Stay Healthy During Monsoon : వర్షాకాలంలో ఆరోగ్యంగా ఉండాలంటే.. మీరు తెలుసుకోవాల్సిన విషయాలు, తీసుకోవాల్సిన జాగ్రత్తలు!

ఆహారం మరొక ముఖ్యమైన అంశం. మారుతున్న సీజన్‌తో, ఆహార శైలులను కూడా మార్చడం అత్యవసరం. వ్యాధులు పెరుగుతున్న సమయంలో కొన్ని ఆహారాలు, సుగంధ ద్రవ్యాలు , మూలికలను తీసుకోవాలి.

stay healthy during monsoon

Stay Healthy During Monsoon : వర్షాలు పడే సమయంలో మనలో చాలా మంది ఇంట్లో కూర్చొని చల్లగాలిని ఆస్వాదిస్తూ,వేడి వేడి టీ , కాఫీ సిప్ చేస్తూ ఉంటాము. అదే సమయంలో వర్షాల కారణంగా వచ్చే వ్యాధుల విషయంలో అప్రమత్తంగా ఉండాల్సిన అవసరం ఉంది. ముఖ్యంగా వర్షాకాలం అనేక నీటి ద్వారా సంక్రమించే వ్యాధులు, అనారోగ్యం, అలర్జీలు మొదలైన ఆరోగ్య సమస్యలు తలెత్తుతాయి. ఈ సమయంలో ఏమి తినాలి, ఏమి తినకూడదు అని చాలా మంది ఆలోచిస్తుంటారు. అదే సమయంలో పిల్లలను సురక్షితంగా ఉంచుకోవాలి.

READ ALSO : Vitamin C Deficiency : విటమిన్ సి లోపానికి కారణాలు, లక్షణాలు ఇవే !

వర్షకాలంలో వ్యాధులు ;

వర్షాలకు కాలువలు, కుంటల్లో నీరు చేరడం జరుగుతుంది. మురికి నీరు, నిలిచిపోయిన నీటి కుంటలతో నీటి ద్వారా వ్యాపించే వ్యాధులు ఎక్కువగా వ్యాప్తి చెందుతాయి. ప్రపంచ ఆరోగ్య సంస్థ ప్రకారం, ప్రపంచవ్యాప్తంగా 80 శాతం వ్యాధులు నీటి ద్వారా సంక్రమిస్తున్నాయి. దానికి తోడు స్కిన్ ఇన్‌ఫెక్షన్లు కూడా ఈ సమయంలో చాలా సాధారణం.

కలరా ; ఒక సాధారణ నీటి ద్వారా సంక్రమించే వ్యాధి, ఇది అతిసారం, నిర్జలీకరణం మొదలైన వాటికి కారణం కావచ్చు. దీనిని నివారించడానికి మంచి నీరు , ఆరోగ్యకరమైన ఆహారం తీసుకోవాలి.

READ ALSO : Deepthi Sunaina : చల్లని గాలిలో.. మాన్‌సూన్ ఎంజాయ్ చేస్తున్న దీప్తి సునైనా..

హెపటైటిస్ A ; ఇది కలుషితమైన నీటి నుండి సంక్రమించవచ్చు. కాలేయ ఆరోగ్యంపై దాడి చేస్తుంది. కామెర్లు, జ్వరం, వికారం మొదలైన వాటికి దారితీయవచ్చు.

టైఫాయిడ్ ; కలుషితమైన నీరు, ఆహారం సులభంగా టైఫాయిడ్‌కు దారి తీస్తుంది. ఇది వచ్చిన వ్యక్తిలో శక్తి మొత్తం సన్నగిల్లుతుంది. సాధారణ నీటి ద్వారా సంక్రమించే వ్యాధి.

రింగ్‌వార్మ్: ఈ ఫంగల్ ఇన్‌ఫెక్షన్ ఎరుపు, రింగ్-ఆకారపు దద్దురును కలిగిస్తుంది. దురద లేదా పొలుసులుగా ఉంటుంది. ఇది శరీరంలోని ఏ భాగానికైనా రావచ్చు, తలమీద, గజ్జల్లో , పాదాలపై సర్వసాధారణంగా ఉంటుంది.

READ ALSO : వర్షకాలంలో రోగనిరోధక శక్తిని పెంచే పండ్లు, కూరగాయలు ఇవే!

అథ్లెట్స్ ఫుట్: ఈ ఫంగల్ ఇన్ఫెక్షన్ కాలి వేళ్ల మధ్య దురద, ఎరుపు , పొలుసులను కలిగిస్తుంది. అథ్లెట్లు లేదా తడి వాతావరణంలో పనిచేసే వ్యక్తులు వంటి సుదీర్ఘకాలం పాటు తడి పాదాలను కలిగి ఉన్న వ్యక్తులలో ఇది ఎక్కువగా సంభవిస్తుంది.

డెంగ్యూ-మలేరియా: మురికి వర్షపు నీరు , దోమల సంతానోత్పత్తికి కారణమయ్యే నీటి నిల్వలతో దోమల ద్వారా సంక్రమించే డెంగ్యూ, మలేరియా వంటి వ్యాధులు అధికంగా ఉంటాయి.

వర్షకాలంలో రోజువారీ ఆహారంలో చేర్చాల్సిన సూపర్‌ఫుడ్‌లు ;

ఆహారం మరొక ముఖ్యమైన అంశం. మారుతున్న సీజన్‌తో, ఆహార శైలులను కూడా మార్చడం అత్యవసరం. వ్యాధులు పెరుగుతున్న సమయంలో కొన్ని ఆహారాలు, సుగంధ ద్రవ్యాలు , మూలికలను తీసుకోవాలి.

READ ALSO : Fever Season : జ్వరాల కాలం వర్షకాలం! జాగ్రత్తలే రక్షణ

పసుపు పాలు, విటమిన్ సి అధికంగా ఉండే ఆహారం, మొలకలు వంటి ఆరోగ్యకరమైన చిరుతిండి తీసుకోవాలి. పెరుగు వంటి ప్రోబయోటిక్స్ గట్‌లోని మంచి బ్యాక్టీరియాను పెంచటానికి సహాయపడుతుంది. ఇది చెడు బ్యాక్టీరియా లేదా వ్యాధిని కలిగించే బ్యాక్టీరియాతో పోరాడటానికి సహాయపడుతుంది. ఆకుపచ్చ కూరగాయలు పోషకాలతో నిండి ఉంటాయి. వెల్లుల్లి రోగనిరోధక శక్తిని పెంచుతుంది. అల్లంలో యాంటీ ఆక్సిడెంట్ మరియు యాంటీ ఇన్ఫ్లమేటరీ గుణాలు ఉన్నాయి.

వర్షాకాలంలో తప్పనిసరిగా తీసుకోవలసిన ఆరోగ్య చిట్కాలు, జాగ్రత్తలు ;

పంపు నీటిని నివారించండి: మురికి నీటి ప్రమాదాన్ని తగ్గించడానికి నేరుగా పంపు నీటిని తాగేందుకు ఉపయోగించకుండా ఉండాలి.

చేతి పరిశుభ్రత: సరైన చేతి పరిశుభ్రతను కలిగి ఉండటం ముఖ్యం. భోజనానికి ముందు, బయటి నుండి ఇంటికి వచ్చిన తర్వాత, వాష్‌రూమ్‌ని ఉపయోగించడం మొదలైన వాటి తరువాత చేతులను కడగాలి.

READ ALSO : Monsoon Diseases : డెంగ్యూ నుండి చికున్‌గున్యా వరకు వర్షకాలంలో వచ్చే 5 సాధారణ వ్యాధులు, నివారణ చిట్కాలు !

తినేముందు పండ్లు మరియు కూరగాయలను కడగండి: చాలా మంది విక్రేతల నుండి కొనుగోలు చేసి వాటిని కడగటం మర్చిపోయి తినేస్తుంటారు. అవి వర్షపు నీటిలో తడిచే అవకాశాలు ఉన్నందున్న వాటిని శుభ్రపరుచుకోవటం మంచిది.

పరిశుభ్రమైన పరిసరాలు: నీరు నిలిచిపోయే అవకాశాన్ని తొలగించి, దోమల వృద్ధి స్థలాలను నివారించడానికి పరిసరాలను శుభ్రంగా ఉంచండి.

దోమల వికర్షకాలు: కీటకాల కాటును నివారించడానికి శరీరాన్ని కప్పి ఉంచేలా దుస్తులు ధరించాలి. అలాగే, మలేరియా మరియు డెంగ్యూను నివారించడానికి దోమల నివారణలను ఉపయోగించండి.

READ ALSO : Throat Problem : వర్షకాలం వేధించే వైరల్ ఫీవర్, గొంతునొప్పి సమస్య!

నీరు నిల్వ ఉండే ప్రదేశాలకు దూరంగా ఉండండి: ఆరోగ్యానికి హాని కలిగించే అవకాశం ఉన్నందున నీరు నిలిచిన ప్రదేశాలకు సమీపంలోకి వెళ్లడం మానుకోండి. వర్షాకాలంలో బయటకు వెళ్ళి ఇంటికి తిరిగి వచ్చిన తర్వాత పాదాలను కడగాలి.

హైడ్రేటెడ్ గా ఉండటం : హెర్బల్ టీలు, వెచ్చని పాలు వంటి వెచ్చని పానీయాలను తీసుకోవాలి. ఆహారంలో కాలానుగుణ పండ్లను పెంచండి. వీధి ఆహారాన్ని నివారించండి.

చర్మాన్ని శుభ్రంగా, పొడిగా ఉంచండి: ఈత లేదా స్నానం చేసిన తర్వాత పూర్తిగా శరీరాన్ని ఆరనివ్వటం మంచిది.