NTR : విశ్వక్సేన్ ఈ సినిమా తర్వాత దర్శకత్వం ఆపేయాలి.. డైరెక్షన్ చేయడానికి చాలా మంది దర్శకులు ఉన్నారు..

ఈ ఈవెంట్ లో ఎన్టీఆర్ మాట్లాడుతూ.. ఇవాళ RRR ప్రపంచం అంతా నిలబడింది అంటే, ఆస్కార్ దక్కించుకుంది అంటే రాజమౌళి, కీరవాణి, చంద్రబోస్, రాహుల్, కాలభైరవ, ప్రేమ్ రక్షిత్ ఎంత కారణమో వారితో పాటు తెలుగు చలన చిత్రసీమ, భారత చిత్రసీమ.......................

NTR Speech in Das Ka Dhamki Pre Release Event

NTR :  యువ హీరో విశ్వక్సేన్ దాస్ కా ధమ్కీ సినిమాతో రాబోతున్నాడు. ఇప్పటికే పలుసార్లు వాయిదా పడిన ఈ సినిమా మార్చ్ 22న పాన్ ఇండియా సినిమాగా గ్రాండ్ గా రిలీజ్ కాబోతుంది. నేడు హైదరాబాద్ శిల్పకళావేదికలో దాస్ కా ధమ్కీ ప్రీ రిలీజ్ ఈవెంట్ గ్రాండ్ గా జరగగా ఈ ఈవెంట్ కి ఎన్టీఆర్ చీఫ్ గెస్ట్ గా వచ్చి సందడి చేశారు. ఆస్కార్ గెలిచాక మొదటి సారి మీడియా ముందుకు ఎన్టీఆర్ రావడంతో అభిమానులు భారీగా ఈవెంట్ కి తరలివచ్చారు. ఎన్టీఆర్ రాకతో దాస్ కా ధమ్కీ సినిమాపై మరిన్ని అంచనాలు పెరిగాయి.

Vishwaksen : నేను పడిపోతే బాగుండు అని చాలా మంది కోరుకుంటున్నారు.. నేను ఏడవాలని అనుకుంటున్నారు..

ఈ ఈవెంట్ లో ఎన్టీఆర్ మాట్లాడుతూ.. ఇవాళ RRR ప్రపంచం అంతా నిలబడింది అంటే, ఆస్కార్ దక్కించుకుంది అంటే రాజమౌళి, కీరవాణి, చంద్రబోస్, రాహుల్, కాలభైరవ, ప్రేమ్ రక్షిత్ ఎంత కారణమో వారితో పాటు తెలుగు చలన చిత్రసీమ, భారత చిత్రసీమ, భారతదేశపు ప్రేక్షకులు కూడా అంతే కారణం. కీరవాణి, చంద్రబోస్ గారిని ఆ స్టేజి మీద చూస్తుంటే నాకు వాళ్ళు కనపడలేదు. ఇద్దరు భారతీయులు, ఇద్దరు తెలుగు వాళ్ళు కనపడ్డారు. నేను లైవ్ లో చూశాను, ఆ మూమెంట్ ఎప్పటికి గుర్తుండిపోద్ది. RRR సినిమాతో తెలుగు సినిమాలు మరింత ముందుకు వెళ్ళాలి. విశ్వక్ మాట్లాడినట్టు నేను మాట్లాడలేను. విశ్వక్ నా కంటే ఎనర్జీ ఎక్కువ. నా బాధ్యత ఇది. నాకు బాగా ఇష్టమైన సినిమాలు చాలా తక్కువ. అందులో ఈ నగరానికి ఏమైంది సినిమా ఒకటి. అందులో విశ్వక్ ని చూస్తూ ఉండిపోవచ్చు. ఒక నటుడిగా కామెడీ చేయకుండా కామెడీ పండించాడు. కొత్తలోనే అంత కాన్ఫిడెన్స్ ఉంది. ఆ తర్వాత ఫలక్ నామా దాస్ చూశాను డైరెక్టర్ గా కూడా బాగా చేశాడు. అశోకవనంలో అర్జున కళ్యాణం సినిమా ప్రీ రిలీజ్ ఈవెంట్ కి రావాలి కానీ రాలేకపోయాను. ఆ సినిమాలో అతని యాక్టింగ్ చూసి షాక్ అయ్యాను. అతని యాటిట్యూడ్ కి దూరంగా ఆ క్యారెక్టర్ చేశాడు. నాకు అలా మారడానికి చాలా టైం పట్టింది. కానీ నటుడిగా నాకు తెలుసు విశ్వక్ కి ఇంత తక్కువ ఏజ్ లోనే బాగా చేస్తున్నాడు. తనకు తాను సక్సెస్ అవ్వడానికి బయలుదేరాడు. ఈ సినిమా బ్లాక్ బస్టర్ అవ్వాలి. విశ్వక్ ఈ సినిమా తర్వాత దర్శకత్వం ఆపేయాలి. చాలా మంది దర్శకులు ఉన్నారు తెలుగులో. వాళ్ళు మనతో సినిమాలు చేస్తారు. నువ్వు నటుడిగా చాలా సినిమాలు చేయాలి. మనలాంటి నటులు అందరూ కలిసి తెలుగు పరిశ్రమని పడనివ్వకూడదు. ఇంకా ముందుకి తీసుకెళ్లాలి. నా దగ్గరికి వచ్చినప్పుడు నేను ఉన్నదంతా ఈ సినిమాకు పెట్టేశాను అని అడిగితే నాకు బాధ వేసింది. కానీ అది సినిమా మీద ఉన్న పిచ్చి. ఇలాంటి వాళ్ళే సినిమాలని ముందుకు తీసుకెళ్తారు. అందుకే ఎంకరేజ్ చేస్తున్నాను. ఉగాదికి విశ్వక్ కి కూడా ఈ సినిమా హిట్ కొట్టి పండగ చేసుకోవాలి. అభిమానులందరికి రుణపడి ఉంటాను అని అన్నారు.