Sperm Count: స్పెర్మ్ కౌంట్ తగ్గుతోందా.. అయితే ఈ గింజలు రోజూ తినండి.. పుష్కలంగా పెరుగుతుంది
Sperm Count: గుమ్మడి గింజలలో పోషక పదార్థాలు అధికంగా ఉంటాయి. ముఖ్యంగా జింక్, మెగ్నీషియం, ఒమేగా-3 ఫ్యాటీ యాసిడ్స్, అంటీఆక్సిడెంట్లు, విటమిన్ E, ఇతర మైనర్ మినరల్స్, అమెగా-6,లినోలెయిక్ యాసిడ్‌లు పుష్కలంగా ఉంటాయి.
- Published By: 10TV Digital Team ,Published On : August 17, 2025 / 10:00 PM IST
Eating pumpkin seeds daily can greatly increase sperm count
ఈమధ్య కాలంలో చాలా మంది మగవాళ్ళు సంతానలేమి సమస్యలతో బాధపడుతున్నారు. దానికి ప్రధాన కారణం అంటే స్పెర్మ్ కౌంట్ అనే చెప్పాలి. స్పెర్మ్ కౌంట్ ఎంత ఎక్కువగా ఉంటె అంత త్వరగా పిల్లలు కలుగుతారు. అయితే, ఈ స్పెర్మ్ కౌంట్ సమస్య రావడానికి కూడా చాలా కారణాలే ఉన్నాయి. మారుతన్న జీవన విధానం, ఆహారపు అలవాట్లు, ఒత్తిడి ఇలా చాలా రకాల కారణాల వల్ల ఈ సినిమా తీవ్రమవుతుంది. ఈ సమస్యకు మందుల కన్నా సహజమైన ఆహరం తీసుకోవడం వల్ల మంచి ఫలితాలు పొందవచ్చు. వాటిలో గుమ్మడి గింజలు ఒకటి. వీటిని రోజు తీసుకోవడం వల్ల స్పెర్మ్ కౌంట్ బాగా పెరిగే అవకాశం ఉంది. మరి దాని గురించి ఇక్కడ వివరంగా తెలుసుకుందాం.
గుమ్మడి గింజల పోషక విలువలు:
గుమ్మడి గింజలలో పోషక పదార్థాలు అధికంగా ఉంటాయి. ముఖ్యంగా జింక్, మెగ్నీషియం, ఒమేగా-3 ఫ్యాటీ యాసిడ్స్, అంటీఆక్సిడెంట్లు, విటమిన్ E, ఇతర మైనర్ మినరల్స్, అమెగా-6,లినోలెయిక్ యాసిడ్‌లు పుష్కలంగా ఉంటాయి.
గుమ్మడి గింజలు, స్పెర్మ్ కౌంట్ మధ్య సంబంధం:
జింక్: స్పెర్మ్ ఉత్పత్తిలో జింక్ ముఖ్యమైన పాత్ర పోషిస్తుంది. జింక్ లోపం వలన స్పెర్మ్ కౌంట్ తక్కువవుతుంది. మొబిలిటీ (గమనించే సామర్థ్యం) తగ్గుతుంది. గుమ్మడి గింజల్లో జింక్ మోతాదు ఎక్కువగా ఉంటుంది. ఇది టెస్టోస్టెరాన్ హార్మోన్ స్థాయిని మెరుగుపరచడంలో సహాయపడుతుంది.
ఆక్సిడేటివ్ స్ట్రెస్ నుండి రక్షణ:
స్పెర్మ్ పై ఆక్సిడేటివ్ స్ట్రెస్ ప్రభావం ఉంటే, నాణ్యత తగ్గుతుంది. గుమ్మడి గింజల్లో ఉండే అంటీఆక్సిడెంట్లు స్పెర్మ్ ను oxidative damage నుండి కాపాడతాయి.
ఒమేగా-3 ఫ్యాటీ యాసిడ్స్:
ఇవి టెస్టిక్యులర్ ఫంక్షన్‌ను మెరుగుపరుస్తాయి. దీనివల్ల రక్తప్రసరణ మెరుగవ్వడంతో పాటు శుక్రకణాల ఉత్పత్తి పెరుగుతుంది.
శాస్త్రీయ పరిశోధనలు ఏమంటున్నాయి:
కొన్ని అధ్యయనాల ప్రకారం, గుమ్మడి గింజలు తినే వారికి జింక్ లెవల్స్ మెరుగుపడటంతో పాటు స్పెర్మ్ కౌంట్, స్పెర్మ్ మొబిలిటీ కూడా మెరుగవుతున్నట్లు తెలుస్తోంది.
2018లో ప్రచురితమైన పరిశోధనలో జింక్, ఆంటీఆక్సిడెంట్లతో కూడిన ఆహారం తీసుకున్న వారిలో స్పెర్మ్ నాణ్యత పెరిగినట్లు తేలింది.
ఎలా తినాలి?
- ప్రతి రోజు 1 నుంచి 2 టేబుల్ స్పూన్లు గుమ్మడి గింజలు తినాలి
- గింజలు నేరుగా తినవచ్చు
- స్మూతీల్లో కలపవచ్చు
- సలాడ్స్‌లో చల్లి తినవచ్చు
- బ్రేక్‌ఫాస్ట్ ఓట్స్ లేదా యోగర్ట్‌తో కలిపి తినవచ్చు
జాగ్రత్తలు:
గుమ్మడి గింజలు ఎక్కువగా తినడం వల్ల కొన్నిసార్లు గ్యాస్, bloating వంటి సమస్యలు రావచ్చు. గింజలు ఉప్పు వేసినవాటిని కాకుండా నేచురల్ గింజలే తినాలి.
గుమ్మడి గింజలు పోషక విలువల పరంగా చాలా విలువైనవి. ఇవి స్పెర్మ్ కౌంట్, నాణ్యత మెరుగుపరచడంలో సహాయకంగా ఉండవచ్చు. అయితే, ఇది ఒకటే పరిష్కారం కాదు. ఆరోగ్యకరమైన జీవనశైలి, సరైన ఆహారం, వ్యాయామం, స్ట్రెస్ తగ్గించుకోవడం స్పెర్మ్ ఆరోగ్యానికి అవసరం.
