ఈసారి భిన్నంగా వేసవి కాలం.. ఏం జరగనుందంటే?

ఈ వేసవి కాలంలో ఎండలతో పాటు అప్పుడప్పుడు వర్షాలను కూడా చూస్తామని వాతావరణ శాఖ నిపుణులు చెబుతున్నారు.

Weather Forecast (Image Credit To Original Source)

• చలి కాలం నిష్క్రమించే రోజులు వచ్చేశాయ్‌
• వచ్చేనెల రెండో వారం నాటికి వేసవికాలం షురూ
• ఈసారి ఎండలతో పాటు అప్పుడప్పుడు వర్షాలు కూడా

Weather Forecast: చలి తీవ్రత తగ్గుతోంది. చలి కాలం నిష్క్రమించే రోజులు వచ్చేశాయి. వచ్చేనెల రెండో వారం నాటికి వేసవికాలం మెల్లగా మొదలవుతుంది. ఈ వేసవి కాలంలో ఎండలతో పాటు అప్పుడప్పుడు వర్షాలను కూడా చూస్తామని వాతావరణ శాఖ నిపుణులు చెబుతున్నారు. ఎల్ నినో ఎఫెక్ట్ వల్ల ఎండావానలను ఈ సీజన్‌లో చూడొచ్చని అంటున్నారు.

Also Read: ఆ రోజున విచారణకు రండి అంటూ ఏపీ లిక్కర్ స్కామ్‌లో వైసీపీ ఎంపీ మిథున్ రెడ్డికి ఈడీ నోటీసులు

నిపుణులు చెప్పిన వివరాల ప్రకారం.. వచ్చేనెల రెండో వారం నుంచి ఏప్రిల్​ చివరి వారం వరకు ఇదే పరిస్థితి ఉంటుంది. అంతేకాదు, క్లౌడ్​బరస్ట్​లకూ అవకాశం ఉంటుంది. అసలుసిసలైన వేసవికాలాన్ని ఈసారి మే నెలలోనే చూస్తాం. 2023 ఏడాదిలో కనపడ్డ ఎండల కంటే ఈసారి అధికంగా ఉంటాయి.

మేలోనే కాదు జూన్ తొలి వారంలోనూ ఎండల తీవ్రత అధికంగా ఉంటుంది. 2023లో బలమైన ఎల్​నినో ఏర్పడింది. దీంతో ఆ ఏడాది వేసవి కాలంలో ఎండల తీవ్రత అధికంగా రికార్డయింది. 2025 ప్రారంభం సమయానికి లానినా బలపడి వర్షాలు బాగా కురిశాయి. గత ఏడాది డిసెంబర్ నాటికి లానినా ఫేజ్ ముగిసిపోయే దశకు వచ్చింది.

దీంతో ఇప్పుడు ఎల్​నినోగా మార్పు చెందే అవకాశం ఉంది. తెలంగాణలోనూ ఈ సారి మే నెలలో రికార్డ్ స్థాయిలో ఉష్ణోగ్రతలు నమోదయ్యే అవకాశం ఉంది. రుతుపవనాల రాక కూడా ఆలస్యం కావచ్చు.