Lunar Land : చంద్రునిపై స్థలాలు అమ్ముతున్నారు తెలుసా? చంద్ర మండలంపై స్థలం ఎవరిది?

సెలబ్రిటీలు మాత్రమే కాదు.. సామాన్యులు కూడా చంద్రుడిపై స్థలాలు కొనేస్తున్నారు. చంద్రుడిపై స్థలం ఎవరిది? ఇప్పటి వరకూ ఎవరెవరు కొన్నారు? కొనాలంటే ధర ఎంత? ఈ వివరాలు తెలుసా మీకు?

Lunar Land

Lunar Land : బాలీవుడ్ నటులు సుశాంత్ సింగ్ రాజ్‌పుత్, షారూఖ్ ఖాన్‌లకు చంద్రునిపై భూములు ఉన్నాయి. రాజస్థాన్‌కి చెందిన ఓ వ్యక్తి తన భార్యకు చంద్రుడి మీద భూమి కొని బహుమతిగా ఇచ్చాడు. తాజాగా పెద్దపల్లి జిల్లా గోదావరి‌ఖనికి చెందిన ఓ మహిళ తన తల్లికి చంద్రుడిపై స్థలం కొని బహుమతిగా ఇచ్చింది.. అసలు వీరంతా చంద్రుడిపై భూమిని ఎలా కొంటున్నారు? చంద్రుడిపై స్థలం కొనాలంటే ఎంత ధర ఉంటుంది? చంద్రుడి స్థలంపై హక్కు ఎవరిది? మీకు ఎప్పుడైనా తెలుసుకోవాలని అనిపించిందా?

Chandrayaan-3: అంతరిక్షం నుంచి భూమి ఇలా ఉంటుంది.. ఫొటోలు విడుదల చేసిన చంద్రయాన్-3

ప్రపంచ వ్యాప్తంగా రియల్ ఎస్టేట్ ధరలు విపరీతంగా పెరిగిపోతున్నాయి. మరోవైపు కొందరు సెలబ్రిటీలు చంద్రుడిపై భూమిని కొనేస్తున్నారు. ఇక వాటి ధరలు ఎలా ఉన్నాయో తెలిస్తే షాకవుతారు. దివంగత నటుడు సుశాంత్ సింగ్ రాజ్ పుత్ చంద్రుడిపై భూమిని కొన్నాడట. చంద్రునికి దూరంగా ఉన్న భూమిని కొనుగోలు చేశాడట. అతను కొన్న ప్రాంతాన్ని ‘మేర్ ముస్కోవియన్స్’ లేదా ‘ముస్కోవి సముద్రం’ అని పిలుస్తారట. బాలీవుడ్ సూపర్ స్టార్ షారుఖ్ ఖాన్ 52 వ పుట్టినరోజు సందర్భంలో ఆస్ట్రేలియాకు చెందిన ఓ అభిమాని చంద్రునిపై భూమిని బహుమతిగా ఇచ్చాడని కొన్ని సంవత్సరాల క్రితం వెల్లడించాడు.

రాజస్థాన్‌ అజ్మీర్‌కి చెందిన ధర్మేంద్ర అనిజా అనే వ్యక్తి తన 8వ పెళ్లిరోజు సందర్భంలో భార్యకు మూడు ఎకరాల భూమిని కొని బహుమతిగా ఇచ్చాడు. పెళ్లిరోజున భార్యకు ప్రత్యేకంగా ఏదైనా చేయాలనే ఆలోచన చంద్రుడిపై భూమి కొనేలా చేసిందట. తాజాగా పెద్దపల్లి జిల్లా గోదావరిఖనిలో తల్లి మీద ప్రేమతో ఆమె కుమార్తె చంద్రుడిపై స్థలం కొని బహుమతిగా ఇచ్చింది. సింగరేణి ఉద్యోగి సుద్దాల రాంచందర్, వకుళాదేవి దంపతుల పెద్ద కుమార్తె సాయి విజ్ఞత అమెరికాలో ఉద్యోగం చేస్తున్నారు. ‘మదర్స్ డే’ సందర్భంలో తల్లికి చంద్రుడిపై ఒక ఎకరం భూమి కొని బహుమతిగా ఇచ్చారట. వీరంతా అసలు చంద్రుడిపై స్థలం ఎలా కొనేస్తున్నారు?

NASA : అంతరిక్షంలో వ్యోమగాములు చనిపోతే మృతదేహాన్ని ఎలా భద్రపరుస్తారు..?భూమికి ఎలా తీసుకొస్తారు..?నాసా చెబుతున్న ఆసక్తికర విషయాలు

చంద్రుడిపై భూమి సొంతం చేసుకోవాలంటే ఒకటే మార్గం ఇంటర్నేషనల్ లూనార్ ల్యాండ్ రిజిస్ట్రీ (ILLR), లూనా సొసైటీ ఇంటర్నేషనల్‌తో పాటు ఇతర సంస్థలు వెబ్ సైట్లు చందమామపై స్థలాలు అమ్ముతున్నాయి. వాటి అధికారిక వెబ్ సైట్ కి వెళ్లి కొనాలనుకున్న ప్రాంతాన్ని సెలక్ట్ చేసుకోవచ్చు. ఆ తరువాత సెట్ డాక్యుమెంట్లను అందించి కొనచ్చు. చంద్రుడిపై ఒక ఎకరం భూమికి దాదాపుగా రూ.35 లక్షలు ఖర్చవుతుందట.

అసలు చంద్రుడి స్థలాలపై హక్కెవరది? అంటే 1967 లో కుదిరిన అంతర్జాతీయ ఒప్పందం ప్రకారం చంద్రుడు, అంతరిక్షంలోని ఉపగ్రహాలు, గ్రహాలు, నక్షత్రాలపై ఏ వ్యక్తికీ, ఏ దేశానికి హక్కులు ఉండవు. చంద్రుడిపై నిజంగానే మనుష్యులు నివాసాలు ఏర్పరచుకోవడం అనేది జరుగుతుందో? లేదో? ఎవరికీ తెలియదు. అయితే కొనేవారంతా ఎందుకు కొంటున్నారు? అంటే తమకు కావాల్సిన వారికి అందరికంటే భిన్నంగా ఆలోచించి వినూత్నంగా బహుమతి ఇవ్వాలనే కోరిక కావచ్చు.