సైకిల్‌పై సాయి పల్లవి.. లుక్ అదిరిందిగా!

Sai Pallavi: సాయి పల్లవి, రానా దగ్గుబాటి జంటగా వేణు ఊడుగుల దర్శకత్వంలో రూపొందుతున్న సినిమా ‘విరాటపర్వం’.. సురేష్ ప్రొడక్షన్స్ డి.సురేష్ బాబు సమర్పణలో ఎస్.ఎల్.వి.సినిమాస్ బ్యానర్‌పై సుధాకర్ చెరుకూరి ఈ చిత్రాన్ని నిర్మిస్తున్నారు. ‘‘రివల్యూషన్ ఈజ్ ఏన్ యాక్ట్ ఆఫ్ లవ్’’ అనేది ట్యాగ్‌లైన్..

ప్రియమణి, నందితా దాస్, నివేదా పేతురాజ్, నవీన్ చంద్ర, జరీనా వహాబ్, ఈశ్వరీ రావ్, సాయిచంద్ కీలకపాత్రల్లో నటిస్తున్నారు. ఏప్రిల్ 30న ‘విరాట పర్వం’ చిత్రాన్ని విడుదల చేయనున్నట్లు గురువారం అధికారికంగా ప్రకటిస్తూ రానా పోస్టర్ రిలీజ్ చేశారు.

కొద్దిసేపటికి సాయి పల్లవి న్యూ పోస్టర్ విడుదల చేశారు. ఈ స్టిల్ సోషల్ మీడియాలో చక్కర్లు కొట్టడంతో పాటు చర్చనీయాంశంగా మారింది. లంగా ఓణీలో గ్రామీణ యువతి లుక్‌లో సైకిల్ తొక్కుతూ కనిపించింది సాయి పల్లవి. పక్కా పల్లెటూరి పిల్లలా ఉంది.. ‘విరాట పర్వం’ లో తన నేచురల్ పర్ఫార్మెన్స్‌తో సాయి పల్లవి మరోసారి ప్రేక్షకులను ఆకట్టుకోవడం ఖాయం.. అంటూ నెటిజన్స్ కామెంట్స్ చేస్తున్నారు.