సంక్రాంతి సంధర్భంగా ‘కెనడి క్లబ్’ ఫస్ట్‌లుక్ విడుదల
- Published By: 10TV Digital Team ,Published On : January 14, 2021 / 04:39 PM IST
క్రీడల నేపధ్యంలో వచ్చే సినిమాలను తెలుగు ప్రక్షకులు ఎప్పుడూ ఆదరిస్తూనే ఉంటారు. అందులోనూ కొత్తరకం కథనంలో వస్తే.. కొత్తా పాత అనే తేడా లేకుండా హిట్ చేసేస్తారు.. ఇప్పటికే ఎన్నో సినిమాలు ఆ విధంగా తెలుగులో హిట్ అయ్యాయి.
ఆ నమ్మకంతోనే లేటెస్ట్‌గా శ్రీమతి రావూరి అల్లికేశ్వరి సమర్పణలో అపోలో ప్రొడక్షన్స్ పతాకంపై శశి కుమార్, భారతి రాజా, మీనాక్షి గోవిందరాజన్, సూరి ప్రధాన పాత్రలో సుశీంద్రన్ దర్శకత్వంలో ప్రముఖ నిర్మాత డాక్టర్ రావూరి వెంకటస్వామి నిర్మిస్తున్న క్రీడా చిత్రం ‘కెనడి క్లబ్’.
ఈ సినిమాకు సంబంధించిన ఫస్ట్ లుక్ పోస్టర్‌ను చిత్రయూనిట్ సంక్రాంతి పండుగ సందర్భంగా లేటెస్ట్‌గా విడుదల చేసింది. పల్లెటూరి కథతో కబడ్డీ కథాంశంతో తెరకెక్కుతున్న ఈ సినిమా.. తమిళంలో విడుదలై ఘనవిజయం సాధించగా.. సుశీంద్రన్‌కు మంచి పేరు వచ్చింది.
తెలుగు ప్రేక్షకులను ఆకట్టుకుంటుంది అనే ఉద్ధేశ్యంతో అపోలో ప్రొడక్షన్స్ పతాకంపై తెలుగులో సినిమాను విడుదల చేయటానికి సిద్ధమయ్యారు నిర్మాతలు. ఫిబ్రవరిలో ఈ సినిమా థియేటర్లలో సందడి చెయ్యనుంది. సంక్రాంతి పండగ సందర్భంగా ఫస్ట్ లుక్‌ని చిత్రయూనిట్ విడుదల చేసింది.
Tamil Trailer:
