‘టక్ జగదీష్’ స్టార్టయ్యాడు

నాని, శివ నిర్వాణ కాంబినేషన్‌లో షైన్ స్క్రీన్స్ బ్యానర్‌పై తెరకెక్కనున్న ‘టక్ జగదీష్’ పూజా కార్యక్రమాలతో ప్రారంభం..

Tuck Jagadeesh

Nani tuck jagadish:నాని, శివ నిర్వాణ కాంబినేషన్‌లో షైన్ స్క్రీన్స్ బ్యానర్‌పై తెరకెక్కనున్న ‘టక్ జగదీష్’ పూజా కార్యక్రమాలతో ప్రారంభం..

నేచురల్ స్టార్ నాని హీరోగా శివ నిర్వాణ దర్శకత్వంలో ‘టక్ జగదీష్’ సినిమా చేస్తున్న సంగతి తెలిసిందే. ‘నిన్నుకోరి’ వంటి సూపర్ హిట్ మూవీ తర్వాత వీరిద్దరి కాంబినేషన్లో తెరకెక్కుతున్న సినిమా ఇది. షైన్ స్రీన్స్ పతాకంపై సాహు గారపాటి, హరీష్ పెద్ది సంయుక్తంగా నిర్మిస్తున్నారు. ఇది నానికి 26వ చిత్రం.

ఇటీవల ఫస్ట్ లుక్‌తో అధికారికంగా ఈ ప్రాజెక్ట్ ప్రకటించిన నిర్మాతలు గురువారం ఉదయం పూజా కార్యక్రమాలతో ‘టక్ జగదీష్’ సినిమాను లాంఛనంగా ప్రారంభించారు. ముందుగా స్టార్ డైరెక్టర్ కొరటాల శివ దర్శక నిర్మాతలకు స్క్రిప్టును అందజేశారు. ఆ తర్వాత చిత్రీకరించిన ముహూర్తపు సన్నివేశానికి స్టార్ ప్రొడ్యూసర్ దిల్ రాజు క్లాప్ కొట్టగా, సక్సెస్ ఫుల్ ప్రొడ్యూసర్ నవీన్ యెర్నేని కెమెరా స్విచ్చాన్ చేశారు.

నానితో ఇదివరకు ‘ఎవడే సుబ్రమణ్యం’ సినిమాలో నటించిన రీతు వర్మ, ‘కౌసల్యా కృష్ణమూర్తి’ ఫేమ్ ఐశ్వర్యా రాజేష్ ఈ మూవీలో హీరోయిన్లుగా నటిస్తున్నారు. సెన్సేషనల్ మ్యూజిక్ డైరెక్టర్ ఎస్. థమన్ సంగీతం సమకూరుస్తున్న ఈ చిత్రానికి ప్రసాద్ మూరెళ్ల సినిమాటోగ్రాఫీ అందిస్తున్నారు. ‘టక్ జగదీష్’ రెగ్యులర్ షూటింగ్  ఫిబ్రవరి 11 నుండి అవుట్ డోర్‌లో ప్రారంభం కానుంది. జగపతిబాబు, నాజర్, రావు రమేష్, నరేష్, మురళీశర్మ తదితరులు కీలకపాత్రల్లో నటిస్తున్నారు.

సాంకేతిక వర్గం :
సంగీతం : ఎస్. థమన్
సినిమాటోగ్రఫీ : ప్రసాద్ మూరెళ్ల
ఎడిటింగ్ : ప్రవీణ్ పూడి
ఆర్ట్ : సాహి సురేష్
ఫైట్స్ : వెంకట్

కాస్ట్యూమ్ డిజైనర్ : నీరజ కోన
ఎగ్జిక్యూటివ్ ప్రొడ్యూసర్ : ఎస్. వెంకటరత్నం (వెంకట్)
నిర్మాతలు : సాహు గారపాటి, హరీష్ పెద్ది
రచన-దర్శకత్వం : శివ నిర్వాణ.
బ్యానర్ : షైన్ స్క్రీన్స్