Elephant attack on woman : ఏనుగుతో పరాచకాలు ఆడితే ఇలాగే ఉంటుంది !
సాధారణంగా ఏనుగులు మనుష్యులతో ఫ్రెండ్లీగానే ఉంటాయి. వాటితో ప్రవర్తించే తీరును బట్టి అవి ఒక్కోసారి వయోలెంట్‌గా మారిపోతాయి. రీసెంట్‌గా ఓ మహిళపై ఏనుగు దాడి చేసిన ఘటన సోషల్ మీడియాలో వైరల్ అవుతోంది.
- Published By: 10TV Digital Team ,Published On : May 7, 2023 / 11:00 AM IST
Elephant attack on woman
Elephant attack on woman : ఏనుగులు చాలా సాధు స్వభావం కలిగి ఉంటాయి. ఒక్కోసారి మనుష్యుల తుంటరి చేష్టలకి చిర్రొత్తుకొస్తే మాత్రం దాడికి దిగుతాయి. రీసెంట్‌గా ఓ ఏనుగు మహిళపై దాడి చేసిన ఘటన వైరల్ అవుతోంది.
ఏనుగు కనిపించగానే చాలామంది ఇష్టపడతారు. వాటి దగ్గరకి వెళ్లి ముట్టుకున్నా అవి కూడా హాని చేయవు. కానీ వాటిని రెచ్చగొట్టినా.. బెదిరించినా దాడి చేయడానికి వెనుకాడవు. తాజాగా @susantananda3 అనే ట్విట్టర్ యూజర్ ఓ వీడియోను షేర్ చేశారు. ఒక మహిళ ఏనుగుకి అరటిపండు పెట్టడానికి ప్రయత్నించి సరదాగా ఆటపట్టించింది. అంతే ఏనుగుకి విపరీతమైన కోపం వచ్చేసింది. ఒక్కసారిగా కొమ్ములతో ఎత్తి పడేసింది. ఈ ఘటనలో ఆ మహిళకు తీవ్రగాయాలు అయి ఉండొచ్చు. ఈ వీడియో ఇప్పుడు ట్విట్టర్ లో వైరల్ అవుతోంది.
intelligent elephant : అరటిపండు తొక్క వొలిచి తింటున్న ఏనుగు వీడియో వైరల్
ఏనుగులని మచ్చిక చేసుకుంటే మనుష్యులతో అవి ఎంతో ఆప్యాయంగా ఉంటాయి. ఏ మాత్రం తేడాగా అనిపించినా అవి దాడి చేయడానికి వెనుకాడవు. ఆ మహిళ చిన్నపాటి నిర్లక్ష్యం పెద్ద సమస్యను తెచ్చిపెట్టింది. అందుకే జంతువుల దగ్గరగా వెళ్లినప్పుడు వాటితో ఎంత సరదాగా ఉన్నా ఏమరుపాటుగా ఉంటే ఇలాంటి ప్రమాదాలే జరుగుతాయి.
You can’t fool an elephant even though he is tamed. They are one of the most intelligent animals to be in captivity. pic.twitter.com/rQXS6KYskN
— Susanta Nanda (@susantananda3) April 27, 2023
