Kurnool Accident : ఏపీలో ఘోర రోడ్డు ప్రమాదం.. ఆరుగురు మృతి, పలువురికి గాయాలు..
Road Accident: ఏపీలో ఘోర రోడ్డు ప్రమాదం చోటు చేసుకుంది. కర్నూల్ జిల్లా ఎమ్మిగనూరు నియోజకవర్గ పరిధిలోని కొటేకల్ గ్రామం వద్ద
- Published By: 10TV Digital Team ,Published On : November 29, 2025 / 07:06 AM IST
Kurnool Road Accident
Road Accident: ఏపీలో ఘోర రోడ్డు ప్రమాదం చోటు చేసుకుంది. కర్నూల్ జిల్లా ఎమ్మిగనూరు మండల పరిధిలోని కోటేకల్ గ్రామం వద్ద ఘోర రోడ్డు ప్రమాదం సంభవించింది. ఈ ప్రమాదంలో ఆరుగురు మరణించగా.. పలువురు గాయపడ్డారు.
ఎమ్మిగనూరు ప్రధాన రహదారిపై ఈ రోడ్డు ప్రమాదం చోటుచేసుకుంది. రెండు కార్లు ఎదురెదురుగా ఢీకొన్నాయి. ఈ క్రమంలో ఒకే కారులోని ఆరుగురు మరణించినట్లు తెలిసింది. మృతుల్లో ఇద్దరు మహిళలు, ఇద్దరు చిన్నారులు ఉన్నారు. ప్రమాద స్థలంలోనే నలుగురు మరణించగా.. చికిత్స నిమిత్తం ఆస్పత్రికి తరలిస్తున్న క్రమంలో ఇద్దరు మరణించారు. ఈ ప్రమాదంలో పలువురికి తీవ్ర గాయాలు కాగా.. వారిని చికిత్స నిమిత్తం ఆదోని ఆస్పత్రికి తరలించారు.
ఈ ప్రమాదంలో చనిపోయిన వారిని కర్ణాటకలోని కోలార్‌ జిల్లా చిన్న హోసపల్లికి చెందినవారిగా గుర్తించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించిన పూర్తి వివరాలు వివరాలు తెలియాల్సి ఉంది.
