మళ్లీ పెరిగిన బంగారం : రూ.40వేలు దాటింది
బంగారం ధరలు బెంబేలెత్తిస్తున్నాయి. జెట్ స్పీడ్ తో దూసుకుపోతున్నాయి. రోజురోజుకి పెరుగుతున్నాయి. మంగళవారం(ఆగస్టు 27,2109) 10గ్రాముల బంగారం ధర రూ40వేలు
- Published By: veegamteam ,Published On : August 28, 2019 / 09:49 AM IST
బంగారం ధరలు బెంబేలెత్తిస్తున్నాయి. జెట్ స్పీడ్ తో దూసుకుపోతున్నాయి. రోజురోజుకి పెరుగుతున్నాయి. మంగళవారం(ఆగస్టు 27,2109) 10గ్రాముల బంగారం ధర రూ40వేలు
బంగారం ధరలు బెంబేలెత్తిస్తున్నాయి. జెట్ స్పీడ్ తో దూసుకుపోతున్నాయి. రోజురోజుకి పెరుగుతున్నాయి. మంగళవారం(ఆగస్టు 27,2109) 10గ్రాముల బంగారం ధర రూ40వేలు టచ్ చేసింది. దీంతో పాత రికార్డులు చెరిగిపోయాయి. ఆ పరుగు కంటిన్యూ అవుతోంది. బుధవారం(ఆగస్టు 28,2019) మరోసారి గోల్డ్ రేట్ పెరిగింది. 10గ్రాముల పుత్తడి ధర రూ.40వేలు క్రాస్ చేసింది. హైదరాబాద్ లో 24 క్యారెట్ల 10 గ్రాముల బంగారం ధర రూ.40వేల 085గా ఉంది.
ప్రపంచవ్యాప్తంగా ఆర్థిక మాంద్యం భయాలతో ఇన్వెస్టర్లు సురక్షిత పెట్టుబడిగా గోల్డ్ వైపు మొగ్గు చూపుతున్నారు. అమెరికా-చైనా ట్రేడ్ వార్ గోల్డ్ ధరలు పెరగడానికి కారణం. దేశంలో శుభకార్యాలు, పండగ సీజన్లు కావడం.. రూపాయి బలహీనపడి డాలర్ బలపడటం కూడా గోల్డ్ రష్ కి కారణం అని మార్కెట్ వర్గాలు చెబుతున్నాయి. అంతర్జాతీయ స్టాక్ మార్కెట్లు నష్టాల్లో ఉండటం, దేశీయంగా ఉన్న ఆటోమొబైల్ రంగం షేర్లు లాస్ లో ఉండటం కూడా పుత్తడి రేట్లు పెరగడానికి కారణంగా వివరిస్తున్నారు. ఈ పరిణామాలతో ఇన్వెస్టర్లు సేఫ్ సైడ్ గా గోల్డ్, సిల్వర్ వైపు మొగ్గు చూపుతున్నారు.
జెట్ స్పీడ్ తో పెరిగిపోతున్న బంగారం ధరలతో పేద, మధ్య తరగతి ప్రజలు బెంబేలెత్తిపోతున్నారు. ఇక జీవితంలో గోల్డ్ కొనగలమా అని వర్రీ అవుతున్నారు. కాగా, గోల్డ్ ధరలు త్వరలో రూ.41వేలు తాకొచ్చని మార్కెట్ వర్గాలు అంచనా వేశాయి. దీపావళి నాటికి రూ.42వేల మార్కుని తాకినా ఆశ్చర్యపోనక్కర్లేదని బాంబు పేల్చారు. దీంతో జనాలు మరింత టెన్షన్ పడుతున్నారు.
ప్రపంచ దేశాల సంగతి ఏమో కానీ.. భారతీయులకు మాత్రం గోల్డ్ అంటే పిచ్చి. గోల్డ్ అంటే ఆస్తి, అంతస్తు, గౌరవం. ఎంత బంగారం ఉంటే అంత సంపన్నుల్లా ఫీల్ అవుతారు. ఎంత గోల్డ్ ఉన్నా, కొన్నా సంతృప్తి చెందరు. ఇక ఆడపిల్లలకు గోల్డ్ ని కానుకగా ఇవ్వడాన్ని ఆచారంగా ఉంది. దీంతో పుత్తడికి, భారతీయులకు విడదీయని సంబంధం ఉంది. అయితే ధరలు ఇంకా పెరుగుతాయనే భయంతో బంగారం కొనొద్దని, అవసరం ఉంటేనే కొనుగోలు చేయాలని చేయాలని మార్కెట్ నిపుణులు సూచిస్తున్నారు. 6 రోజుల క్రితం గోల్డ్ రేట్ రూ.38వేల 885గా ఉంది. పదేళ్ల క్రితం 10గ్రాముల బంగారం ధర రూ.14వేలు మాత్రమే ఉండేది.
Also Read : 6-12 గంటలు గ్యాప్ ఉంటేనే : ATMలో డబ్బులు డ్రా చేస్తున్నారా?
