టాప్-12 ఉగ్రవాదుల కొత్త హిట్ లిస్ట్

కాశ్మీర్‌ను ఉగ్రవాద రహితంగా మార్చడానికి భద్రతా దళాలు ఒకదాని తరువాత ఒకటి కఠిన చర్యలు తీసుకుంటున్నాయి. ఉగ్రవాదుల నిర్మూలన కోసం పోలీసులు ఇప్పుడు టాప్-12 ఉగ్రవాదుల హిట్ జాబితాను తయారు చేశారు. హిట్ జాబితాలో ముగ్గురు జైషే మహ్మద్, ఐదుగురు లష్కర్, నలుగురు హిజ్బుల్ ఉగ్రవాదులు ఉన్నారు.

ఇందులో కాశ్మీర్‌లోని జైష్ కార్యాచరణ కమాండర్, ఖాజీ రషీద్ మరియు లుంబు, హిజ్బుల్‌కు చెందిన డాక్టర్ సైఫుల్లా మరియు ఉస్మాన్ మరియు లష్కర్‌కు చెందిన నస్రుల్లా అలియాస్ నాసిర్‌లను అగ్రస్థానంలో ఉంచారు. ‘వాడి’లో ప్రస్తుతం 170 మంది ఉగ్రవాదులు చురుకుగా ఉన్నారు. వారి ఏరివేతకు సైన్యం సిద్ధం అయ్యింది.

మసీదులలో దాక్కున్న ఉగ్రవాదులు:
ఉత్తర కాశ్మీర్‌లోని బారాముల్లా జిల్లాలోని సోపోర్‌పై బుధవారం మసీదులో దాక్కున్న ఉగ్రవాదులు దాడి చేశారు. అందువల్ల, మసీదులను ఉపయోగించకుండా ఉగ్రవాదులను ఆపాలని పోలీసులు నిర్ణయించుకున్నారు. గత ఆరు నెలల్లో కాశ్మీర్లో మరణించిన 118 మంది ఉగ్రవాదులలో 107 మంది స్థానికులు, 11 మంది విదేశీయులు ఉన్నారు. మృతి చెందిన ఉగ్రవాదులలో హిజ్బుల్ ముజాహిదీన్ 57, లష్కర్‌కు 24, జైష్‌కు 22, ఐఎస్‌జెకెకు ఏడు, అన్సార్ గజ్వత్ ఉల్హింద్‌కు చెందిన ఏడుగురు, అలబ్‌దార్‌కు చెందిన ఒక ఉగ్రవాది ఉన్నారని కాశ్మీర్ పోలీస్ రేంజ్ ఐజి విజయ్ కుమార్ వెల్లడించారు. వీరిలో ఆరుగురు పెద్ద కమాండర్లు రియాజ్ నాయకు, ఫౌజీ భాయ్, ఖరీ యాసిర్, జునైద్ సహ్రాయ్, లష్కర్‌కు చెందిన హైదర్ మరియు ఎజిహెచ్‌కు చెందిన బుర్హాన్ కోకా ఉన్నారు.

ఉగ్రవాదుల నుంచి దూరం అవుతున్న యువత:
ఉగ్రవాద సంస్థలలో స్థానిక యువకుల నియామకం గత సంవత్సరంతో పోల్చితే తక్కువ అయిందని ఐజిపి చెప్పారు. గతేడాది 2019 జనవరి 1 నుంచి జూన్ 30 వరకు 129 మంది ఉగ్రవాదులు అయ్యారు. అదే సమయంలో, ఈ సంవత్సరం 67 మంది మాత్రమే ఉగ్రవాదులుగా మారారు. వీరిలో 24 మంది చనిపోగా.. 12 మందిని అరెస్టు చేశారు. మిగిలిన వారు వివిధ ఉగ్రవాద సంస్థలలో చురుకుగా ఉన్నారు. ఈ సమయంలో 15 మంది పౌరులు కూడా ఉగ్రవాద సంఘటనల్లో మరణించారు. కొంతకాలం క్రితం ఉగ్రవాదులుగా మారిన స్థానిక యువకులు లొంగిపోతే, జనజీవన స్రవంతిలోకి తిరిగి వస్తే, మేము అతనిపై ఎటువంటి చట్టపరమైన చర్యలు తీసుకోమని ఐజిపి చెప్పారు.

హిట్ లిస్ట్‌:
1. లంబు భాయ్ 2. ఘాజీ రషీద్, లష్కర్-ఎ-తైబా 3. ఉస్మాన్, 4. సజ్జాద్ 5. యూసుఫ్ తంత్రే 6. ఐజాక్ 7. నాసిర్ అలియాస్ నస్రుల్లా, 8. సైఫుల్లా 9. ఫారూక్ 10. అష్రఫ్ మౌల్వి 11. జహూర్, 12. హిజ్బుల్ ముజాహిదీన్

కాశ్మీర్‌లో ఉగ్రవాదులకు ఆయుధాల కొరత లేదని ఐజిపి విజయ్ కుమార్ అన్నారు. గత ఆరు నెలల్లో మరణించిన 118 మంది ఉగ్రవాదుల నుండి 62 అటాల్ట్ రైఫిల్స్, 9 ఎస్ఎల్ఆర్ రైఫిల్స్, ఒక ఎం -2 కార్బైన్, పికా గన్ మరియు 44 పిస్టల్స్ స్వాధీనం చేసుకున్నారు. రద్దీ ఉన్న ప్రాంతాల్లో దాడులు చేయడానికి ఉగ్రవాదులు పిస్టల్స్ ఉపయోగిస్తున్నారు.

Read:భారత్‍పై చైనా భారీ కుట్ర, కశ్మీర్‌లో మారణహోమానికి పాకిస్తాన్ ఉగ్రవాద సంస్థలతో చర్చలు