Delhi : హవాలా కేసులో ఆరోగ్యశాఖ మంత్రి అరెస్ట్

హవాలా కేసులో ఢిల్లీ ఆరోగ్య శాఖ మంత్రి సత్యేంద్రకూమార్ జైన్‌ను ఎన్‌ఫోర్స్‌మెంట్ డైరెక్టరేట్ అధికారులు ఈ రోజు అరెస్ట్ చేశారు. కోల్‌కతా కు చెందిన ఒక కంపెనీకి సంబంధించి హవాలా కుంభకోణంలో ఆయన పాత్ర ఉండటంతో అధికారులు అరెస్ట్ చేశారు.

Satyendra Jain

Delhi : హవాలా కేసులో ఢిల్లీ ఆరోగ్య శాఖ మంత్రి సత్యేంద్రకూమార్ జైన్‌ను ఎన్‌ఫోర్స్‌మెంట్ డైరెక్టరేట్ అధికారులు ఈ రోజు అరెస్ట్ చేశారు. కోల్‌కతా కు చెందిన ఒక కంపెనీకి సంబంధించి హవాలా కుంభకోణంలో ఆయన పాత్ర ఉండటంతో అధికారులు అరెస్ట్ చేశారు.

ఆమ్ ఆద్మీ పార్టీకి చెందిన సత్యేంద్రకుమార్ జైన్ అరవింద్ కేజ్రీవాల్  నేతృత్వంలోని  ఢిల్లీ ప్రభుత్వంలో ఆరోగ్యం, హోం, విద్యుత్, పీడబ్ల్యూడీ, పరిశ్రమలు, పట్టణాభివృధ్ది,వరదలు మరియు నీటి పారుదళ శాఖ మంత్రిగా ఉన్నారు.

ఆయన షకుర్ బస్తీనుంచి ఎమ్మెల్యేగా గెలుపొందారు. గత నెలలో ఈడీ జైన్ కుటుంబానికి చెందిన రూ.4.81 కోట్ల విలువైన ఆస్తులను మనీలాండరింగ్ కేసులో భాగంగా ఎటాచ్ చేసింది. ఈకేసుకు సంబంధించి 2018లోనే సత్యేంద్రజైన్ ను ప్రశ్నించినట్లు ఈడీ పేర్కోంది.

పంజాబ్ ఎన్నికలలోపు జైన్ ను అరెస్ట్ చేయాలని ఈడీ చూస్తున్నట్లు మాకు సమాచారం ఉందని జనవరిలోనే ముఖ్యమంత్రి అరవింద్ కేజ్రీవాల్ చెప్పారు. ఇంతకు ముందు రెండు సార్లు సత్యేంద్ర జైన్ పై ఈడీ దాడులు చేసినప్పుడు ఏమీ దొరకలేదు. ఇప్పుడు మళ్లీ ఎన్నికల సీజన్ కనుక కేంద్రం తన ఏజెన్సీల ద్వారా ప్రత్యర్ధులపై దాడులు, అరెస్ట్‌లు చేయిస్తోందని ఢిల్లీ ముఖ్యమంత్రి కేజ్రీవాల్ అన్నారు.