Agent Movie: ట్రైలర్ రిలీజ్‌కు డేట్ లాక్ చేసుకున్న ఏజెంట్.. ఎప్పుడంటే?

అక్కినేని అఖిల్ నటిస్తున్న తాజా చిత్రం ఏజెంట్ ట్రైలర్‌ను ఏప్రిల్ 18న రిలీజ్ చేస్తున్నట్లు చిత్ర యూనిట్ ప్రకటించింది.

Agent Movie: ట్రైలర్ రిలీజ్‌కు డేట్ లాక్ చేసుకున్న ఏజెంట్.. ఎప్పుడంటే?

Agent Movie Locks Trailer Release Date

Updated On : April 15, 2023 / 8:44 PM IST

Agent Movie: అక్కినేని అఖిల్ నటిస్తున్న తాజా చిత్రం ఏజెంట్ కోసం ప్రేక్షకులు ఎన్నో రోజులుగా ఎదురుచూస్తున్నారు. స్టైలిష్ చిత్రాల దర్శకుడు సురేందర్ రెడ్డి ఈ సినిమాను డైరెక్ట్ చేస్తుండటంతో ఈ సినిమాను ఎప్పుడెప్పుడు చూద్దామా అని అందరూ ఆసక్తిగా ఉన్నారు. ఇక ఈ సినిమా పోస్టర్స్, టీజర్స్ ఇప్పటికే ఈ సినిమాపై అంచనాలు అమాంతం పెంచేశాయి. వేసవి కానుకగా ఈ సినిమాను రిలీజ్ చేస్తున్నట్లు చిత్ర యూనిట్ అనౌన్స్ చేయగా, ఈ చిత్ర ప్రమోషన్స్‌ను గ్రాండ్‌గా నిర్వహిస్తున్నారు.

Agent Movie: అయ్యగారు రెండు అప్డేట్స్ పట్టుకొస్తున్నారు.. ఏమిటంటే?

ఇప్పటికే పలు ఇంటర్వ్యూల్లో అఖిల్ మాట్లాడగా, తాజాగా ఏజెంట్ చిత్ర యూనిట్ ప్రెస్‌మీట్‌ను నిర్వహించింది. ఈ క్రమంలో వారు ఏజెంట్ సినిమాకు సంబంధించి పలు ఆసక్తికరమైన విషయాలను మీడియాతో పంచుకున్నారు. ఈ సందర్భంగా ఈ చిత్ర ట్రైలర్‌ను రిలీజ్ చేస్తున్నట్లు చిత్ర యూనిట్ ప్రకటించింది. ఈ చిత్ర ట్రైలర్‌ను ఏప్రిల్ 18న రిలీజ్ చేస్తున్నామని వారు పేర్కొన్నారు. ఈ చిత్ర ట్రైలర్ కోసం ప్రేక్షకులు, అభిమానులు ఎంతో ఆసక్తిగా చూస్తున్నారని.. అందుకే వారి కోరిక మేరకు ఈ ట్రైలర్‌ను లాంచ్ చేస్తున్నట్లు వారు తెలిపారు.

Agent Movie: ప్రమోషన్స్ స్టార్ట్ చేసేందుకు డేట్ ఫిక్స్ చేసిన ‘ఏజెంట్’

ఇక ఈ సినిమాలో అఖిల్ ఓ స్పై పాత్రలో నటిస్తుండగా, ఏజెంట్ మూవీ పూర్తి స్పై థ్రిల్లర్‌గా రానుంది. ఈ సినిమాలో కొత్త బ్యూటీ సాక్షి వైద్య హీరోయిన్‌గా నటిస్తోండగా, మలయాళ స్టార్ మమ్ముట్టి ఈ సినిమాలో ఓ కీలక పాత్రలో నటిస్తున్నాడు. బాలీవుడ్ నటుడు డీనో మోరియో కూడా ఈ సినిమాలో ఓ కీలక పాత్రలో నటిస్తున్నాడు. హిప్‌హాప్ తమిళ సంగీతం అందిస్తున్న ఈ సినిమాను ఏప్రిల్ 28న రిలీజ్ చేస్తున్నట్లు చిత్ర యూనిట్ ఇప్పటికే వెల్లడించింది.