Health Tips: మీ పిలల్లకు తేనే తినిపిస్తున్నారా? చేతులు, కాళ్ళు పడిపోవచ్చు.. జాగ్రత్త సుమీ
Health Tips: తేనెలో సహజంగానే క్లాస్ట్రిడియం బోటులినం అనే బ్యాక్టీరియాల స్పోర్లు (spores) అధికంగా ఉంటాయి. ఇవి పెద్దవారిలో గాస్ట్రిక్ యాసిడ్, ఆరోగ్యకరమైన గట్స్ బ్యాక్టీరియాను నియంత్రించగలవు.
- Published By: 10TV Digital Team ,Published On : August 16, 2025 / 07:00 AM IST
It is dangerous to feed honey to young children.
తేనె.. రుచికి తియ్యగా ఉండే ఇది ఆరోగ్యానికి కూడా ఎంతో మేలు చేస్తుంది. మన పూర్వీకులు ఆయుర్వేదంలోనూ, ఇంటి చిట్కాల్లోనూ తేనెను వాడేవారు. ఇది సీజనల్ అలెర్జీలు, జలుబు, దగ్గు, జీర్ణకోశ సమస్యలను తగ్గించడంలో అద్భుతం సహాయపడుతుంది. కానీ, చిన్న వయసు పిల్లల విషయంలో ముఖ్యంగా 1 సంవత్సరం లోపు పిల్లల విషయంలో మాత్రం తేనే హానికరంగా మారవచ్చు. ఇది నిపుణులు సైతం చెప్తున్న మాట. మరి దానికి సంబానిదించిన కారణాలను ఇక్కడ వివరంగా తెలుసుకుందాం.
తేనెలో ఉండే ప్రమాదకరమైన జీవాణువు “క్లాస్ట్రిడియం బోటులినం”
తేనెలో సహజంగానే క్లాస్ట్రిడియం బోటులినం అనే బ్యాక్టీరియాల స్పోర్లు (spores) అధికంగా ఉంటాయి. ఇవి పెద్దవారిలో గాస్ట్రిక్ యాసిడ్, ఆరోగ్యకరమైన గట్స్ బ్యాక్టీరియాను నియంత్రించగలవు. కానీ, చిన్న పిల్లల్లో ప్రేగులు ఇంకా పూర్తిగా అభివృద్ధి చెందకపోవడం వల్ల ఈ స్పోర్లు చురుకుగా పెరిగి బోటులిజం అనే తీవ్రమైన వ్యాధిని కలిగించే అవకాశం ఉంది.
ఇన్ఫెంట్ బోటులిజం అంటే ఏమిటి?
ఇది 1 సంవత్సరం కన్నా తక్కువ వయసున్న చిన్న పిల్లల్లో తేనె కారణంగా వచ్చే తీవ్రమైన వ్యాధి. నలిపిన ముఖం, తినడానికి ఆసక్తి తగ్గడం, బలహీనంగా ఏడవడం, మలమూత్రాలు క్రమం తప్పడం, శ్వాస తీసుకోవడంలో ఇబ్బంది వంటి లక్షణాలను కనబరుస్తుంది. అలాగే వ్యాధి తీవ్రమైనప్పుడు శరీర అవయవాలు కూడా పనిచేయకపోవడం జరుగుతుంది. దేనిని వెంటనే గుర్తించకపోతే జీర్ణ వ్యవస్థ, శ్వాస వ్యవస్థపై తీవ్రమైన ప్రభావం పడే ప్రమాదం ఉంది.
తేనే ఏ వయసు వారికి ఇవ్వడం మంచిది:
ప్రఖ్యాత ఆరోగ్య సంస్థలు WHO, CDC, American Academy of Pediatrics సూచించిన ప్రకారం 1 సంవత్సరానికి పైబడి ఉన్న పిల్లలకు మాత్రమే తేనే ఇవ్వాలి.
తేనే ప్రయోజనాలు(1 సంవత్సరం కన్నా ఎక్కువ వయసున్నవారికి మాత్రమే):
- దగ్గుకు ఉపశమనంగా
- మెదడు పనితీరు మెరుగుపరుస్తుంది
- యాంటీబాక్టీరియల్ లక్షణాలు ఉండటం వలన గాయాలను నయం చేస్తుంది
- ఇది సహజమైన ఎనర్జీ బూస్టర్‌గా
