Lana Rhoades : ప్లీజ్.. నా పోర్న్ వీడియోలు డిలీట్ చేయండి… మాజీ అడల్ట్ స్టార్ విజ్ఞప్తి
ఎక్స్ పోర్న్ స్టార్ లానా రోడ్స్.. అడల్ట్ వెబ్ సైట్లలోని తన వీడియోలను తొలగించాలని విజ్ఞప్తి చేస్తోంది. ఈ 25ఏళ్ల మాజీ అడల్ట్ స్టార్ 2016 లో పోర్న్ లోకి అడుగుపెట్టింది.
- Published By: 10TV Digital Team ,Published On : June 30, 2021 / 08:11 PM IST
Ex Adult Film Star Lana Rhoades
Ex Adult Film Star Lana Rhoades : మాజీ పోర్న్ స్టార్ లానా రోడ్స్.. అడల్ట్ వెబ్ సైట్లలోని తన వీడియోలను తొలగించాలని విజ్ఞప్తి చేస్తోంది. ఈ 25ఏళ్ల మాజీ అడల్ట్ స్టార్ 2016 లో పోర్న్ లోకి అడుగుపెట్టింది. రెండేళ్లు కెరీర్ కొనసాగించింది. తర్వాత గుడ్ బై చెప్పింది. ఆమె ప్రస్తుతం గర్భవతి. దీంతో తన గౌరవాన్ని నిలుపుకోవడానికి వెబ్ సైట్లు తన పోర్న్ వీడియోలు తొలగించాలని రిక్వెస్ట్ చేస్తోంది. పుట్టే బిడ్డకు గతం తెలిసినా.. జ్ఞాపకాలు కనిపించకూడదని తాను అనుకుంటున్నట్టు తెలిపింది.
ప్రస్తుతం నేను గర్భంతో ఉన్నా. త్వరలో తల్లి కాబోతున్నా. నాకు పుట్టే బిడ్డకు నా గతం గురించి తెలియకుండా ఉండాలని జాగ్రత్త పడుతున్నా. ఒక వేళ తెలిసినా ఆ గుర్తులు అందకూడదనే అనుకుంటున్నా. అందుకే నిజాయితీగా కోరుతున్నా. దయచేసి అడల్ట్ వెబ్‌సైట్లలో ఆ వీడియోలను తొలగించండి. అవకాశం దొరికితే నేనే కాలంలో వెనక్కి వెళ్తా. అలాంటి పనులకు దూరంగా ఉంటా. నా గౌరవాన్ని నేను కాపాడుకుంటా” అని పశ్చాతాపం వ్యక్తం చేసింది లానా.
”పరిస్థితులు మా చేత ఆ పని చేయిస్తాయి. కానీ కాలం గడిచిన కొద్దీ మా వృత్తి మీద మాకు అసహ్యం వేస్తుంది. మాకూ ఓ జీవితం కావాలనిపిస్తుంది.. మాతో జీవితాన్ని పంచుకునే వ్యక్తి కోసం వేయి కళ్లతో ఎదురు చూస్తుంటాము. మమ్మల్ని అర్థం చేసుకుని అప్యాయంగా అక్కున చేర్చుకునే భాగస్వామి దొరికితే మాకంటే అదృష్టవంతులు ఎవరూ ఉండరు. మేము మా గత జీవితాన్ని మర్చిపోయి భర్త, పిల్లలతో హాయిగా ఉంటున్నా అక్కడక్కడా కొందరు అదే పేరుతో మమ్మల్ని పిలుస్తుంటారు. అది మమ్మల్ని ఎంత బాధిస్తుందో మీకు అర్థం కాదు” అని వాపోయింది మాజీ పోర్న్ స్టార్ లానా రోడ్స్.
చికాగో ఇల్లినాయిస్‌లో పుట్టిన పెరిగిన మాజీ అడల్ట్ స్టార్ అసలు పేరు అమరా మాపుల్‌. టీనేజీలోనే పోర్న్ ఇండస్ట్రీలోకి అడుగుపెట్టి లానా రోడ్స్‌గా ఫేమ్‌ సంపాదించుకుంది. మొదట మోడలింగ్‌, యూట్యూబ్‌, ఇన్‌ఫ్లుయెన్సర్‌గా పేరు సంపాదించుకుంది. 2016 అడల్ట్ సినిమాల్లోకి అడుగుపెట్టి.. రెండేళ్లపాటు స్టార్‌డమ్‌ను కొనసాగించింది. కొంతకాలం క్రితం కెరీర్‌కు గుడ్‌బై చెప్పిన ఆమె.. ప్రస్తుతం హ్యారీ జోసే పాడ్‌కాస్ట్‌ ‘టాప్‌ ఇన్‌’లో పని చేస్తోంది. ఇక అప్పటి నుంచి ఇండస్ట్రీపై తరచూ విమర్శలు చేస్తోంది. తాజాగా తాను గర్భవతిని అని తెలిపిన లానా.. తన గౌరవాన్ని నిలబెట్టుకోవడానికి వీడియోల్ని తొలగించాలని విజ్ఞప్తి చేస్తోంది.
మైక్‌ మజ్‌లక్‌ అమెరికన్‌ నటుడు, పాపులర్‌ వ్లోగర్‌. లానా రోడ్స్‌తో చాలాకాలంగా రిలేషన్‌షిప్‌ కొనసాగించాడు. అయితే ఏం జరిగిందో తెలియదు గానీ.. కొన్ని నెలల క్రితం వీళ్లిద్దరూ విడిపోయారు. దీంతో లానా కడుపులో బిడ్డకు తండ్రి అతనేనా? అనే అనుమానం ఆమె అభిమానులు వ్యక్తం చేస్తున్నారు. కాగా, ప్రస్తుతం సెక్స్ వర్కర్స్‌తో మాట్లాడుతూ వాళ్ల మానసిక సంఘర్షణను అందరికీ తెలిసేలా ప్రోగ్రాములు చేస్తోంది లానా రోడ్స్.
