మోడీ పాలన : 50 శాతం పెరిగిన అప్పులు 

  • Published By: veegamteam ,Published On : March 13, 2019 / 10:06 AM IST
మోడీ పాలన : 50 శాతం పెరిగిన అప్పులు 

నరేంద్రమోడీ ప్రధాని అయిన నాలుగు సంవత్సరాలలో ప్రభుత్వ రుణ భారం భారీగా పెరిగిందని ఆర్థిక మంత్రిత్వ శాఖ దృవీకరించింది. మోడీ నాలుగున్నరేళ్ల పాలనలో ప్రభుత్వపు అప్పులు 49 శాతం పెరిగి..రూ.82 లక్షల కోట్లకు చేరాయని..ప్రభుత్వ రుణ భారానికి సంబంధించి ఆర్థిక మంత్రిత్వ శాఖ విడుదల చేసిన స్టేటస్ పేపర్ 8వ ఎడిషన్‌లో ఈ విషయాలు వెల్లడించింది.  2018 సెప్టెంబర్ చివరి కల్లా కేంద్ర ప్రభుత్వపు మొత్తం రుణ భారం రూ.82,03,253 కోట్లుగా ఉంది.
Read Also : గులాబీ సీట్లు, కారు గుర్తుతో YSR కాంగ్రెస్ ప్రచార వాహనాలు

2014 జూన్ చివరి నాటికి రుణ భారం రూ.54,90,763 కోట్లు. ఇప్పటి వరకు చూస్తే ఈ అప్పులు మరింత పెరిగే ఉంటాయి. ప్రభుత్వ రుణ భారం ఒక్కసారిగా పెరగడానికి ప్రధాన కారణం మార్కెట్ రుణాలు. ఇవి ఏకంగా 47.5 శాతం పెరిగాయి. ఎక్స్‌టర్నల్ డెట్, ఇంటర్నల్ డెట్, ఇతరత్రా మార్గాల్లో రుణాలు సమీకరిస్తూ ఉంటుంది. మార్కెట్ లోన్స్ అనేది ఇంటర్నల్ డెట్ విభాగం కిందకు వస్తాయి. ఎక్స్‌టర్నల్ డెట్, ఇంటర్నల్ డెట్‌లను కలిసి పబ్లిక్ డెట్‌గా పేర్కొంటాం.

స్టేటస్ పేపర్‌లో దేశ రుణ భారానికి సంబంధించిన పూర్తి వివరాలు ఉంటాయి. ఇందులో కేంద్ర ప్రభుత్వం ఏ ఏ మార్గాల్లో ఎంత రుణాన్ని సమీకరించిందనే అంశాలను చూడొచ్చు. కేంద్ర ప్రభుత్వ రుణ భారానికి సంబంధించి 2010-11 నుంచి ప్రతీ ఏడాది స్టేటస్ పేపర్‌ను విడుదల చేస్తుంది ఆర్థిక మంత్రిత్వ శాఖ.
Read Also : ఇది కన్ఫామ్ : మంగళగిరి నుంచే లోకేష్ పోటీ