తెలంగాణ ఇంటర్మీడియట్ ఫలితాలు వచ్చేశాయ్‌.. ఇదిగో డైరెక్ట్ లింక్.. ఇక్కడ చెక్ చేసుకోండి..
10tv.inలో ఇలా చెక్ చేసుకోండి ..
- Published By: 10TV Digital Team ,Published On : April 22, 2025 / 12:17 PM IST
తెలంగాణ ఇంటర్మీడియట్ ప్రథమ, ద్వితీయ సంవత్సర ఫలితాలు విడుదలయ్యాయి. ఈ ఫలితాలను ఉప ముఖ్యమంత్రి భట్టివిక్రమార్క హైదరాబాద్‌లోని ఇంటర్‌ బోర్డు ఆఫీసు నుంచి విడుదల చేశారు. ఈ కార్యక్రమంలో మంత్రులు కోమటిరెడ్డి వెంకట్‌రెడ్డి, పొన్నం ప్రభాకర్ కూడా పాల్గొన్నారు.
పరీక్షల ప్రక్రియ జనవరిలో ప్రారంభించామని అధికారులు తెలిపారు. ఫిబ్రవరిలో ప్రాక్టికల్ పరీక్షలు 3 నుంచి 22 వరకు జరిగాయని అన్నారు. అనంతరం థియరీ పరీక్షలు మార్చి 5 నుంచి 25 వరకు జరిగాయని గుర్తుచేశారు.
భట్టి విక్రమార్క మాట్లాడుతూ.. ఫస్టియర్‌లో ఉత్తీర్ణత 66.89 శాతంగా, సెకండియర్ ఉత్తీర్ణత శాతం 71.37గా నమోదైందని చెప్పారు. ఫస్టియర్‌లో మొత్తం 4,88,413 మంది పరీక్షలు రాశారని, వారిలో బాలికల ఉత్తీర్ణత శాతం 73.83 శాతంగా, బాలుర ఉత్తీర్ణత శాతం 57.83 శాతంగా ఉందని తెలిపారు. సెకండియర్‌లో 5,08,582 మంది విద్యార్థులు పరీక్షలు రాయగా, బాలిక ఉత్తీర్ణత శాతం 74.21గా, బాలుర ఉత్తీర్ణత శాతం 57.31గా ఉందని తెలిపారు.
తెలంగాణ ఇంటర్మీడియట్ ఫస్టియర్, సెకండియర్ పరీక్షలను సుమారు 9.97 లక్షల మంది విద్యార్థులు రాశారు. ఫలితాలను 10tv.inతో పాటు www.tgbie.cgg.gov.inలో తెలుసుకోవచ్చు.
10tv.inలో ఇలా చెక్ చేసుకోండి
10tv.in/telangana-intermediate-results-2025 ఓపెన్ చేయండి
ఓ పేజీ ఓపెన్ అవుతుంది
ఫస్ట్ ఇయర్ లేదా సెకండ్‌ ఇయర్ ట్యాబ్‌పై క్లిక్‌ చేయండి
మీ హాల్‌ టికెట్‌ ఎంటర్‌ చేయండి
ఫలితాలు వస్తాయి.. ప్రింట్ తీసుకోండి
అధికారిక వెబ్‌సైట్‌లో ఇలా చెక్ చేసుకోండి
tgbie.cgg.gov.in వెబ్‌సైట్‌ను ఓపెన్ చేయండి
ఫస్ట్ ఇయర్ లేదా సెకండ్‌ ఇయర్ ట్యాబ్‌పై క్లిక్‌ చేయండి
మీ హాల్‌ టికెట్‌ ఎంటర్‌ చేయండి
ఫలితాలు వస్తాయి.. ప్రింట్ తీసుకోండి
