BMW Cars Prices : కొత్త కారు కొంటున్నారా? వచ్చే జనవరి 1 నుంచి పెరగనున్న బీఎమ్‌డబ్ల్యూ కార్లు ధరలు!
BMW Cars Prices : బీఎండబ్ల్యూ ఇండియా బ్రాండ్ కార్ల ధరలు జనవరి 1 నుంచి పెరగనున్నాయి. బీఎండబ్ల్యూ తన కార్ల ధరలను 3శాతం వరకు పెంచనుంది.
- Published By: 10TV Digital Team ,Published On : November 22, 2024 / 06:03 PM IST
BMW cars to become expensive from January 1
BMW Cars Prices : కొత్త కారు కొనేందుకు ప్లాన్ చేస్తున్నారా? వచ్చే ఏడాది జనవరి నుంచి కార్ల ధరలు పెరగనున్నాయి. ప్రధానంగా బీఎండబ్ల్యూ ఇండియా బ్రాండ్ కార్ల ధరలు జనవరి 1 నుంచి పెరగనున్నాయి. బీఎండబ్ల్యూ తన కార్ల ధరలను 3శాతం వరకు పెంచనుంది. ఈ కొత్త ధరల పెంపు బీఎండబ్ల్యూ మోడల్ శ్రేణిలో ఉంటుంది. ఒరిజినల్ డివైజ్‌ల తయారీదారులు (OEM) సాధారణంగా ప్రతి ఏడాది రెండుసార్లు కార్ల ధరలను పెంచుతారు. పెరుగుతున్న ఇన్‌పుట్ ధరలే ఓఈఎమ్ కార్ల ధరల పెంపునకు ప్రధాన కారణంగా చెప్పవచ్చు.
ఇన్‌పుట్ ఖర్చు పెరగడానికి మెటీరియల్ ధర పెరుగుదల కూడా ఒక కారణంగా చెప్పవచ్చు. కంపెనీ స్థానికంగా ఉత్పత్తి చేసే కార్ల శ్రేణిలో బీఎండబ్ల్యూ 2 సిరీస్ గ్రాన్ కూపే, బీఎండబ్ల్యూ 3 సిరీస్ లాంగ్ వీల్‌బేస్, బీఎండబ్ల్యూ 5 సిరీస్ లాంగ్ వీల్‌బేస్, బీఎండబ్ల్యూ 7 సిరీస్ లాంగ్ వీల్‌బేస్, బీఎండబ్ల్యూ ఎక్స్1, బీఎండబ్ల్యూ ఎక్స్3, బీఎండబ్ల్యూ ఎక్స్5, బీఎండబ్ల్యూ ఎక్స్340, బీఎమ్ వంటి మోడల్స్ ఉన్నాయి.
బీఎండబ్ల్యూ కూడా బీఎండబ్ల్యూ ఐ4, బీఎండబ్ల్యూ ఐ5, బీఎండబ్ల్యూ ఐ7, బీఎండబ్ల్యూ ఐ7 ఎం70, బీఎండబ్ల్యూ ఐఎక్స్1, బీఎండబ్ల్యూ ఐఎక్స్, బీఎండబ్ల్యూ జెడ్4 ఎం40ఐ, బీఎండబ్ల్యూ ఎం2 కూపే, బీఎండబ్ల్యూ ఎం4 కాంపిటీషన్, బీఎండబ్ల్యూ ఎం4 సీఎస్, బీఎండబ్ల్యూ ఎం5, బీఎండబ్ల్యూ ఎం8 కంపిటీషన్ (XMWe, XMWe కాంపిటీషన్) యూనిట్లు (CBU)తో పూర్తిగా నిర్మితమైంది.
బీఎండబ్ల్యూ గ్రూప్ ఇప్పటివరకు బీఎండబ్ల్యూ ఇండియాలో రూ. 520 కోట్లకు పైగా పెట్టుబడి పెట్టింది. కంపెనీకి చెన్నైలో తయారీ కర్మాగారం, పూణేలో స్పేర్ పార్ట్స్ గోడామ్, గురుగ్రామ్‌లో ట్రైనింగ్ సెంటర్లు ఉన్నాయి. బీఎండబ్ల్యూ పోటీదారు అయిన మెర్సిడెస్-బెంజ్ ఇండియా కూడా కార్ల ధరలను జనవరి 1 నుంచి 3శాతం వరకు పెంచనుంది.
Read Also : IBPS PO Prelims Results : ఐబీపీఎస్ పీఓ ప్రిలిమ్స్ ఫలితాలు విడుదల.. ఈ నెల 30నే మెయిన్స్ పరీక్ష..!
