మహిళా జడ్జీకి కండోమ్ ప్యాకెట్లు పంపిన మహిళ..!!

Ahmedabad Woman Sends Condoms To Justice Ganediwala : లైంగిక దాడి కేసు, చిన్నారిపై లైంగిక వేధింపుల కేసుల్లో వివాదాస్పద తీర్పులు ఇచ్చిన బాంబే హైకోర్టు నాగపూర్‌ బెంచ్ జడ్జి జస్టిస్‌ పుష్ప గనేడివాలా ఎంత తీవ్రమైన విమర్శలు ఎదుర్కొన్నారో తెలిసిందే. ఓ మహిళా జడ్జీ అయి ఉండి లైంగిక దాడి కేసులో అత్యంత వివాదాస్పదమైన తీర్పునివ్వటంతో జస్టిస్ పుష్ప గనేడివాలా పదోన్నతికి ఎసరు పెట్టాయి. కేంద్రం ఆమెకు ప్రమోషన్ ఇవ్వకూడదనే నిర్ణయం తీసుకున్న సంగతి తెలిసిందే.

కాగా..ఇదిలా ఉంటే జస్టిస్‌ పుష్ప గనేడివాలా ఇచ్చిన తీర్పులను నిరసిస్తూ..ఓ మహిళ ఆమెకు కండోమ్ ప్యాకెట్లు పంపించి నిరసన తెలిపారు…!! అహ్మదాబాద్‌కు చెందిన దేవ్‌శ్రీ త్రివేది అనే రాజకీయ విశ్లేషకురాలు జస్టిస్‌ గనేడివాలా పని చేస్తోన్న బాంబే హైకోర్టు నాగ్‌పూర్‌ బెంచ్‌ రిజిస్ట్రీతో పాటు ముంబైలోని మరో 12 వేర్వేరు ప్రదేశాలకు కండోమ్‌లు పంపించానని ఆమె తెలిపారు.

తాను కండోమ్ లు పంపిన విషయంపై దేవ్‌శ్రీ త్రివేది మాట్లాడుతూ.. ‘‘జస్టిస్ పుష్ప గనేడివాలా ఇచ్చిన తీర్పు వల్ల ఓ చిన్నారికి అన్యాయం జరిగింది. ఓ మహిళ అయి ఉండి ఓ తల్లి తన బిడ్డకు జరిగిన మానసిక వేదనను అర్థం చేసుకోలేదు. చిన్నారికి జరిగిన అన్యాయాన్ని అర్థం చేసుకోలేదు. ఇటువంటి అన్యాయాలను నేను సంహించలేను. ఇటువంటి తీర్పులిచ్చిన ఆమెని సస్పెండ్‌ చేయాల్సిందిగా డిమాండ్‌ చేస్తున్నానని తెలిపారు దేవ్ శ్రీ త్రివేదీ..ఆమె ఇచ్చిన తీర్పుపై నా నిరసన తెలియజేయడం కోసం ఇలా కండోమ్‌ ప్యాకెట్లు పంపాను. ఫిబ్రవరి 9న కొన్ని ప్యాకెట్లు పంపాను. అవి చేరుకున్నట్లు రిపోర్ట్‌ అందింది. ఆ తర్వాత మరో 12 చోట్లకు కండోమ్‌ ప్యాకెట్లు పంపించానని ఇది ఆమె ఇచ్చిన తీర్పుల పట్ల నా నిరసన అని తెలిపారు.

‘‘ఓ మహిళగా సాటి తల్లి మానసిక వేదనను అర్థం చేసుకున్నాను. అలాగే ఓ మహిళలను అయి ఉండి సాటి మహిళకు ఇలా కండోమ్ ప్యాకెట్లు పంపించాన్ని నేను తప్పని భావించడం లేదు. ఇలా చేసినందుకు నేనేమీ బాధపడటంలేదని దేవ్ శ్రీ త్రివేదీ స్పష్టంచేశారు. మహిళలు తమ హక్కుల కోసం పోరాడాలి. తమకు జరిగిన అన్యాయాలపట్ల పోరాడాలి. ఇక జస్టిస్‌ గనేడివాలా లాంటి వారివల్ల కొంతమంది మగాళ్లు మరింత రెచ్చిపోతారు. ఆడవారిపై అఘాయిత్యాలు మరింత పెరుగుతాయి. అప్పుడు అత్యాచారాలు స్త్రీల దుస్తుల మీదుగానే జరుగుతాయి..ఇకనైనా జస్టిస్ పుష్ప గనేడివాలా తన తీరును మార్చుకోవాలని కోరుతున్నా’ అంటూ దేవ్‌శ్రీ ఆవేదన వ్యక్తం చేశారు.

కాగా..బాలికలపై లైంగిక దాడుల కేసులో జస్టిస్‌ పుష్ప గనేడివాలా వివాదాస్పద తీర్పులనిచ్చిన విషయం తెలిసిందే. ‘‘నేరుగా బాలిక శరీరాన్ని తాకుకుండా (స్కిన్ టూ స్కిన్ )జరిగే లైంగిక దాడి పోక్సో కిందకు రాదని’’.. ‘బాలిక చేతిని పట్టుకుని సదరు వ్యక్తి ప్యాంట్‌ జిప్‌ తెరిచినంత మాత్రాన లైంగిక దాడిగా పరగణించలేం’’ అంటూ సంచలన తీర్పులు వెల్లడించారు. దీనిపై దేశవ్యాప్తంగా ఆగ్రహం వ్యక్తం అయ్యింది.