Rice Bran Oil : రైస్ బ్రాన్ అయిల్ ఆరోగ్య ప్రయోజనాలు తెలిస్తే!.

రైస్ బ్రాన్ ఆయిల్ ఇన్సులిన్ నిరోధకతను మెరుగుపరచడం ద్వారా రక్తంలో చక్కెర స్థాయిలను నియంత్రణలో ఉంచుతుంది. రైస్ బ్రాన్ ఆయిల్‌లోని యాంటీఆక్సిడెంట్ల సమృద్ధి ఫ్రీ రాడికల్ నష్టాలను ఎదుర్కోవడం,

Rice Brown Oil

Rice Bran Oil : ఆసియన్ దేశాల్లో ఎక్కువగా ఉపయోగించే వంట నూనెల్లో రైస్ బ్రాన్ అయిల్ ఒకటి. భారత్‌, జపాన్‌, చైనాలో రైస్ బ్రాన్ అయిల్ ను అధికంగా వినియోగిస్తున్నారు. వరిని ఎండ బెట్టి రైస్‌ మిల్లాడించే సమయంలో తవుడు రూపంలో కొంత బయటకు వస్తుంది. దీనిని జంతువులకు మేతగా వాడతారు. మిగిలినదాన్ని వేస్ట్ జిగా పారేస్తుంటారు. అయితే ఈ నిరుపయోగమైన దానిలో ఎన్నో పోషకాలు ఉన్నట్లు నిపుణులు గుర్తించి దాని నుండి నూనె తీయటం ప్రారంభించారు. ఈ నూనె ఆరోగ్యానికి మేలు చేస్తుందని గుర్తించారు. ఈ వంట నూనె ఆహారానికి రుచిని జోడించడమే కాకుండా మొత్తం శరీర ఆరోగ్యంలో కీలక పాత్ర పోషిస్తుంది.

రైస్‌ బ్రాన్ ఆయిల్‌లో ఆరోగ్యకరమైన కొవ్వులు ఉంటాయి. ఈ వంట నూనె లిపిడ్ ప్రొఫైల్, మెటబాలిక్ సిండ్రోమ్‌ను ప్రభావితం చేస్తుంది, రోగనిరోధక శక్తిని ప్రేరేపిస్తుంది. రైస్ బ్రాన్ ఆయిల్‌లో ఉండే కార్డియాక్ ఫ్రెండ్లీ ఫైటోకెమికల్స్ , యాంటీఆక్సిడెంట్‌లు గుండెకు మేలు చేస్తాయి. అందుకే గుండె ఆరోగ్యకరమైన నూనె హోదాను రైస్ బ్రౌన్ అయిల్ సొంతం చేసుకుంది. జీవనశైలి మార్పు , ఆరోగ్యకరమైన ఆహారపు అలవాట్లతో పాటు రైస్ బ్రాన్ ఆయిల్‌ను రోజువారీగా చేర్చడం హృదయ సంబంధ వ్యాధుల ప్రమాదాన్ని తగ్గించడంలో ప్రయోజనకరంగా ఉంటుందని పలు పరిశోధనల్లో తేలింది. రైస్ బ్రాన్ ఆయిల్‌లో ఓరిజానాల్ ఒక శక్తివంతమైన యాంటీఆక్సిడెంట్ ఉండటం వల్ల కొలెస్ట్రాల్ శోషణను తగ్గించి, కొలెస్ట్రాల్ విసర్జనను పెంచుతుంది.

రైస్ బ్రాన్ ఆయిల్ ఇన్సులిన్ నిరోధకతను మెరుగుపరచడం ద్వారా రక్తంలో చక్కెర స్థాయిలను నియంత్రణలో ఉంచుతుంది. రైస్ బ్రాన్ ఆయిల్‌లోని యాంటీఆక్సిడెంట్ల సమృద్ధి ఫ్రీ రాడికల్ నష్టాలను ఎదుర్కోవడం, ఆక్సీకరణ ఒత్తిడికి దారితీసే ఫ్రీ రాడికల్‌ను తటస్థీకరించి ఇన్సులిన్ నిరోధకతను తగ్గిస్తుంది. జర్నల్ ఆఫ్ న్యూట్రిషనల్ బయోకెమిస్ట్రీలో ప్రచురించబడిన అధ్యయనం ప్రకారం, రైస్ బ్రాన్ ఆయిల్ వినియోగం టైప్ 2 డయాబెటిస్ రోగులలో రక్తంలో చక్కెర స్పైక్‌లను 30% గణనీయంగా తగ్గించిందని వెల్లడించింది. ఒరిజానాల్ మరియు టోకోట్రినాల్‌లు రైస్ బ్రాన్ ఆయిల్‌లో క్రియాశీల సమ్మేళనాలు రక్త నాళాలు మరియు గుండె పొరను దెబ్బతీసే వాపును కలిగించే అనేక ఎంజైమ్‌ల ప్రభావాన్ని తగ్గించటంలో తోడ్పడతాయి. ఇందులో ఉండే శక్తివంతమైన ఇన్ఫ్లమేటరీ లక్షణాలు దీర్ఘకాలిక వ్యాధుల ప్రమాదాన్ని తగ్గిస్తుంది.

రైస్ బ్రాన్ ఆయిల్‌లోని యాంటీఆక్సిడెంట్ల సమూహం టోకోట్రినాల్స్ బలమైన క్యాన్సర్ నిరోధక ప్రభావాలను కలిగి ఉంటాయి. రొమ్ము, ఊపిరితిత్తులు, అండాశయం, కాలేయం, మెదడు,ప్యాంక్రియాస్‌లో క్యాన్సర్‌గా ఏర్పడే కణాల పెరుగుదలను టోకోట్రినాల్స్ నియంత్రిస్తాయని అధ్యయనాలు వెల్లడించాయి. రైస్ బ్రౌన్ అయిల్ లో ఉండే యాంటీఆక్సిడెంట్లు, ఫైటోస్టెరాల్స్, పాలీశాకరైడ్స్, మినరల్స్,మెగ్నీషియం, సెలీనియం, జింక్, విటమిన్ ఇ మరియు ఒమేగా-3 ఫ్యాటీ యాసిడ్స్ వంటి ట్రేస్ మినరల్స్ వంటి శక్తివంతమైన మొక్కల సమ్మేళనాలు రోగనిరోధక శక్తిని పెంపొందించడానికి , ఇన్‌ఫెక్షన్లను అరికట్టడానికి తోడ్పడతాయి. నోటిలోని హానికరమైన బ్యాక్టీరియాను నాశనం చేయడంలో ప్రభావవంతంగా పనిచేస్తుంది. వాపు,నోటి దుర్వాసనను తగ్గిస్తుంది. చిగుళ్ల ఆరోగ్యాన్ని మెరుగుపరుస్తుంది.