‘రంగ్ దే’ రెడీ అవుతోంది..
- Published By: 10TV Digital Team ,Published On : February 24, 2021 / 01:51 PM IST
Rang De: యూత్ స్టార్ నితిన్, కీర్తి సురేష్ తొలి కాంబినేషన్‌లో ప్రసిద్ధ చలన చిత్ర నిర్మాణ సంస్థ సితార ఎంటర్‌టైన్‌మెంట్స్ నిర్మిస్తున్న చిత్రం ‘రంగ్ దే’. ప్రతిభగల యువ దర్శకుడు వెంకీ అట్లూరి దర్శకత్వంలో,పి.డి.వి.ప్రసాద్ సమర్పణలో సూర్యదేవర నాగ వంశీ నిర్మిస్తున్నారు. గత నాలుగు రోజులుగా చిత్రంలోని ఓ గీతానికి సంబంధించిన దృశ్యాలు చిత్రీకరించడంతో షూటింగ్ పూర్తి అయింది. ప్రస్తుతం పోస్ట్ ప్రొడక్షన్ పనులు జరుగుతున్నాయి.
ప్రేమ తో కూడిన కుటుంబ కధా చిత్రం ఈ రంగ్ దే చిత్రానికి సుప్రసిద్ధ ఛాయాగ్రాహకుడు పి.సి.శ్రీరామ్ ఛాయాగ్రహణ దర్శకత్వం వహిస్తుండగా ప్రముఖ సంగీత దర్శకుడు దేవిశ్రీ ప్రసాద్ ఈ చిత్రానికి సంగీతం సమకూరుస్తున్నారు.
నితిన్, కీర్తి సురేష్ జంటగా నటిస్తున్న ఈ సినిమాలో సీనియర్ నటుడు నరేష్, వినీత్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్, అభినవ్ గోమటం, సుహాస్, గాయత్రి రఘురామ్ తదితరులు నటిస్తున్నారు.
