Surya : సూర్య డైరెక్ట్ తెలుగు మూవీ.. బోయపాటితో??

ఈ ఈవెంట్ లో బోయపాటి మాట్లాడుతూ..''సూర్యతో నా సినిమా ఉంటుంది. అయితే ఎప్పుడు ఉంటుందనేది ఇప్పుడే చెప్పలేను. రజని తర్వాత తెలుగువారితో మనవాడు అనిపించుకున్న హీరో సూర్యనే. సూర్యతో........

 

Surya :  తమిళ్ స్టార్ హీరో సూర్యకి తెలుగులో కూడా విపరీతమైన ఫ్యాన్ ఫాలోయింగ్ ఉంది. ఎప్పట్నుంచో సూర్య సినిమాలు తెలుగులో డబ్ అయి రిలీజ్ అవుతున్నాయి. ‘గజినీ’ సినిమాతో సూర్యకి తెలుగులో మంచి మార్కెట్ ఏర్పడింది. అప్పట్నుంచి సూర్య ప్రతి సినిమా తెలుగులో విడుదల అవుతుంది. దీంతో తెలుగులో కూడా సూర్యకి మంచి మార్కెట్ ఉంది.

ఇక సూర్య తమ్ముడు కార్తీ ఇప్పటికే డైరెక్ట్ తెలుగు సినిమా చేశాడు. అంతేకాక ఇప్పటికే విజయ్, ధనుష్, శివ కార్తికేయన్ కూడా డైరెక్ట్ తెలుగు సినిమాలు అనౌన్స్ చేశారు. సూర్య కూడా ఎప్పట్నుంచో డైరెక్ట్ తెలుగు సినిమా చేయాలని చూస్తున్నాడు. తాజాగా ‘ఈటి’ సినిమా ప్రమోషన్స్ కోసం హైదరాబాద్ వచ్చాడు సూర్య. ‘ఈటి’ సినిమా ప్రీ రిలీజ్ ఈవెంట్ ఘనంగా జరిగింది. దీనికి పలువురు టాలీవుడ్ సెలబ్రిటీలు అతిధులుగా హాజరయ్యారు. ఈ ఈవెంట్ కి బోయపాటి శ్రీను కూడా హాజరయ్యారు.

Naga Chaitanya : కొత్త బిజినెస్ మొదలుపెట్టిన చైతూ.. కంగ్రాట్స్ బావ అంటూ వెంకీ కూతురి రిప్లై..

ఈ ఈవెంట్ లో బోయపాటి మాట్లాడుతూ..”సూర్యతో నా సినిమా ఉంటుంది. అయితే ఎప్పుడు ఉంటుందనేది ఇప్పుడే చెప్పలేను. రజని తర్వాత తెలుగువారితో మనవాడు అనిపించుకున్న హీరో సూర్యనే. సూర్యతో భవిష్యత్తులో నా సినిమా ఉంటుంది” అని తెలిపారు. దీంతో సూర్య, బోయపాటి సినిమా కచ్చితంగా ఉంటుందని, సూర్య డైరెక్ట్ తెలుగు సినిమా తీయబోతున్నట్టు తెలుస్తుంది. సూర్య ఇప్పటికే ‘సింగం’ లాంటి ఫుల్ మాస్ యాక్షన్ సినిమాలు తీశాడు. ఇక బోయపాటి కూడా ఫుల్ యాక్షన్ సినిమాలు తీస్తాడు కాబట్టి వీరిద్దరికి బాగానే సెట్ అవుతుందని అంటున్నారు ప్రేక్షకులు.

Radheshyam : రాధేశ్యామ్ ప్రమోషన్స్‌లో మెరిసిపోతున్న ప్రభాస్, పూజా హెగ్డే

అయితే ప్రస్తుతం బోయపాటి రామ్ తో సినిమా అనౌన్స్ చేశాడు. మరోవైపు అల్లుఅర్జున్ తో కూడా సినిమా అనౌన్స్ చేశాడు. రామ్ ఇప్పుడు ‘వారియర్’ సినిమాతో బిజీగా ఉన్నాడు. ఇక అల్లుఅర్జున్ ‘పుష్ప 2’తో బిజీగా ఉన్నాడు. దీంతో సూర్య సినిమా చేయాలంటే సూర్య ఇచ్చిన డేట్స్ ని బట్టి వీటిల్లో ఏదో ఒక సినిమాని ఆపి సూర్య సినిమా మొదలు పెట్టాలి. ఒక వేళ సూర్య డేట్స్ లేకపోతే బోయపాటి ఈ రెండు సినిమాలు పూర్తి చేసి సూర్యతో సినిమా చేయాలి. ఇదంతా జరగాలి అంటే మరో రెండు, మూడేళ్లు ఈజీగా పడుతుందని అంచనా వేస్తున్నారు సినీ వర్గాలు. సూర్య డైరెక్ట్ తెలుగు సినిమా కచ్చితంగా మాస్ యాక్షన్ సినిమా అని మాత్రం తెలిసిపోతుంది.