Roja : కుప్పంపై ఫోకస్.. కొడాలి నాని బాధ్యతలు రోజా స్వీకరిస్తారా..

ఏపీ రాజకీయాల్లో ఫైర్ బ్రాండ్ మహిళా నేతగా నగరి ఎమ్మెల్యే రోజా గుర్తింపు పొందారు. ప్రతిపక్ష పార్టీలపై మాటలదాడికి దిగడంలో రోజా దిట్ట. 2019 అసెంబ్లీ ఎన్నికల్లో చిత్తూరు జిల్లా నగరి..

Roja : ఏపీ రాజకీయాల్లో ఫైర్ బ్రాండ్ మహిళా నేతగా నగరి ఎమ్మెల్యే రోజా గుర్తింపు పొందారు. ప్రతిపక్ష పార్టీలపై మాటలదాడికి దిగడంలో రోజా దిట్ట. 2019 అసెంబ్లీ ఎన్నికల్లో చిత్తూరు జిల్లా నగరి నుంచి రోజా ఎమ్మెల్యేగా గెలుపొందారు. వైసీపీ అధికారంలోకి రావడంతో తొలిదఫా కేబినెట్ లో రోజాకు స్థానం దక్కుతుందని అందరూ భావించారు. కానీ కుల సమీకరణలను దృష్టిలో ఉంచుకొని జగన్మోహన్ రెడ్డి తొలి దఫా కేబినెట్ లో రోజాకు అవకాశం కల్పించలేదు. తాజాగా కేబినెట్ పునర్వవ్యస్థీకరణలో భాగంగా చివరి నిమిషంలో రోజాకు మంత్రి పదవి దక్కింది. ఆదినుంచి రోజాపేరు ఎక్కడా వినిపించలేదు.

Ap cabinet : దుర్గమ్మను దర్శించుకున్నకారిమూరి, ముత్యాల నాయుడు.. మరికొద్దిసేపట్లో మంత్రులుగా ప్రమాణ స్వీకారం

దీనికితోడు చిత్తూరు జిల్లా నుంచి మంత్రి పెద్దిరెడ్డి, నారాయణ స్వామిలకు అవకాశం దక్కడంతో రోజాకు మంత్రి పదవి రాదని అందరూ భావించారు. కానీ ఎవరూ ఊహించని రీతిలో రోజాపేరు తెరపైకి వచ్చింది. సీఎం జగన్మోహన్ రెడ్డికి అత్యంత సన్నిహితుడిగా పేరున్న కొడాలి నానికి కేబినెట్ లో అవకాశం దక్కలేదు. నాని పేరును చివరి నిమిషంలో తొలగించారు. కొడాలి నాని మంత్రిగా ఉన్న సమయంలో చంద్రబాబును టార్గెట్ గా విమర్శలు చేస్తూ వచ్చారు. ప్రతి విషయంలోనూ చంద్రబాబు పేరును ఎత్తుతూ తెదేపా నేతల్లో ఆగ్రహాన్ని తెప్పించేవారు. తాజాగా జగన్ కేబినెట్ లో కొడాలి నాని లేకపోవటం తెదేపా నేతల్లో సంతోషాన్ని కలిగించినప్పటికీ అదే సమయంలో రోజాను కేబినెట్ లోకి తీసుకోవటం టీడీపీకి కొత్త తలనొప్పిగా మారిందనే చెప్పాలి.

AP Cabinet 2.0 : ప్రమాణ స్వీకారానికి అసంతృప్తి నేతల డుమ్మా ?

జగన్ తన వ్యూహంలో భాగంగానే రోజాను కేబినెట్ లోకి తీసుకున్నారన్న వాదన రాజకీయ వర్గాల్లో వినిపిస్తోంది. చంద్రబాబు నియోజకవర్గం కుప్పంను టార్గెట్ గా చేస్తూ చిత్తూరు జిల్లాకు మూడు మంత్రి పదవులు ఇవ్వడం, అందులో రోజాకు అవకాశం కల్పించడం గమనార్హం. వచ్చే ఎన్నికల సమయం నాటికి కుప్పం నియోజకవర్గంలో వైసీపీని బలోపేతం చేసి చంద్రబాబును అసెంబ్లీలోకి అడుగుపెట్టకుండా చేయాలన్నది వైసీపీ ప్లాన్ గా తెలుస్తోంది. ఈ కేబినెట్ 2024 లక్ష్యంగా ఏర్పాటు చేసినది కావడంతో.. రోజా ప్రభుత్వంలోనూ, సొంత జిల్లాలోనూ టార్గెట్ చంద్రబాబు లక్ష్యంగా పనిచేయడం ఖాయంగా కనిపిస్తోంది. దీంతో ఇన్నాళ్లు కొడాలి నాని పోషించిన పాత్రను ఇప్పుడు రోజా స్వీకరిస్తారన్న చర్చ జరుగుతుంది.