Swimming in Sky : ఆకాశంలో ఈత కొట్టే ధైర్యం ఉందా? ఉంటే రండీ ఇక్కడ స్విమ్మింగ్ చేయండీ చూద్దాం
ఆకాశంలో ఈత కొట్టే ధైర్యం ఉందా? అని సవాల్ చేస్తున్నట్లుగా ఉండే ఓ అద్భుతమైన స్విమ్మింగ్ పూల్ ని లండన్ లో ఏర్పాటుచేశారు. భూమికి 115 అడుగుల ఎత్తులో రెండు భవనాల మధ్య స్విమ్మింగ్ ప్రియులకు సవాలు విసురుతోందీ పూల్..
- Published By: 10TV Digital Team ,Published On : April 30, 2021 / 01:11 PM IST
Sky
Swimming in Sky : నేలపై నడకా..నీటిలో ఈత. నేలమీద అందరూ నడుస్తారు. కానీ నీటిలో ఈత అందరికి రాదు. కానీ ఈత వచ్చినవాళ్లు మాత్రం నీళ్లు కనిపిస్తే చాలు దిగి ఈత కొట్టటానికి తెగ ఉత్సాహపడిపోతారు. కాలువలు. నదులు, సముద్రాలు ఏవైనా సరే నీళ్లు కనిపిస్తే చాలు ఈదులాడేస్తారు. కానీ ఆకాశంలో ఈత ఎవరైనా కొడతారా?అదేంటీ ఆకాశంలో ఎగురుతారు గానీ ఈత కొడతారా? అని అంటారా? కానీ ఆకాశంలో ఈత కొట్టాలనుకునేవారికి ఆ సరదా తీర్చటానికి లండన్ లో ఓ స్విమ్మింగ్ పూల్ ఉంది. సాధారణంగా స్విమ్మింగ్ పూల్స్ నేలమీదే ఉంటాయి. లేదా ఎతైన భవనాలపై ఉంటాయి. కానీ ఆకాశంలో స్విమ్మింగ్ పూల్ అంటే కాస్త ఆలోచించాల్సిందే. కానీ ఆకాశంలో ఈత కొట్టాలనిపించే వారికి వేదికైంది లండన్. May 19న ఇది అందుబాటులోకి రానుంది. ఇటువంటి ఏర్పాటు ప్రపంచంలోనే మొట్టమొదటిది.
లండన్ లో రెండు ఎత్తైన భవనాల మధ్య..ఉందీ స్విమ్మింగ్ పూల్. భూమికి 115 అడుగుల ఎత్తులో నిర్మించిన స్విమ్మింగ్‌పూల్‌లో ఈత కొడుతుంటే.. ఆకాశంలో ఈదుతున్నట్లే ఉంటుంది. కానీ ఆ పూల్ లో ఈత కొట్టాలంటే కాస్త ధైర్యంకావాల్సిందే. ఇందులో ఈత కొట్టాలంటే.. గుండె ధైర్యం చాలా చాలా ఇంపార్టెంట్. రెండు అంతస్తుల మధ్య వేలాడుతున్నట్లుగా కనిపించే ఈ ‘స్కై పూల్’ పూర్తిగా పారదర్శకంగా ఉంటుంది. ఈత కొడుతూ కింద ఉండే జనాలను కూడా చూడవచ్చు. అలా చూడాలంటే ధైర్యంకావాల్సిందే.
ఆ పూల్ లో ఈత కొడుతూ..కింద నడిచేవాళ్లను చూడొచ్చు. వాహనాలకు చూడొచ్చు. అంతేకాదు ఈ పూల్ పారదర్శకంగా ఉంటుందని ముందే చెప్పాం కదూ..దీంతో పైన ఈతకొట్టేవాళ్లు కింద నడిచేవాళ్లను చూడొచ్చు. అలాగే కింద నడిచేవాళ్లకు పైన స్కైపూల్‌లో ఈత కొట్టేవాళ్లు కూడా కనిపిస్తారు. మొత్తం 25 మీటర్ల పొడవుండే ఈ స్విమ్మింగ్‌పూల్‌ను హాల్ ఆర్కిటెక్ట్స్ డిజైన్ చేశారు. దీన్ని యాక్రిలిక్‌ అనే మెటీరియల్‌తో తయారు చేశారు.
ఇది సుమారు 148,000 గ్లాలాన్ల నీటిని మోయగలదు. ఈ ‘స్కై పూల్’ను ఎంబసీ గార్డెన్స్‌‌లో గల నైన్ ఎల్మ్స్, బాటర్సీ పవర్ స్టేషన్ రీజనరేషన్ జోన్‌లో ఏర్పాటు చేశారు. ఈ ఏడాది.. మే 19వ తేదీ నుంచి ఈ స్విమ్మింగ్‌పూల్ అందుబాటులోకి వచ్చే అవకాశాలున్నాయి.
ఈ స్విమ్మింగ్‌పూల్ నుంచి యూకే పార్లమెంట్, లండన్ ఐ, లండన్ సిటీ స్కైలైన్‌లను చూడవచ్చు. 10 అంతస్తుల భవనాల మధ్య స్విమ్మింగ్‌పూల్ నిర్మించడమంటే మాటలు కాదు. ఇందుకు ఇంజినీర్లు, వర్కర్లు ఎంతో శ్రమించారు. ఆశ్చర్యం కలిగించే స్విమ్మింగ్‌పూల్ అద్భతుమైన ఫోటోల్ని చూడండీ..ఇవి చూశాక కూడా ఆకాశంలో ఈత కొట్టాలనిపిస్తే ఓ సారి లండన్ ట్రిప్ వేయండీ..
