RTC Jobs: తెలంగాణ ఆర్టీసీలో ఉద్యోగాలు.. జీతం 60వేలు.. మొత్తం ఖాళీలు, అర్హతలు పూర్తి వివరాలు..
అప్లయ్ చేసుకోవడానికి చివరి తేదీ అక్టోబర్ 28.
- Published By: 10TV Digital Team ,Published On : October 8, 2025 / 05:51 PM IST
RTC Jobs: నిరుద్యోగులకు శుభవార్త. తెలంగాణ ఆర్టీసీలో ఉద్యోగాలు పడ్డాయి. డ్రైవర్, శ్రామిక్ పోస్టుల భర్తీకి నోటిఫికేషన్ రిలీజ్ అయ్యింది. మొత్తం ఖాళీల సంఖ్య 1,743. అక్టోబర్ 8 నుంచి దరఖాస్తు చేసుకోవచ్చు. అప్లయ్ చేసుకోవడానికి చివరి తేదీ అక్టోబర్ 28. ఆన్‌లైన్‌లో అప్లయ్ చేసుకోవాలి.
మొత్తం ఖాళీలు, అర్హతలు:
ఇందులో వెయ్యి డ్రైవర్ పోస్టులు ఉన్నాయి. 743 శ్రామిక్ ఉద్యోగాలు ఉన్నాయి. ఆయా పోస్టులను బట్టి ఐటీఐ, టెన్త్ పాస్ అయి ఉండాలి. అలాగే డ్రైవింగ్ లైసెన్స్ కలిగుండాలి. పని చేసిన అనుభవం కూడా ఉండాలి.
వయోపరిమితి:
* 2025 జులై 1కి డ్రైవర్ పోస్టులకు 22 నుంచి 35 ఏళ్లు ఉండాలి.
* శ్రామిక్ పోస్టులకు 18 నుంచి 30 ఏళ్లు మించకూడదు.
* ఎస్సీ, ఎస్టీ, బీసీ, ఈడబ్ల్యూఎస్‌ అభ్యర్థులకు ఐదేళ్లు.. ఈఎస్‌ఎం అభ్యర్థులకు మూడేళ్లు వయోపరిమితిలో సడలింపు.
జీతం:
* డ్రైవర్ పోస్టుకు నెలకు.. రూ.20,960 – రూ.60,080
* శ్రామిక్ పోస్టుకు నెలకు రూ.16,550 – రూ.45,030.
అర్హత, ఆసక్తి గల అభ్యర్థులు ఆన్ లైన్ లో అప్లయ్ చేసుకోవాలి.
ఫీజు:
* డ్రైవర్ పోస్టులకు ఎస్సీ, ఎస్టీ అభ్యర్థులకు రూ.300, ఇతరులకు రూ.600.
* శ్రామిక్ పోస్టులకు రూ.200, ఇతరులకు రూ.400.
ఎంపిక ఇలా:
* ఫిజికల్ మెజర్‌మెంట్ (పీఎంటీ)
* మెడికల్
* డ్రైవింగ్ టెస్ట్‌.
Also Read: నిరుద్యోగులకు గుడ్‌న్యూస్‌.. గెట్‌ రెడీ.. ఉద్యోగాల భర్తీకి వరుసగా నోటిఫికేషన్లు!
