RC 16 Pooja Ceremony : RC 16 మొదలు.. పక్కపక్కనే చరణ్, జాన్వీ.. వైరల్ అవుతున్న వీడియోలు..

జగదేకవీరుడు కొడుకు, అతిలోక సుందరి కూతుర్ని పక్కపక్కనే చూసి అభిమానులు సంతోషం వ్యక్తం చేస్తున్నారు.

RC 16 Pooja Ceremony : RC 16 మొదలు.. పక్కపక్కనే చరణ్, జాన్వీ.. వైరల్ అవుతున్న వీడియోలు..

Ram Charan Janhvi Kapoor RC 16 Movie Started with Pooja Ceremony

RC 16 Pooja Ceremony : రామ్ చరణ్(Ram Charan) ప్రస్తుతం ‘గేమ్ ఛేంజర్'(Game Changer) సినిమాతో బిజీగా ఉన్నాడు. ఈ సినిమా తర్వాత బుచ్చిబాబు సాన దర్శకత్వంలో ఓ సినిమా చేయబోతున్నాడు. RC16 వర్కింగ్ టైటిల్ తో రామ్ చరణ్, జాన్వీ కపూర్(Janhvi Kapoor) జంటగా ఈ సినిమా తెరకెక్కనుంది. వృద్ధి సినిమాస్, మైత్రి మూవీ మేకర్స్, సుకుమార్ రైటింగ్స్.. సంయుక్త నిర్మాణంలో ఈ సినిమాని నిర్మించబోతున్నారు.

నేడు RC16 సినిమా పూజా కార్యక్రమం హైదరాబాద్ లో ఘనంగా జరిగింది. ఈ కార్యక్రమానికి రామ్ చరణ్ ఉపాసనతో పాటు వచ్చాడు. జాన్వీ కపూర్ కూడా హాజరైంది. సుకుమార్ తో పాటు పలువురు సినీ ప్రముఖులు, మూవీ యూనిట్ ఈ కార్యక్రమానికి హాజరయ్యారు. ఇక చరణ్ పక్కన జాన్వీ కపూర్ కనపడటంతో వీడియోలు వైరల్ అవుతున్నాయి. అధికారికంగా ఈ కార్యక్రమం లైవ్ ఇవ్వలేదు. ఫోటోలు కూడా ఇంకా రిలీజ్ చేయకపోయినా అభిమానుల దగ్గర్నుంచి వీడియోలు లీక్ అవుతున్నాయి.

Also Read : Game Changer : వామ్మో ఏకంగా అన్ని కోట్లా.. గేమ్ ఛేంజర్ డిజిటల్ రైట్స్.. భారీ ధరకు కొనుగోలు చేసిన అమెజాన్..?

జగదేకవీరుడు కొడుకు, అతిలోక సుందరి కూతుర్ని పక్కపక్కనే చూసి అభిమానులు సంతోషం వ్యక్తం చేస్తున్నారు. ఉత్తరాంధ్ర బ్యాక్ డ్రాప్ లో ఈ సినిమాని భారీగా నిర్మించబోతున్నారు. ఈ సినిమాకి ఏ ఆర్ రహమాన్ సంగీతం ఇవ్వనున్నారు. ఈ సినిమాకి టైటిల్ ఇంకా ప్రకటించకపోయినా ‘పెద్ది’ అనే టైటిల్ పెడతారని వార్తలు వినిపిస్తున్నాయి. ఆల్రెడీ RC16 ప్రీ ప్రొడక్షన్ వర్క్ పూర్తయింది. పూజా కార్యక్రమాలు అయినా గేమ్ ఛేంజర్ షూట్ మొత్తం పూర్తయ్యాకే RC16 షూట్ మొదలుపెడతారని బుచ్చిబాబు గతంలో తెలిపారు.