Chandra Mohan : కొత్త హీరోయిన్లకు లక్కీ హీరో.. అప్పటి టాప్ హీరోయిన్లంతా చంద్రమోహన్‌తో నటించినవారే..

'చంద్రమోహన్ పక్కన నటిస్తే వస్తే బాగుండును'.. కొత్తగా ఇండస్ట్రీలోకి అడుగుపెడుతున్న హీరోయిన్లు అప్పట్లో అనుకున్న మాట.. ఇవి ఒట్టి మాటలు కావు.. నిజంగానే అప్పట్లో చంద్రమోహన్ పక్కన నటించిన హీరోయిన్లంతా స్టారో హీరోయిన్లు అయిపోయారు.

Chandra Mohan

Chandra Mohan : చంద్రమోహన్ మొత్తం 932 పైగా సినిమాల్లో నటిస్తే అందులో 175 సినిమాల్లో హీరోగా నటించారు. కొత్త హీరోయిన్లకు లక్కీ హీరోగా ఆయనను చెప్పుకునేవారు. అప్పట్లో ఆయన పక్కన నటించిన హీరోయిన్లంతా టాప్ పొజిషన్‌కి చేరడమే అందుకు కారణం. అందుకే అప్పట్లో కొత్తగా ఇండస్ట్రీలోకి వచ్చే హీరోయిన్లంతా ఆయన పక్కన నటించాలని సెంటిమెంటుగా భావించేవారట.

చంద్రమోహన్ 1996 లో వచ్చిన ‘రంగులరాట్నం’ సినిమాతో ఇండస్ట్రీలోకి అడుగుపెట్టారు. మొదటి సినిమాతోనే ఉత్తమ నటన కనబరిచి నంది అవార్డును అందుకున్నారు. ఆ తరువాత వైవిధ్యమైన పాత్రల్లో నటించారు. చంద్రమోహన్‌ని కొత్త హీరోయిన్లకు లక్కీ హీరో అంటారు. అప్పట్లో ఆయన పక్కన నటించిన కొత్త హీరోయిన్లంతా ఆ తర్వాత స్టార్ హీరోయిన్లుగా ఎదిగారు. చంద్రమోహన్‌తో నటిస్తే చాలు లక్ కలిసి వస్తుందని అనుకునేవారట.

Chandra Mohan Awards : చంద్ర మోహన్ అవార్డులు, రివార్డులు.. మొదటి సినిమాకే నంది అవార్డు..

కె.విశ్వనాథ్ డైరెక్షన్‌లో 1976 లో వచ్చిన ‘సిరిసిరిమువ్వ’ సినిమాతో నటి జయప్రద హీరోయిన్‌గా ఎంట్రీ ఇచ్చారు. చంద్రమోహన్ హీరోగా నటించిన ఈ సినిమా సూపర్ హిట్ అయ్యింది. ఆ తర్వాత జయప్రద తిరుగులేని స్టార్‌డమ్ సొంతం చేసుకున్నారు. అడవిరాముడు, యమగోల సినిమాలతో ఎన్టీఆర్ పక్కన నటించారు.

1978 లో వచ్చిన ‘పదహారేళ్ల వయసు’ సినిమాతో శ్రీదేవి ఒక్కసారిగా టాప్ హీరోయిన్ అయిపోయారు. ఈ సినిమాలో చంద్రమోహన్, శ్రీదేవి జంటగా నటించారు. ఈ సినిమా తర్వాత శ్రీదేవి వేటగాడు, కొండవీటి సింహం, జస్టిస్ చౌదరి వంటి సినిమాల్లో నటించి మంచి పొజిషన్‌కి రీచ్ అయ్యారు. ఇదే సంవత్సరంలో చంద్రమోహన్‌కి జోడిగా జయసుధ నటించిన ‘ప్రాణం ఖరీదు’ సినిమా జయసుధను స్టార్ హీరోయిన్ చేసింది. 1983 లో వచ్చిన ‘పెళ్లి చూపులు’ సినిమాలో చంద్రమోహన్ విజయశాంతి నటించారు. ఈ సినిమా తర్వాత వీళ్లిద్దరి కాంబినేషన్‌లో వచ్చిన ‘ప్రతిఘటన’ ఎంత సూపర్ హిట్టో మీకందరికీ తెలిసిందే. ఆ తర్వాత విజయశాంతి శోభన్ బాబు, నాగేశ్వరరావు, చిరంజీవి వంటి స్టార్ హీరోలతో నటించారు.

Chandra Mohan : తల్లి చనిపోయినా షూటింగ్ పూర్తిచేసి మరీ వెళ్లిన చంద్ర మోహన్..

దాదాపుగా చంద్రమోహన్‌తో 60 కి పైగా హీరోయిన్లు నటించారు. శ్రీదేవి, మంజుల, రాధిక, జయప్రద, జయసుధ, విజయశాంతి, తాళ్లూరి రామేశ్వరి.. వీరంతా టాప్ పొజిషన్‌కి చేరుకున్నారు. ఇదంతా అనుకోకుండా జరిగింది కానీ తన ప్రమేయం లేదని చాలాసార్లు చంద్రమోహన్ చెప్పారు. 932 సినిమాల్లో నటించడం అంటే ఆషామాషీ విషయం కాదు. సుదీర్ఘ సినిమా ప్రయాణంలో చంద్రమోహన్ ఎన్నో వైవిధ్యమైన పాత్రల్లో నటించారు. ఎనలేని కీర్తి ప్రతిష్ఠలు సంపాదించుకున్నారు. సినీ వినీలాకాశంలో తిరుగులేని నటుడిగా తన స్ధానం పదిలం చేసుకున్న నటుడు దీపావళి పండుగ వెలుగులు చూడకుండానే అస్తమించడం వెండితెర ప్రముఖులతో పాటు ఆయన అభిమానుల్ని విషాదంలో నెట్టేసింది.