Viral Video: టికెట్ లేకుండా వందే భారత్ ఎక్కిన పోలీసు.. పట్టేసిన టీటీఈ.. ఆ తర్వాత అసలు మజా షురూ..

రాజ్ బి.సింగ్ అనే ఓ జర్నలిస్టు ఈ వీడియోను ట్విటర్ లో పోస్ట్ చేశాడు. భారతీయ రైల్వేను ట్యాగ్ చేస్తూ..

Viral Video

Vande Bharat: వందే భారత్‌ ఎక్స్‌ప్రెస్ రైలులో జరిగిన ఓ ఘటనకు సంబంధించిన వీడియో సామాజిక మాధ్యమాల్లో విపరీతంగా వైరల్ అవుతోంది. ఈ వీడియోలోని సమాచారం నిజమేనా అనే విషయంపై రైల్వే అధికారులు దర్యాప్తు చేపట్టారు.

రాజ్ బి.సింగ్ అనే ఓ జర్నలిస్టు ఈ వీడియోను ట్విటర్ లో పోస్ట్ చేశాడు. భారతీయ రైల్వేను ట్యాగ్ చేస్తూ ఫిర్యాదు చేశాడు. ఆ వీడియో ఉన్న వివరాల ప్రకారం.. టికెట్ తీసుకోకుండా వందే భారత్‌ ఎక్స్‌ప్రెస్ రైలు ఎక్కి ఎంచక్కా కూర్చున్నారు యూపీకి చెందిన ఓ ఇన్‌స్పెక్టర్. ఆయన కూర్చున్న పక్కన సీట్లో లగేజ్ కూడా పెట్టారు.

ప్రయాణికులందరి వద్దా టికెట్ తనిఖీ చేస్తూ టీటీఈ వచ్చారు. ఈ ఇన్‌స్పెక్టర్‌ను కూడా టికెట్ చూపించాలని అడిగారు. అయితే తాను పోలీసునని, టికెట్ అవసరం లేదని ఆ ఇన్‌స్పెక్టర్ చెప్పినట్లు ఈ వీడియోలో ఉంది. టికెట్ లేకుండా రైలు ఎక్కడానికి వీల్లేదని టీటీఈ చెప్పారు.

దీంతో తనకు ఈ ఒక్కసారి టికెట్ లేకుండా ప్రయాణం చేసే ఛాన్స్ ఇవ్వాలని ఇన్‌స్పెక్టర్ కోరినట్లు ఈ వీడియో ద్వారా తెలుస్తోంది. ఈ ఇన్‌స్పెక్టర్‌ను తదుపరి స్టేషన్ లో టీటీఈ దించేసినట్లు సమాచారం. ఆ వందే భారత్ రైలు లఖ్‌నవూ వెళ్తుండగా ఈ ఘటన చోటుచేసుకున్నట్లు ఓ జాతీయ మీడియా పేర్కొంది.

ये वायरल वीडियो लखनऊ गोरखपुर वंदे भारत एक्सप्रेस की है ट्रेन में बिना टिकट एक दरोगा जी चढ़ गए …टीटीई ने डांटते हुए कहाँ नीचे उतरिए… अब दरोगा जी बेचारे फंस गए @IndianRailMedia @RailMinIndia pic.twitter.com/naddPmrlUB

— Raj B. Singh (@razzbsingh) October 9, 2023

Delhi Metro : మెట్రోలో బరితెగించిన జంట..వాళ్లు చేసిన పనికి మండిపడుతున్న నెటిజన్లు