Viral Video : థియేటర్లో ఎంగేజ్మెంట్ చేసుకున్న జంట వీడియో వైరల్
తమ అభిమాన నటీనటులంటే ఫ్యాన్స్‌కి వీరాభిమానం ఉండటం సహజమే. ఇప్పటివరకూ ఓ రేంజ్ అభిమానాన్ని చూసారు. ఈ స్టోరీ చదివితే వీరి అభిమానం వేరే లెవెల్ అనిపిస్తుంది.
- Published By: 10TV Digital Team ,Published On : October 20, 2023 / 03:31 PM IST
Viral Video
Couple Gets Engaged in Theatre : తమ అభిమాన హీరో సినిమా విడుదల అంటే ఫ్యాన్స్ సంబరం మామూలుగా ఉండదు. డ్యాన్సులు, ఈలలు గోల గోల చేస్తారు. బాణా సంచా కాలుస్తారు. అయితే ఓ జంట వీటన్నింటికీ అతీతంగా ఓ పని చేసింది. అదేంటో తెలిస్తే ఆశ్చర్యపోతారు.
Leo Movie Collections : లియో ఫస్ట్ డే కలెక్షన్స్ ఎంతో తెలుసా..?
దళపతి విజయ్ సినిమా ‘లియో’ అక్టోబర్ 19 న ప్రపంచ వ్యాప్తంగా రిలీజైంది. ఈ సినిమా రిలీజ్‌కి ముందే ఫ్యాన్స్ రచ్చ మొదలుపెట్టారు. సినిమా హాళ్ల ముందు బాణా సంచా కాల్చి సంబరాలు చేసారు. ఇదంతా ఒక ఎత్తైతే బెనిఫిట్ షో చూడటానికి వచ్చిన ఓ జంట అందరినీ ఆశ్చర్యంలో ముంచెత్తింది. చెన్నైకి చెందిన వెంకటేష్, మంజుల థియేటర్లో దండలు వేసుకుని, ఉంగరాలు మార్చుకున్నారు. ఈ ఘటనకు సంబంధించిన వీడియో ఇంటర్నెట్‌లో వైరల్ అవుతోంది.
చెన్నైకి చెందిన వెంకటేష్, మంజుల విజయ్‌కి వీరాభిమానులట. ఈ ఏడాది స్టార్టింగ్‌లో వీరికి ఎంగేజ్మెంట్ అయ్యింది. అక్టోబర్ 20 న వీరి వివాహం నిశ్చయమైంది. 19 న తమ అభిమాన హీరో విజయ్ లియో రిలీజ్ అవుతున్న నేపథ్యంలో సాంప్రదాయ దుస్తుల్లో థియేటర్ కి వెళ్లారు. వీరితో స్నేహితులు, బంధువులు కూడా వచ్చారు. సినిమా ప్రారంభానికి ముందే దండలు వేసుకుని, ఉంగరాలు మార్చుకున్నారు. ఆ తరువాత సినిమా వీక్షించారు. ఈ ఘటనకు సంబంధించిన వీడియో ఇంటర్నెట్‌లో వైరల్ అవుతోంది. వీరి పిచ్చి పీక్స్‌లో ఉందని నెటిజన్లు కామెంట్లు చేసారు. విజయ్-లోకేశ్ కనగరాజ్ కాంబోలో వచ్చిన లియో హిట్ టాక్‌ని సొంతం చేసుకుంది.
#WATCH | Pudukkottai, Tamil Nadu: A fan couple of actor Vijay exchanges garlands and rings in the theatre during the screening of his movie ‘Leo’, released today pic.twitter.com/mZEafBLbks
— ANI (@ANI) October 19, 2023
