బిగ్ బ్రేకింగ్.. పెట్రోల్ రేట్లు పెరిగాయి.. ఏ కంపెనీ ఎంత పెంచిందంటే..
Petrol Price Hike : గ్యాస్ సిలిండ్ల కొరతతో ఇబ్బంది పడుతున్న జనాలకు మరో షాక్ తగిలింది. పెట్రోల్ ధరను పెంచుతూ నిర్ణయం తీసుకున్నారు.
- Published By: Dharani Pilli ,Published On : March 20, 2026 / 03:03 PM IST
HPCL Hikes Premium Petrol Price by Rs 2 per Litre
Petrol Price Hike : ఇప్పటికే గ్యాస్ సంక్షోభంతో విలవిల్లాడుతున్న జనాల నెత్తిన మరో పిడుగు పడింది. పెట్రోల్ ధరలను పెంచుతూ ఓ కంపెనీ నిర్ణయం తీసుకుంది. హిందుస్తాన్ పెట్రోలియం కార్పొరేషన్ లిమిటెడ్ కంపెనీ వాహనదారులకు షాక్ ఇచ్చింది. పెట్రోల్ ధరలను పెంచుతూ నిర్ణయం తీసుకుంది. అయితే ఈ పెంపు కేవలం తన తన ప్రీమియం గ్రేడ్ ‘పవర్ పెట్రోల్’ కే వర్తిస్తుంది. ఈ ప్రీమియం గ్రేడ్ పవర్ పెట్రోల్ ధరను లీటర్ మీద రూ.2 మేర పెంచింది. ఇదిలా ఉంటే HPCL. సాధారణ పెట్రోల్ ధరల్లో ఎలాంటి మార్పు చేయలేదు అని CNBC నివేదిక తెలిపింది.
ఈ ధర పెంపు కేవలం హై-ఆక్టేన్ (అధిక నాణ్యత) ఇంధనానికి మాత్రమే వర్తిస్తుంది. ఈ ఇంధనం ప్రధానంగా అధిక పనితీరు (హై-పర్ఫార్మెన్స్) వాహనాల్లో వినియోగిస్తారు. సాధారణ పెట్రోల్ ఉపయోగించే ఎక్కువ మంది వినియోగదారులపై ఈ ధర పెంపు ప్రభావం ఉండదని కంపెనీ యాజమాన్యం చెబుతుంది.
