AP Omicron: ప్రకాశం జిల్లాలో మరో ఒమిక్రాన్​ కేసు నమోదు

ఆంధ్రప్రదేశ్ రాష్ట్రంలోనూ కరోనా కొత్త వేరియంట్ ఒమిక్రాన్ టెర్రర్ పుట్టిస్తోంది.

Omicron

AP Omicron: ఆంధ్రప్రదేశ్ రాష్ట్రంలోనూ కరోనా కొత్త వేరియంట్ ఒమిక్రాన్ టెర్రర్ పుట్టిస్తోంది. రాష్ట్రంలో కరోనా కేసులు స్థిరంగా ఉండగా.. ఈ సమయంలోనే ఒమిక్రాన్ కేసు నమోదు కావడంతో ఆందోళన వ్యక్తం అవుతోంది.

లేటెస్ట్‌గా రాష్ట్రంలోని ప్రకాశం జిల్లాలో 52 ఏళ్ళ వ్యక్తికి ఒమిక్రాన్ ఉన్నట్లు గుర్తించారు. ఇప్పటివరకు విదేశాల నుంచి వచ్చినవారిలో ఈ కొత్త వేరియంట్ బయటపడింది.

ప్రస్తుతం రాష్ట్రంలో మొత్తం ఒమిక్రాన్ కేసుల సంఖ్య 17కు చేరుకుంది. యునైటెడ్ అరబ్ ఎమిరేట్స్(యూఏఈ) నుంచి బెంగళూరు మీదుగా ప్రకాశం జిల్లాకు వచ్చిన సదరు వ్యక్తికి ఒమిక్రాన్​ సోకిందని వైద్యారోగ్య శాఖ వెల్లడించింది.

అయితే, అఅతని ప్రైమరీ కాంటాక్ట్‌లు 14మందికి RTPCR టెస్ట్ నిర్వహించగా నెగెటివ్ వచ్చినట్లు అధికారులు చెబుతున్నారు. ఒమిక్రాన్ సోకిన వ్యక్తి కూడా ప్రస్తుతం వైద్యుల పర్యవేక్షణలో ఆరోగ్యంగానే ఉన్నారు.