Prabhas : కొత్త అవతారం ఎత్తబోతున్న ప్రభాస్
ది రాజా సాబ్ సినిమా షూటింగ్ హైదరాబాద్‌లోని రామోజీ ఫిల్మ్ సిటీలో శరవేగంగా జరుగుతోంది.
- Published By: 10TV Digital Team ,Published On : July 12, 2025 / 09:27 AM IST
Prabhas will sing song in The Raja Saab
ది రాజా సాబ్ సినిమా షూటింగ్ హైదరాబాద్‌లోని రామోజీ ఫిల్మ్ సిటీలో శరవేగంగా జరుగుతోంది. ఈ రొమాంటిక్ హారర్ కామెడీ మూవీని డైరెక్టర్ మారుతి తెరకెక్కిస్తున్నారు, పోస్ట్-ప్రొడక్షన్ పనులు కూడా అదే స్పీడ్‌లో సాగుతున్నాయి. ఈ ఏడాది డిసెంబర్ 5న రిలీజే చేసేందుకు సన్నాహాలు చేస్తున్నారు.
అయితే ఈ మూవీ గురించి ఓ ఆసక్తికర గాసిప్ బయటకు వచ్చింది. ప్రభాస్ ఈ మూవీలో ఒక పాటను స్వయంగా పాడుతున్నారట. ఈ వార్త బయటకు వచ్చినప్పటి నుంచి ప్రభాస్ ఫ్యాన్స్ ఫుల్ హ్యాపీగా ఫీలవుతున్నారు. ప్రభాస్ ఇప్పటి వరకు పాటలు పాడిన సందర్భాల్లేవు. అందుకే ప్రభాస్ ఫ్యాన్స్‌కి ఈ గాసిప్ మంచి కిక్‌ ఇస్తోంది. ప్రభాస్ పాడే పాటకు మ్యూజిక్ డైరెక్టర్ తమన్ స్వరాలు అందిస్తున్నారని సమచారం. సినిమాకే హైలెట్‌గా నిలిచే ఈ పాటను ప్రత్యేకంగా రూపొందిస్తున్నారట తమన్.
చిరంజీవి, వెంకటేష్, బాలకృష్ణ ఇలా చాలా మంది హీరోలు తమ సినిమాల్లో పాటలు పడి ఫ్యాన్స్‌ని ఉత్సాహపరిచారు. ఇప్పుడు ప్రభాస్ కూడా ది రాజా సాబ్‌లో ఓ పాట కోసం గొంతువిప్పనున్నారని సినీ వర్గాల్లో హాట్ టాపిక్‌గా మారింది. ప్రభాస్ ఈ పాట కోసం స్టూడియోలో గంటల తరబడి కష్టపడుతున్నాడట.
తమన్‌తో కలిసి ఈ సాంగ్‌ను పర్ఫెక్ట్‌గా రూపొందించేందుకు ప్రయత్నిస్తున్నట్లు గాసిప్స్ వినిపిస్తున్నాయి. ఈ సినిమా టీజర్ ఇప్పటికే విడుదలై, ప్రభాస్ వింటేజ్ లుక్ తమన్ బీజీఎం అభిమానుల్ని ఆకర్షించాయి. మొత్తానికి ప్రభాస్ వాయిస్ ఈ మూవీలో బిగ్ హైలైట్‌గా నిలుస్తుందని సినీ వర్గాలు అంచనా వేస్తున్నాయి. ఈ గాసిప్ నిజమైతే ప్రభాస్ కూడా తన సింగింగ్ టాలెంట్‌తో అభిమానుల్ని ఆశ్చర్యపరిచే అవకాశం ఉందన్నమాట.
