వన్టే సిరీస్‌కు టీమిండియా ఇదే.. కుర్రాళ్లకు అవకాశం

India Squad For England Odis Suryakumar Krunal Prasidh Krishna Included1

ఇంగ్లాండ్‌తో జరగబోయే మూడు మ్యాచ్‌ల వన్డే సిరీస్‌కు టీమ్ ఇండియాను బోర్డ్ ఆఫ్ కంట్రోల్ ఫర్ ఇండియా(బిసిసిఐ) ప్రకటించింది. ఈ సిరీస్‌ ద్వారా తొలిసారిగా సూర్యకుమార్ యాదవ్, ఫాస్ట్ బౌలర్ కృష్ణ వన్డే జట్టుకు ఎంపికయ్యారు. ఆస్ట్రేలియాతో జరిగిన టెస్ట్ సిరీస్‌లో అద్భుతంగా రాణించిన ఫాస్ట్ బౌలర్ మహ్మద్ సిరాజ్‌ ఈ సిరీస్‌కు ఎంపికయ్యాడు. మొత్తం ఐదుగురు ఫాస్ట్ బౌలర్లకు జట్టులో స్థానం లభించింది.

ఇంగ్లండ్‌తో వన్డే సిరీస్‌కు జస్‌ప్రీత్ బుమ్రాకు విశ్రాంతి లభించింది. బుమ్రా ఇటీవల వివాహం చేసుకోగా.. అతనికి సెలవు ఇచ్చింది బీసీసీఐ.. వన్డే జట్టుకు ఎంపిక చేయలేదు. వన్డే సిరీస్ కోసం టీం ఇండియాలో ఐదుగురు ఫాస్ట్ బౌలర్లు భువనేశ్వర్ కుమార్, టి నటరాజన్, శార్దుల్ ఠాకూర్, మహ్మద్ సిరాజ్ మరియు ప్రసిద్ధ కృష్ణను సెలెక్ట్ చేసింది.

ఈ సిరీస్ కోసం ఫాస్ట్ బౌలర్ కృష్ణ, స్పిన్ ఆల్ రౌండర్ క్రునాల్ పాండ్యాలను టీం ఇండియాలో చేర్చారు. ఇటీవల ముగిసిన విజయ్ హజారే ట్రోఫీలో ఈ ఇద్దరు ఆటగాళ్ళు అద్భుతంగా రాణించారు. భారత దేశీయ క్రికెట్‌లో అత్యుత్తమ, ప్రతిభావంతులైన ఫాస్ట్ బౌలర్లలో ఒకరైన కృష్ణ 2021 విజయ్ హజారే ట్రోఫీలో 21 వికెట్లు పడగొట్టాడు. అదే సమయంలో, 2021 విజయ్ హజారే ట్రోఫీలో క్రునాల్ పాండ్యా అద్భుతంగా ప్రదర్శన ఇచ్చాడు. ఈ టోర్నమెంట్‌లో క్రునాల్ అజేయంగా రెండు సెంచరీలు, రెండు హాఫ్ సెంచరీలు చేశాడు.

సూర్యకుమార్ యాదవ్‌కు చోటు..
ఐపీఎల్‌లో గత మూడు సీజన్లలో అద్భుతంగా ప్రదర్శన చేసిన సూర్యకుమార్ యాదవ్, ఇంగ్లాండ్‌తో టీ20 సిరీస్‌కు టీమిండియాలో చోటు దక్కించుకున్నాడు. ఇప్పుడు వన్డే సిరీస్‌లో కూడా చేరాడు. ఇంగ్లండ్‌తో జరిగిన నాలుగో టి 20లో 57 పరుగుల ఇన్నింగ్స్ ఆడి సూర్యకుమార్ తన ప్రతిభను నిరూపించుకున్నాడు. బ్యాటింగ్ విభాగంలో విరాట్ కోహ్లీ, రోహిత్ శర్మ, శిఖర్ ధావన్, కెఎల్ రాహుల్, శుబ్మాన్ గిల్ లకు స్థానం లభించింది. అదే సమయంలో, రిషబ్ పంత్ వికెట్ కీపర్‌గా తిరిగి జట్టులోకి వచ్చాడు.

వన్డే సిరీస్ షెడ్యూల్:

మొదటి వన్డే – 23 మార్చి (పూణే)
రెండవ వన్డే – 26 మార్చి (పూణే)
మూడవ వన్డే – మార్చి 28 (పూణే)

టీమిండియా:
విరాట్‌ కోహ్లీ(C), రోహిత్‌ శర్మ(వైస్‌ కెప్టెన్‌), శిఖర్‌ ధావన్‌, శుభ్‌మన్‌ గిల్‌, శ్రేయస్‌ అయ్యర్‌, కేఎల్‌ రాహుల్‌(WK‌), హర్దిక్‌ పాండ్య, క్రునాల్ పాండ్య, రిషభ్‌‌ పంత్‌(వికెట్‌ కీపర్‌), కుల్దీప్‌ యాదవ్‌, వాషింగ్టన్‌ సుందర్‌, నటరాజన్‌, భువనేశ్వర్‌ కుమార్‌, శార్ధూల్‌ ఠాకూర్‌, సిరాజ్‌, సూర్యకుమార్‌ యాదవ్‌, ప్రసిద్ధ్‌ కృష్ణ, చాహల్‌

TEAM – Virat Kohli (Capt), Rohit Sharma (vc), Shikhar Dhawan, Shubman Gill, Shreyas, Suryakumar Yadav, Hardik Pandya, Rishabh Pant (wk), KL Rahul (wk), Y Chahal, Kuldeep Yadav, Krunal Pandya, W Sundar, T Natarajan, Bhuvneshwar Kumar, Md. Siraj, Prasidh Krishna, Shardul Thakur.

— BCCI (@BCCI) March 19, 2021