Joe Root and Chahal Dance: మాస్ స్టెప్పులతో దుమ్మురేపిన చాహల్, జో రూట్.. వీడియో వైరల్
రాజస్థాన్ రాయల్స్ జట్టు ప్లేయర్స్ రూట్, యుజ్వేంద్ర చాహల్ మాస్ స్టెప్పులతో డ్యాన్స్ చేశారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.
- Published By: 10TV Digital Team ,Published On : April 7, 2023 / 02:54 PM IST
Joe Root and Chahal Dance (Image: Twitter)
Joe Root, Chahal Dance : ఐపీఎల్ – 2023 టోర్నీలో మ్యాచ్‌లు రసవత్తరంగా సాగుతున్నాయి. కొన్నిజట్ల మధ్య పోరు నువ్వానేనా అన్నట్లు జరుగుతుంది. దీంతో క్రికెట్ ప్రియులు మస్త్ ఎంజాయ్ చేస్తున్నారు. రాజస్థాన్ రాయల్స్ జట్టు ఈ టోర్నీలో రెండు మ్యాచ్ లు ఆడింది. రెండింటిలో ఒకటి విజయం సాధించి పాయింట్ల పట్టికలో నాల్గో స్థానంలో నిలిచింది. అయితే, ఈ జట్టు ప్లేయర్లు ఇంగ్లండ్ మాజీ కెప్టెన్ జో రూట్, యుజ్వేంద్ర చాహల్ డ్యాన్స్ చేస్తున్న వీడియోను జట్టు యాజమాన్యం తమ ట్విటర్ ఖాతాలో షేర్ చేసింది. ప్రస్తుతం ఈ వీడియో వైరల్ గా మారింది.
ఈ వీడియోలో జో రూట్ యుజ్వేంద్ర చాహల్ తో కలిసి ఓ హిందీ పాట ‘భరోసా తేరి ప్యార్ తే’ అనే పాటకు స్టెప్పులేశాడు. తొలుత చాహల్ సెప్టెలేసి చూపించంగా వాటిని అనుసరిస్తూ జో రూట్ వేయటం వీడియోలో కనిపిస్తుంది. ఆ తరువాత ఇద్దరు కలిసి మాస్ స్టెప్పులతో సందడి చేశారు. ప్రస్తుతం ఇందుకు సంబంధించిన వీడియో వైరల్ గా మారింది. రూట్ డ్యాన్స్ చూసి నెటిజన్లు కామెంట్లతో పొగడ్తల వర్షం కురిపిస్తున్నారు.
Welcome to IPL (Yuzi style) Roooot! ?? pic.twitter.com/bI4rPoRHSE
— Rajasthan Royals (@rajasthanroyals) April 6, 2023
జో రూట్ కోటి రూపాయలకు రాజస్థాన్ జట్టు యాజమాన్యం కొనుగోలు చేసింది. ఈ సీజన్‌లో జరిగిన రెండు మ్యాచ్‌లలోనూ జోరూట్ ఆడలేదు. క్రికెట్‌లో బ్యాట్‌తో రెచ్చిపోయే రూట్.. తన డ్యాన్సింగ్ స్కిల్స్‌తో నెటిజన్లను ఫిదా చేస్తున్నాడు.
