UTI Problems: తల్లిదండ్రులకు అలెర్ట్.. చిన్న పిల్లల్లో UTI సమస్య.. ఈ లక్షణాలు కనిపిస్తే అస్సలే నిర్లక్ష్యం చేయకండి

UTI Problems: చిన్న పిల్లలు ఆరోగ్యం పరంగా చాలా సున్నితంగా ఉంటారు. అందుకే తొందరగా జబ్బుపడతారు. అలాంటి సమస్యలలో ఈ మధ్య కాలంలో వినిపిస్తున్న సమస్య UTI యూరినరీ ట్రాక్ట్ ఇన్ఫెక్షన్.

Causes and prevention of UTI problems in young children

చిన్న పిల్లలు ఆరోగ్యం పరంగా చాలా సున్నితంగా ఉంటారు. అందుకే తొందరగా జబ్బుపడతారు. అలాంటి సమస్యలలో ఈ మధ్య కాలంలో వినిపిస్తున్న సమస్య UTI యూరినరీ ట్రాక్ట్ ఇన్ఫెక్షన్. ఇది చిన్నవయస్సులో చాలా సాధారణంగా కనిపించే వ్యాధి. మూత్రనాళాలలో బాక్టీరియా చేరి ఇన్ఫెక్షన్ రావడమే ఈ సమస్యకు ప్రధాన కారణం. పిల్లలు ఈ ఇన్ఫెక్షన్ వల్ల పిల్లలు మానసిక, శారీరక ఇబ్బందులు పడే అవకాశం ఉంటుంది. కాబట్టి, తల్లిదండ్రులు ఈ లక్షణాలను గుర్తించడంలో జాగ్రత్తగా ఉండాలి. మరి ఆ లక్షణాలు ఏంటి అనేది ఇక్కడ వివరంగా తెలుసుకుందాం.

UTI రావడానికి ప్రధాన కారణాలు:

శుభ్రత లేకపోవడం:
టాయిలెట్ ఉపయోగించిన తర్వాత సరిగా శుభ్రం చేయకపోవడం వల్ల ఈ ఇన్ఫెక్షన్ రావచ్చు. ముఖ్యంగా బాలికల్లో బ్యాక్టీరియా యూరినరీ ట్రాక్ట్‌లోకి ప్రవేశించవచ్చు.

టాయిలెట్ చేయకపోవడం:
పిల్లలు మూత్రం ఎక్కువసేపు టాయిలెట్ ఆపుకోవడం, టాయిలెట్‌కి పోకపోవడం వంటి వాటివల్ల కూడా ఈ సమస్య రావచ్చు.

డైపర్లు శుభ్రంగా లేకపోవడం:
చిన్నపిల్లల్లో డైపర్‌ను ఎక్కువసేపు మార్చకుండా ఉంచడం వల్ల ఇన్ఫెక్షన్‌ పెరిగే అవకాశం ఉంది.

వంశపారంపర్య యూరినరీ మార్గ సమస్యలు:
కొంతమంది పిల్లల్లో పుట్టుకతో ఉన్న మూత్రనాళాల్లో నిర్మాణ లోపాలు వల్ల కూడా UTI సమస్య వచ్చే అవకాశం ఉంటుంది.

బిగుతుగా ఉండే బట్టలు:
బిగుతుగా ఉండే అండర్వేర్‌లు లేదా నైలాన్ మేటీరియల్స్ వాడటం వల్ల కూడా వాపు, ఇన్ఫెక్షన్ వచ్చే అవకాశం ఉంటుంది.

UTI లక్షణాలు:

• మూత్ర విసర్జన సమయంలో మంట అనిపించడం.
• మూత్రం వాసన తీవ్రంగా ఉండటం.
• కారణం తెలియకుండా జ్వరం రావడం
• ఆహారం మానేయడం
• కొంతమందిలో కడుపునొప్పి
• మూత్రం సరిగ్గా పోకపోవడం

నివారణ చర్యలు:

• శుభ్రత పాటించాలి: ప్రతి టాయిలెట్ ఉపయోగం తర్వాత శుభ్రంగా చేతులు కడుక్కోవడం, జననాంగాలను శుభ్రం చేసుకోవాలి. బాలికలు ఈ విషయంలో జాగ్రత్తగా ఉండాలి.
• డైపర్‌లు సమయానికి మార్చాలి: పిల్లలకు వాడే డైపర్‌లను తడిగా ఉండకుండా చూసుకోవాలి. వెంటవెంటనే మారుస్తూ ఉండాలి.
• టాయిలెట్ శీలాలను ప్రోత్సహించాలి: పిల్లలను మూత్రాన్ని ఎక్కువసేపు ఆపకుండా ఉండాలని తెలియజేయాలి.
• తగిన బట్టల ఎంపిక: సౌకర్యవంతమైన, కాటన్ బట్టలను ఎక్కువగా వాడేలా చూడాలి. గాలి వెళ్లేలా ఉండే బట్టలు మంచివి.
• తగినంత నీరు తాగాలి: పిల్లలు రోజూ తగినంత నీరు తాగేలా చూడాలి. ఇది మలినాలను బయటకు పంపించడంలో సహాయపడుతుంది.
• వైద్య సలహా తీసుకోవాలి: జ్వరం, మూత్రంలో వాసన లేదా వాపు ఉంటే వెంటనే వైద్యుడిని సంప్రదించి వైద్యం తీసుకోవాలి.