Lords : పాపం న‌క్క బావా.. క్రికెట్ ఆడాల‌ని వ‌చ్చిందో.. ప‌రుగు పందెం అని అనుకుందో.. వీడియో వైరల్..
క్రికెట్ మ్యాచ్‌లు జ‌రుగుతున్న‌ప్పుడు ఒక్కొసారి అనుకోని అతిథులు వ‌స్తూ ఉంటాయి.
- Published By: 10TV Digital Team ,Published On : August 6, 2025 / 12:36 PM IST
The Hundred 2025 Opener fox invades field video viral
క్రికెట్ మ్యాచ్‌లు జ‌రుగుతున్న‌ప్పుడు ఒక్కొసారి అనుకోని అతిథులు వ‌స్తూ ఉంటాయి. ఇటీవ‌ల శ్రీలంక‌లో మ్యాచ్ జ‌రుగుతుండ‌గా ఓ పాము మైదానంలోకి రావ‌డాన్ని చూసే ఉంటాం. తాజాగా క్రికెట్‌కు పుట్టినిల్లు అయిన లండ‌న్‌లోని లార్డ్స్ మైదానంలోకి ఓ అనుకోని అతిథి వ‌చ్చింది. ఎక్క‌డి నుంచి వ‌చ్చిందో తెలియ‌దు గానీ ఓ న‌క్క మైదానంలోకి వ‌చ్చింది. దీంతో కాసేపు మ్యాచ్ ఆగిపోయింది.
ప్ర‌స్తుతం ఇంగ్లాండ్‌లో ది హండ్రెడ్ 2025 సీజ‌న్ జ‌రుగుతోంది. ఈ టోర్నీలో భాగంగా లండన్ స్పిరిట్, ఓవల్ ఇన్విన్సిబుల్స్ జ‌ట్ల మ‌ధ్య ఓ మ్యాచ్ జ‌రిగింది. ఈ మ్యాచ్‌లో మొద‌ట బ్యాటింగ్ చేసిన లండన్ జ‌ట్టు 94 బంతుల్లో 80 ప‌రుగుల‌కు ఆలౌట్ అయింది. ఓవల్ ఇన్విన్సిబుల్స్ బౌలర్ల‌లో సామ్ కరణ్, రషీద్ ఖాన్ లు చెరో మూడు వికెట్లు తీశారు. ఆ త‌రువాత ఓవల్ జ‌ట్టు 81 ప‌రుగుల లక్ష్యంతో బ‌రిలోకి దిగింది.
Team India : బుమ్రా నుంచి నాయ‌ర్ వ‌ర‌కు.. విండీస్‌తో సిరీస్‌కు ఈ ఏడుగురు ఆట‌గాళ్ల‌కు చోటు క‌ష్ట‌మే?
There’s a fox on the field! 🦊 pic.twitter.com/3FiM2W90yZ
— Sky Sports Cricket (@SkyCricket) August 5, 2025
లండన్ స్పిరిట్ బౌలర్ డేనియల్ వోరాల్ బౌలింగ్ చేసేందుకు సిద్ధం అవుతుండ‌గా.. ఎక్క‌డి నుంచి వ‌చ్చిందో తెలియ‌దు కానీ ఓ న‌క్క మైదానంలోకి వ‌చ్చింది. గ్రౌండ్ మొత్తం అది ప‌రిగెత్తింది. న‌క్క‌ను చూసిన ఆట‌గాళ్లు, అంపైర్లు, ప్రేక్ష‌కులు ఆశ్చ‌ర్య‌పోయారు. న‌క్క మైదానంలో తిరిగుతుండ‌డంతో కాసేపు మ్యాచ్‌కు అంత‌రాయం ఏర్ప‌డింది.
Team India : నెల‌రోజులు టీమ్ఇండియా ఆట‌గాళ్ల‌కు రెస్ట్‌.. ఎందుకో తెలుసా ?
కొద్ది సేప‌టి త‌రువాత న‌క్క మైదానం నుంచి బ‌య‌ట‌కు వెళ్లింది. అది ఎవ్వ‌రికి ఎలాంటి అపాయం క‌లిగించ‌క‌పోవ‌డంతో ప్రేక్ష‌కులు చ‌ప్ప‌ట్లు కొడుతూ కేరింత‌లు కొట్టారు. న‌క్క వెళ్లిపోవ‌డంతో మ్యాచ్ మ‌ళ్లీ మొద‌లైంది. 81 ప‌రుగుల ల‌క్ష్యాన్ని ఓవల్ జ‌ట్టు 69 బంతుల్లో 4 వికెట్లు కోల్పోయి ఛేదించింది.
కాగా.. న‌క్క మైదానంలో ప‌రిగెడుతున్న వీడియో ప్ర‌స్తుతం సోష‌ల్ మీడియాలో వైరల్ అవుతోంది. దీనిపై నెటిజ‌న్లు త‌మ‌దైన శైలిలో కామెంట్లు చేస్తున్నారు.
