఉప ఎన్నిక నామినేషన్లను నామినేషన్ల పరిశీలన కొనసాగుతోంది. హుజూరాబాద్‌లో మొత్తం 92 నామినేషన్లు దాఖలయ్యాయి. వీటిని 61మంది అభ్యర్థులు సమర్పించినట్టు అధికారులు తెలిపారు. బీజేపీ, టీఆర్‌ఎస్‌, కాంగ్రెస్ అభ్యర్థులు మినహా మిగతా వారంతా గుర్తింపులేని పార్టీలు, స్వతంత్రులే ఉన్నారు.
రాజేందర్‌ పేరుతో నలుగురు నామినేషన్లు దాఖలు చేశారు. 12మంది ఫీల్డ్‌ అసిస్టెంట్లు కూడా బరిలో నిలిచారు. బీజేపీ తరపున ఈటల రాజేందర్‌, టీఆర్‌ఎస్‌ నుంచి గెల్లు శ్రీనివాస్‌, కాంగ్రెస్ నుంచి బల్మూరి వెంకట్‌ బరిలో ఉన్నారు. హుజూరాబాద్‌ ఉప ఎన్నికలన కూడా ఈ నెల 30న నిర్వహించనున్నారు.
