Bade Miyan Chote Miyan : కాపీ కొట్టేటప్పుడు చూసుకోవాలి కదా అబ్బా.. నాటు నాటు, కావాలి సాంగ్స్‌తో బాలీవుడ్ మిక్స్..

కాపీ కొట్టేటప్పుడు కొంచెం చూసుకోవాలి కదా. మరి బ్లాక్ బస్టర్స్ అయిన సాంగ్స్ నే కాపీ కొట్టేస్తే దొరికిపోక ఏమవుతారు.

Bade Miyan Chote Miyan : కాపీ కొట్టేటప్పుడు చూసుకోవాలి కదా అబ్బా.. నాటు నాటు, కావాలి సాంగ్స్‌తో బాలీవుడ్ మిక్స్..

Akshay Kumar Tiger Shroff Bade Miyan Chote Miyan Mast Malang Jhoom song

Bade Miyan Chote Miyan : బాలీవుడ్ స్టార్ హీరోలు అక్షయ్ కుమార్, టైగర్ ష్రాఫ్ కలిసి నటిస్తున్న సినిమా ‘బడే మియా ఛోటే మియా’. అలీ అబ్బాస్ జాఫర్ డైరెక్ట్ చేస్తున్న ఈ యాక్షన్ థ్రిల్లర్ మూవీలో మలయాళ స్టార్ హీరో పృథ్వీరాజ్ సుకుమారన్ విలన్ గా కనిపించబోతున్నారు. సోనాక్షి సిన్హా, మనుషి చిల్లర, అలయా ఎఫ్ ఈ సినిమాలో ఫిమేల్ లీడ్స్ చేస్తున్నారు. రంజాన్ కి రిలీజ్ కాబోతున్న ఈ మూవీ ప్రమోషన్స్ ఆల్రెడీ స్టార్ట్ చేసేసారు.

ఈక్రమంలోనే ఇప్పటికే మూవీ టీజర్ ని ఆడియన్స్ ముందుకు తీసుకురాగా మంచి రెస్పాన్స్ ని అందుకుంది. తాజాగా ఈ సినిమా నుంచి ‘మస్త్ మలంగ్ ఝుమ్’ అనే పాటని రిలీజ్ చేశారు. ఈ సాంగ్ లో అక్షయ్ అండ్ టైగర్ కలిసి స్టెప్పులు వేశారు. అయితే ఆ స్టెప్పులు చూస్తుంటే ఆడియన్స్ కి మరో పాట గుర్తుకు వస్తుంది. ప్రపంచం మొత్తాన్ని ఒక ఊపు ఊపేసి ఆస్కార్ ని కూడా దక్కించుకున్న ‘నాటు నాటు’ పాటలోని స్టెప్స్ ని ఈ పాట కోసం కాపీ కొట్టేసారు.

రామ్ చరణ్, ఎన్టీఆర్ కలిసి వేసిన ఐకానిక్ స్టెప్ ని కొద్దిగా అటుఇటుగా మార్చి ‘బాస్కో-సీసర్’ ఈ పాటకి కోరియోగ్రఫీ చేసేసారు. అక్షయ్ అండ్ టైగర్ కలిసి వేస్తున్న ఆ స్టెప్ చూస్తుంటే.. బాలీవుడ్ ఆడియన్స్ కి కూడా చరణ్ అండ్ ఎన్టీఆర్ వేసిన నాటు నాటు స్టెప్పే గుర్తుకు వస్తుంది. అయితే ఈ పాటలో ఈ స్టెప్స్ మాత్రమే కాపీ కాదు, సాంగ్ ట్యూన్ కూడా కాపీనే అంటున్నారు నెటిజెన్స్.

Also read : Kaavaali Song : జైలర్ ‘కావాలా’ సాంగ్‌కి.. ఏనుగు డాన్స్.. కానీ ఓ ట్విస్ట్..

ఈ పాటని విశాల్ మిశ్ర కంపోజ్ చేశారు. అయితే ఈ ట్యూన్ వింటుంటే సౌత్ సూపర్ హిట్ సాంగ్ ‘కావాలి’ గుర్తుకు వస్తుంది. రజినీకాంత్ ‘జైలర్’లో తమన్నా డాన్స్ చేసిన ఈ పాట ఎంతటి హిట్ అయ్యిందో ప్రత్యేకంగా చెప్పనవసరం లేదు. మస్త్ మలంగ్ ఝుమ్ ట్యూన్, కావాలి సాంగ్ ట్యూన్ వినడానికి కొంచెం ఒకేలా ఉంది. దీంతో ఈ రెండు విషయాలని చూపిస్తూ నెటిజెన్స్ ట్రోల్స్ చేస్తున్నారు.

కాపీ కొట్టేటప్పుడు కొంచెం చూసుకోవాలి కదా. మరి బ్లాక్ బస్టర్స్ అయిన సాంగ్స్ నే కాపీ కొట్టేస్తే దొరికిపోక ఏమవుతారు అంటూ కామెంట్స్ చేస్తున్నారు. మరి నెటిజెన్స్ ట్రోల్ చేస్తున్న ఆ సాంగ్ ని ఒకసారి మీరుకూడా చూసేయండి.