Jharkhand : జార్ఖండ్‌లో 19 ఏళ్ల బాలికపై దారుణం
జార్ఖండ్ రాష్ట్రంలో దారుణం జరిగింది. జార్ఖండ్‌లోని సిమ్‌డేగా జిల్లాలో 19 ఏళ్ల బాలికపై నలుగురు వ్యక్తులు సామూహిక అత్యాచారానికి పాల్పడ్డారని పోలీసులు చెప్పారు. రాష్ట్ర రాజధాని రాంచీకి 125 కిలోమీటర్ల దూరంలో ఉన్న జల్దేగా పోలీస్ స్టేషన్ పరిధిలోని గ్రామంలో ఈ ఘటన జరిగిందని పోలీసులు తెలిపారు....
- Published By: 10TV Digital Team ,Published On : August 25, 2023 / 03:41 AM IST
Jharkhand-police
Jharkhand : జార్ఖండ్ రాష్ట్రంలో దారుణం జరిగింది. జార్ఖండ్‌లోని సిమ్‌డేగా జిల్లాలో 19 ఏళ్ల బాలికపై నలుగురు వ్యక్తులు సామూహిక అత్యాచారానికి పాల్పడ్డారని పోలీసులు చెప్పారు. రాష్ట్ర రాజధాని రాంచీకి 125 కిలోమీటర్ల దూరంలో ఉన్న జల్దేగా పోలీస్ స్టేషన్ పరిధిలోని గ్రామంలో ఈ ఘటన జరిగిందని పోలీసులు తెలిపారు. బాలిక శనివారం జలదేగా పోలీస్ స్టేషన్ పరిధిలోని గ్రామంలోని బంధువుల ఇంటికి వచ్చింది. బాలిక సోమవారం ఒక వీక్లీ మార్కెట్‌ను సందర్శించి తిరిగి వెళుతుండగా, ఒక యువకుడు ఆమెను తన ఆటో రిక్షాలో ఎక్కించుకొని పాడుబడిన గదిలోకి తీసుకెళ్లాడు. అక్కడ అతను తన స్నేహితుడితో కలిసి ఆమెపై అత్యాచారం చేశాడని పోలీసులు చెప్పారు.
మరుసటి రోజు, ఆమెను క్వార్టర్స్‌కు తీసుకెళ్లారు. అక్కడ ఆమెపై నలుగురు వ్యక్తులు రెండు రోజుల పాటు అత్యాచారానికి పాల్పడ్డారని పోలీసులు పేర్కొన్నారు. గురువారం ఉదయం నిందితులు బాలికను విలియం చౌక్ సమీపంలో వదిలివెళ్లడంతో ఆమె జలదేగా పోలీస్ స్టేషన్‌లో ఫిర్యాదు చేసింది. ఈ కేసులో నలుగురు నిందితులను అరెస్టు చేశామని పోలీసులు చెప్పారు. శుక్రవారం బాలికను వైద్య పరీక్షలకు పంపుతామని పోలీస్‌స్టేషన్‌ ఇన్‌ఛార్జ్‌ బీరేంద్ర శర్మ తెలిపారు.
