IPA: జలశక్తి, అర్బన్ మంత్రిత్వ శాఖలకు మెమరాండం సమర్పించనున్న ఇండియన్‌ ప్లంబింగ్‌ అసోసియేషన్‌
భారతదేశంలో ప్రపంచజనాభాలో 17.7% మంది ఉన్నారు. కానీ 4% మాత్రమే తాజా నీటి వనరులు ఉన్నాయి. అంతేకాదు భూగర్భ జలాలను అధికంగా వాడే దేశం కూడా మనది. అవగాహన కల్పించడం కోసం ప్రభుత్వం తమ వంతు ప్రయత్నాలు చేస్తున్నప్పటికీ ప్లంబెక్స్‌ ఇండియా తరపున తాము కూడా ఆ దిశగా పలు ప్రయత్నాలు చేస్తున్నాము
- Published By: 10TV Digital Team ,Published On : April 20, 2023 / 09:29 PM IST
IPA: దేశంలోనే అతిపెద్ద నీటి పారిశుద్ధ్య ప్లంబింగ్‌ ఎగ్జిబిషన్‌, ప్లంబెక్స్‌ ఇండియా 2023ను ఏప్రిల్‌ 27–29, 2023 వరకూ బెంగళూరు ఇంటర్నేషనల్‌ ఎగ్జిబిషన్‌ సెంటర్‌ వద్ద నిర్వహించనున్నారు. ఈ కార్యక్రమంలో నీరు, పారిశుద్ధ్య, ప్లంబింగ్‌ ఉత్పత్తులలో తాజా ఆవిష్కరణలను, విప్లవాత్మక సాంకేతికత, వినూత్నమైన పరిష్కారాలు, అత్యున్నత నాణ్యత కలిగిన ఉత్పత్తులను, మరీ ముఖ్యంగా నీటి పొదుపుకు తోడ్పడే ఉత్పత్తులను ప్రదర్శించనున్నారు. దాదాపు 10వేల మంది వ్యాపార, వాణిజ్య సందర్శకులు ఈ పరిశ్రమల నుంచి పాల్గొంటారని అంచనా. ప్లంబెక్స్‌ ఇండియాకు కేంద్ర గృహ, నగర వ్యవహారాల మంత్రిత్వ శాఖలతో పాటుగా జల్‌ శక్తి మంత్రిత్వ శాఖలు కూడా మద్దతు అందిస్తున్నాయి.
IPL 2023, PBKS vs RCB: పంజాబ్‌ను మ‌ట్టిక‌రిపించిన బెంగళూరు.. ఘ‌న విజ‌యం
ప్లంబెక్స్‌ ఇండియా ప్రదర్శనలో విస్తృత శ్రేణిలో పైప్‌లు, పైప్‌ ఫిట్టింగ్‌లు, వాటర్‌ హీటర్స్‌, పంపులు, వాల్వ్స్‌ తో పాటు మరెన్నో ప్రదర్శించనున్నారు. ఈ కార్యక్రమంలో పలు సమాచార యుక్త సదస్సులు, ప్యానెల్‌ చర్చా కార్యక్రమాలు కూడా ఉంటాయి. భారత్‌ ట్యాప్‌– యాన్‌ ఇనీషియేటివ్‌ అనే అంశంపై ఇవి జరుగుతాయి.
Starship: ప్రయోగించిన కొద్ది సేపటికే పేలిపోయిన అతిపెద్ద రాకెట్ స్టార్షిప్.. మస్క్ ఏమన్నారంటే..?
ఇండియన్‌ ప్లంబింగ్‌ అసోసియేషన్‌ నేషనల్‌ ప్రెసిడెంట్‌, గుర్మీత్‌ సింగ్‌ అరోరా మాట్లాడుతూ ‘‘భారతదేశంలో ప్రపంచజనాభాలో 17.7% మంది ఉన్నారు. కానీ 4% మాత్రమే తాజా నీటి వనరులు ఉన్నాయి. అంతేకాదు భూగర్భ జలాలను అధికంగా వాడే దేశం కూడా మనది. అవగాహన కల్పించడం కోసం ప్రభుత్వం తమ వంతు ప్రయత్నాలు చేస్తున్నప్పటికీ ప్లంబెక్స్‌ ఇండియా తరపున తాము కూడా ఆ దిశగా పలు ప్రయత్నాలు చేస్తున్నాము. నిర్మాణ ప్రాంగణాలలో నెట్‌ జీరో వాటర్‌పై ఓ మెమరాండంను పలు మంత్రిత్వశాఖలకు సమర్పించనున్నాము. దీనిలో వాటర్‌ మీటరింగ్‌, ఇంకుడు గుంతలు వంటి అంశాలు కూడా ఉంటాయి’’ అని అన్నారు.
