ఇవే నా చివరి ఎన్నికలు…కన్నీళ్లు పెట్టుకున్న ములాయం
- Published By: venkaiahnaidu ,Published On : April 19, 2019 / 03:18 PM IST
లోక్ సభ ఎన్నికల ప్రచారంలో ఉద్వేగానికి లోనయ్యారు ఎస్పీ వ్యవస్థాపకుడు ములాయం సింగ్ యాదవ్.బీఎస్పీ అధినేత్రి మాయావతి,తన కుమారుడు,యూపీ మాజీ సీఎం అఖిలేష్ యాదవ్ తో కలిసి మెయిర్ పురిలో ఎన్నికల ప్రచారంలో ములాయం పాల్గొన్నారు. ఈ సభతో పాతికేళ్ల తర్వాత బద్ధశత్రవులైన మాయా,ములాయం ఒకే వేదిక పంచుకున్నారు.
ఈ సందర్భంగా ములాయం సింగ్ మాట్లాడుతూ….చాలా ఏళ్లుగా మెయిన్‌పురి ప్రజలతో నాకు అనుబంధం ఏర్పడింది. ఇక్కడి ప్రజలు నా వాళ్లయిపోయారు. ఇవే నా చివరి ఎన్నికలు అని చెప్పడానికి మాటలు రావడం లేదు. ఈ ఎన్నికల్లో మీరు ఆశీర్వదిస్తారని నమ్ముతున్నాను. 2014 ఎన్నికల్లో కంటే మంచి మెజార్టీ వస్తుందని ఆశిస్తున్నాను. యువత కూడా నా వెంటే ఉంటారనుకుంటున్నానంటూ కన్నీటి పర్యంతమయ్యారు.నన్ను మీరు భారీ మెజార్టీతో గెలిపిస్తారు కదా.. అని ములాయం అడగ్గా అక్కడున్న ప్రజలందరూ అవును..ములాయం ఈ నేల తల్లి బిడ్డ అంటూ నినాదాలు చేశారు.ఈ సందర్భంగా బీఎస్పీ అధినేత్రి మాయావతి కూడా ములాయంని పొగిడారు.ములాయం నిజమైన ఓబీసీ అన్నారు.మోడీలా ములాయం ఫేక్ ఓబీసీ కాదన్నారు.
