Chittoor : ఇదేందయ్యా ఇది.. పోలీసులకే షాక్..! ఏకంగా పోలీస్ స్టేషన్ నుంచి రక్షక్ వాహనం చోరీ

Chittoor : వెంటనే తేరుకుని తమిళనాడు పోలీసులను అలర్ట్ చేశారు. చివరికి వేలూరు వందవాసి వద్ద పట్టుకున్నారు.

Chittoor - Police Vehicle Theft

Chittoor – Police Vehicle Theft : పోలీసులకే షాక్ ఇచ్చాడో దొంగ. ఏకంగా పోలీస్ స్టేషన్ నుంచి రక్షక్ వాహనాన్ని చోరీ చేశాడు. ఈ ఘటన చిత్తూరులో చోటు చేసుకుంది. చిత్తూరులో పోలీసు రక్షక్ వాహనం చోరీకి గురైంది. వన్ టౌన్ పోలీస్ స్టేషన్ నుంచి రక్షక్ వాహనాన్ని ఎత్తుకెళ్లాడు ఓ దొంగ.

వాహనాన్ని చెన్నై వరకు తీసుకెళ్లాడు. స్టేషన్ నుంచి వాహనం చోరీకి గురి కావడంతో షాక్ కి గురయ్యారు పోలీసులు. ఆ వెంటనే తేరుకుని తమిళనాడు పోలీసులను అలర్ట్ చేశారు. చివరికి వేలూరు వందవాసి వద్ద వాహనాన్ని పట్టుకున్నారు. దొంగకు మతిస్థిమితం లేనట్లుగా పోలీసులు గుర్తించారు. కాగా, వాహనం చోరీకి గురైన మూడు గంటల్లో దొంగను పట్టుకున్నారు పోలీసులు.

Also Read..Durgam Chinnaiah: బీఆర్ఎస్ ఎమ్మెల్యే దుర్గం చిన్నయ్యపై సీబీఐకి ఫిర్యాదు చేశాను: బాధితురాలు

పోలీసు రక్షక్ వాహనం చోరీకి గురైన ఘటన స్థానికంగా కలకలం రేపింది. పోలీసు వాహనాలకు అందులోనూ పోలీస్ స్టేషన్ లోనే రక్షణ లేకపోతే ఇక, సామాన్యుల పరిస్థితి ఏంటని స్థానికులు అడుగుతున్నారు.