Bad Girlz : రేణుదేశాయ్ కీలక పాత్రలో ప్రదీప్ డైరెక్టర్ తో బ్యాడ్ గాళ్స్

అంచల్ గౌడ, పాయల్ చెంగప్ప, రోషిణి, యష్ణ ప్ర‌ధాన పాత్ర‌ల్లో న‌టిస్తున్న చిత్రం బ్యాడ్ గాళ్స్,

Munna Dhulipudi new movie is Bad Girlz

అంచల్ గౌడ, పాయల్ చెంగప్ప, రోషిణి, యష్ణ ప్ర‌ధాన పాత్ర‌ల్లో న‌టిస్తున్న చిత్రం బ్యాడ్ గాళ్స్. ‘కానీ చాలా మంచోళ్లు’ అనేది ట్యాగ్ లైన్. ‘30 రోజుల్లో ప్రేమించడం ఎలా’ ఫేమ్ డైరెక్టర్ మున్నా ధులిపూడి ద‌ర్శ‌క‌త్వంలో ఈ చిత్రం తెర‌కెక్కుతోంది. రేణూ దేశాయ్ కీలక పాత్రల పోషించారు. నీలి నీలి ఆకాశం క్రియేషన్స్, ప్రశ్విత ఎంటర్‌టైన్‌మెంట్, ఎన్‌వీఎల్ క్రియేషన్స్ బ్యానర్స్‌పై శశిధర్ నల్లా, ఎమ్మాడి సోమ నర్సయ్య, రామిశెట్టి రాంబాబు, రావుల రమేష్ ఈ చిత్రాన్ని నిర్మిస్తున్నారు.

చంద్రబోస్ సాహిత్యం అందిస్తుండ‌గా.. అనూప్ రూబెన్స్ సంగీతం అందిస్తున్నారు. తాజాగా ఈ చిత్ర టైటిల్‌ మోషన్ పోస్టర్‌ను దర్శకులు చందూ మొండేటి, శివ నిర్వాణ, కృష్ణ చైతన్య లు విడుద‌ల చేశారు. ఈ సంద‌ర్భంగా నిర్మాత‌లు మాట్లాడుతూ.. ఈ చిత్రంలోని పాటలు, కథ అన్నీ చాలా బాగున్నాయన్నారు. ప్ర‌తి కుటుంబం కూడా ఈ చిత్రాన్ని చూసి ఎంజాయ్ చేస్తుంద‌న్నారు.

GHAATI : అనుష్క శెట్టి ‘ఘాటి’ ట్రైల‌ర్ వ‌చ్చేసింది..

ద‌ర్శ‌కుడు మున్నా మాట్లాడుతూ.. ఈ స్టోరీకి ఎంతోమంది అమ్మాయిల కథలు స్ఫూర్తినిచ్చాయి. అమ్మాయిలకు పెళ్లి ముందు ఉండే ఫ్రీడం పెళ్లి తర్వాత ఉండదు. అలాంటి చాలా మంది కథల స్ఫూర్తితో ఈ సినిమా తీశా. ఈ కథను ఐదారుగురు పెద్ద నిర్మాతలకు చెప్పాను. కొత్త అమ్మాయిలతో మార్కెట్ అవుతుందా అని అడిగారు. అందుకే నేను, నా క్లాస్‌మేట్స్ డబ్బులు పెట్టి ఈ సినిమా తీశాం. బాగా చదువుకున్నవాళ్ల కథ ఇది. అమ్మాయిలను పేరెంట్స్ భయంతో పెంచుతాం. అమ్మాయిలను భయంతో కాదు ధైర్యంతో పెంచాలి అని చెప్పే కథ ఇది. అని అన్నారు.